1. De sancta Margareta.

In 1. Vesperis.
Super Psalmos.

A. O sidus angelicum,

Virgo Margareta,
Audi sonum mellicum,

Quem plebs canit laeta;
Quae draconis uterum

Signo crucis Christi
Assistente superum

Coetu confregisti,
Impetra solacium

Reis desolatis,
Ut caeli palatium

Dimissis peccatis
Scandentes in gloria
Vivamus per saecula.

Ad Magnificat.

A. Fidelis turba, propere
Regem festina cernere
Pacificum Salomona,
Sertatum matris corona;
Super Cherubim residet,
Infima qui cuncta videt,
In throno sedet gloriae,
Quem dulces stipant filiae,
Sion adulescentulae,
Hierusalem iuvenculas,
Quae castitatis lilia
Rosarumque martyria
Sponso portant in canistris.
O quid suavius his sistris?
Inter quas, en, luce laeta
Ardens stella, Margareta,
Pro nobis regem virginum
Ora, precamur, Dominum.

Ad Matutinum.
Invitatorium.

Regem regum veneremur,
Ipsi semper modulemur,
Ut Margaretae sociemur.

In 1. Nocturno.
Antiphonae.

1. ''Domine Dominus noster,
''Cuius fulget nomen mire,
Dum ex vasis trahis irae
Vas honoris Margaretam,
Per quam superas athletam,
Inimicum et ultorem.

2. ''Caeli enarrant gloriam Dei,
''Cuius fide praesignita
Margareta margarita
Olybrium superavit,
Regem Christum dum amavit
Super mel et favum

3. Domini est terra,

Margaretam qui in montem
Sanctum ducens illi fontem
Dat caelestis disciplinae,
Hanc qui petet sine fine,
Ipse est rex gloriae.

Responsoria.

1. Gaude, mater ecclesia,
Quam illustrant sollemnia
Margaretae celebria,
Cuius praeclaro sanguine
Pro Christi fuso nomine
Aeterna stat memoria.

V. ''Astitit regina a dextris tuis
in vestitu deaurato circum-
data varietate.''

2. Cum nutricis oves pavit,
Praeses hanc videns amavit
Impulsans minis, precibus,
Sed illa tamquam stercora
Mundi reputans decora
Adbaeret Christi legibus.

V. ''Lex Domini immaculata, con-
vertens animas, testimonium
Domini fidele, sapientiam
praestans parvulis.''

3. Tristatus draco territat
Margaretam, dum flagitat
Hostis videre faciem,
Qui deglutivit tremulam,
Sed salvat Christi famulam
Crux huius signans aciem.

V. ''Aperuit super eam os suum
sicut leo rapiens et rugiens.''

In 2. Nocturno.
Antiphonae.

1. ''Eructavit cor tuum verbum
bonum,
''Christi virgo Margareta,
Dum virtutum fructu feta
Dilexisti iustitiam,
Consecuta laetitiam
Et domum patris tui.

2. ''Deus noster refugium,
''Arma, scutum qui confregit
Et in nihilum redegit
Crudelis hostis iaculum,
Ut faciat tabernaculum
Suum altissimus.

3. ''Fundamenta eius
''Posuit in suis sanctis,
[Montibus] quam fulsit tantis
Columnis rex noster David,
Sanguine suo fundavit
Eam altissimus.

Responsoria.

1. Educta praeses virgine
Rursus novo certamine
Vult sanctam mentem frangere,
Dum lampades ad latera
Succendit, sed haec aspera
Tormenta vicit prospera.

V. ''Igne eam Dominus examinavit,
et non est inventa in ea ini-
quitas.''

2. Post haec undis immergitur,
Motu terra concutitur,
Dissolvuntur vincula,
Currentis ad spectaculum
Gentis ad hoc miraculum
Credunt quina milia,
Qui pro Christo decollati
Sanguineque baptizati
Capiunt caelestia.

V. ''Posuerunt mortalia servorum
tuorum escas volatilibus eaeli,
carnes sanctorumtuorumbestiis
terrae.''

3. O vere caelestis regis
Prolem non degenerem,
Decollanda cuius legis
Se designat memorem,
Dum preci dato spatio
Orat pro persecutore
Et sui memoriam
Agente, dehinc fuso rore
Sanguinis ad gloriam
Tendit caesa gladio,

V. ''Quam ingreditur sine macula
operata iustitiam.''

In 3. Nocturno.
Antiphonae.

1. Cantate Domino,

Orbem terrae qui correxit,
Margaretam dum provexit,
Ut gentium daemonia
Damnet ; Deo sit gloria
In sanctificatione eius.

2. ''Dominus regnavit,
''Et exsultet ecclesia,
Dum Margareta tenera
Adorantes sculptilia
Voce damnat libera
In simulacris suis.

3. ''Cantate Domino,
''Qui recordans veritatis
Salutare missum gratis
Revelat per Margaretam,
Quam fortem stupent athletam
Omnes termini terrae.

Responsoria.
1. Virgo sancta Dei
Margareta dum nutricis
Suae pascebat oves,
Olybrius transiens
Dixit ministris suis:
Adducite mihi illam,
Erit mihi concubina;

V. ''Si est libera, accipiam eam in
uxorem, si autem servilis
dato pretio.''

2. O crux sancta mirabilis,
Cuius vis est terribilis
Daemoniorum agmini,
Per quam victrix Margareta,
Draconem dum scidit, laeta
Collaudat nomen Domini.

V. ''In te inimicos nostros venti-
labimus cornu et in nomine
tuo spernamus insurgentes in
nobis.''

3. Spretis illecebris,

o Margareta celebris,
Iam toto mundo

vitii nos solve profundo,

V. Nos coniunge Deo,

martyr praeclara trophaeo.

In Laudibus.
Antiphonae.
1. Olybrius praeses viam
Dum versus Antiochiam
Fecit, habebat obviam
Christi sponsam Margaretam.

2. Cuius illi decens decor
Amore perurens iecor
Cogit, ut hanc sponsam quaerat,
Quae se Christo iam voverat.

3. Nuntiis sic dixit: Ite
Et de puella quaerite,
De statu, secta discite,
Ut sponsa sit, adducite.

4. Legati iussa perferunt,
Sed de consensu virginis
Responsa cassa referunt,
Quam vinxit amor numinis.

5. Hinc ut aurum in fornace
Probatur, cum non vivace
Poena virgo concutitur
Nec praemiis allicitur.

Ad Benedictus.

A. O Christi sponsam vigilem,
O Margaretam nobilem,
Dum sponsus noctis medio
Venit clamore praevio,
In vase ferens oleam
Suscepit Dominum Deum.

In 2. Vesperis.
Super Psalmos.

A. Ave, praeclarissima
Virgo Margareta,
Quae vicisti daemonem.
In carcere latentem
Et praefectum Olybrium
Crudeliter tonantem;
O patrona splendida,
Castitate candida,
Theodosi filia,
Tua prece nos adiuva,
Ut post haec exsilia
Tecum simus in gloria.

Ad Magnificat.

A. O benigna Margareta,
Christi martyr et athleta,
Hoste victo, morte spreta

Regnans iam triumpho laeta,
Deprecamur, mala veta,

Et cum vitae venit meta,
Fac nos frui sede quieta.