9. De Armis Domini.

Ad Laudes.

1. Verbum supernum prodiens
Salvare, quod perierat,
Clavis cruce se muniens
Complevit, ad quod venerat.

2. O gloriosa lancea,

Timor et tremor daemonum,
Regna pandis siderea
Per vitae sanctae meritum.

3. De clavorum stigmatibus
Emanat mundi pretium,
Prae cunctis aromatibus
Fragrat odorem caelicum.

4. In corde Christi mergitur
Mucro sole splendidior ;
Fons vivus tunc exoritur
Omni dulcore dulcior.

5. In sole frangit phialam
Furoris iracundiae,
Dum miles figit lanceam
In corde regis gloriae.

6. Quaesumus, auctor omnium,
In hoc paschali gaudio,
Per clavorum suffragium
Floret nostra devotio.

7. Gloria tibi, Domine,

Qui surrexisti a mortuis,
Redemptos tuo sanguine
Sertis ornans perpetuis.