Tertia Quinquagena.

1. Ave, caeli,

terraeque domina,

Mentes nostras

[caecas] illumina,

Ad te clamor

noster sic veniat,

Ut orantes

Deus exaudiat.

2. Ave, mater

Dei sanctissima,

Benedicit

quam omnis anima,

Compescere

fac tuus filius

Extra pugnantes

nos et interius.

3. Ave, Dei

mater magnifica,

Corda nostra

pie pacifica,

Ut animae

nostrae in gloria

Benedicant

Deum per saecula.

4. Ave, quae Deo

confitentibus

Invocata

praesto es omnibus,

Fac, nos eius,

qui fecit sidera,

Inter gentes

narrare opera.

5. Ave, mater,

Deo confitentium

Es et vera

mater credentium,

Fac nos omni

mundatos macula

Confiteri

Deo per saecula.

6. Ave, cuius

et Dei filio

Cor paratum

psallit ex animo,

Fae nos ei

devote agere

In gloria

et laudem canere.

7. Ave, cuius

laudes altissimus

Non taceri

iussit nos Dominus,

Eripe nos

a peccatoribus

Et a fraudulentis

operatoribus.

8. Ave, virgo

virtutem retinens,

Toto corde

Domino confitens,

Suscipiat

nos congregatio

Beatorum

tuo auxilio.

9. Ave, virgo,

quae times Dominum

Et diligis

prae natis hominum,

Fac nos eius

mandata cupere

Et secundum

eadem vivere.

10. Ave, virgo,

quam laudant pueri,

Non Evae

malitia teneri

Et omnino

mundatos criminum

Fac nos caeli

laudare Dominum.

11. Ave, virgo,

cuius antiquitas

Ex Israel

fuit paternitas,

Ab bomine

malo nos libera

Et eripe

de plebe barbara.

12. Ave, virgo

diligens Dominum,

Plus omnibus

filiis bominum,

Et in Deum

tua dilectio

Nostrae vocis

est exauditio.

13. Ave, virgo,

et cum pepereris

Deum, de quo

credis, quod loqueris,

Spiritus nostros

semper humilia

Et pauperes

duc ad sublimia.

14. Ave, virgo,

quae laudas Dominum,

Cuius laudes

non babent terminum,

Confirmet nos eius

misericordia,

Pius qui est

vere per saecula.

15. Ave, virgo,

cuius ecclesia

Confitetur

misericordia,

Infidelem

retunde populum,

Custodi nos

usque in saeculum.

16. Ave, carens

peccati macula

Et beata

per cuncta saecula,

Fac, ut in lege

Dei et in via

Ambulemus

et non per vitia.

17. Ave, virgo, quae

semper ad Dominum

Vociferas

pro culpis hominum,

Libera nos a

tribulationibus,

Quae parcere

nosti peccantibus.

18. Ave, virgo,

nitens plus quam rosa,

Sole, luna

quae plus speciosa,

Eleva nos

ad summum montium,

Unde nobis

venit auxilium.

19. Ave, de qua

laetantur angeli

Et fideles

quicunque populi,

Introduc nos

in domum Domini,

Uti eius

psallamus nomini.

20. Ave, virgo

caelo inhabitans

Et pro nobis

ad Deum clamitans,

Fac, ut laetati

fideles populi

Ad superna

tendant mentis oculi.

21. Ave, in quam

descendit Emmanuel,

Quem propago

praevidit Israel

Nasciturum

de suo semine,

Libera nos

ab omni crimine.

22. Ave, virgo

fortis ut mons Sion

Et confidens

in Dei filio,

Fac. ut pacis

aeternae visio

Nobis perpes

sit habitatio.

23. Ave, mater

Deum parturiens

Et ad eum

captivos convertens,

Pete, mitis,

a tuo filio,

Fiat nobis

ut consolatio.

24. Ave, virgo,

cuius muros domus

Dominator

instruxit Dominus,

Vane laborant

hominum filii,

Si non habent

manus auxilii.

25. Ave, plena

timoris Domini,

Quae nullius

timuisti crimini,

Quos peccata

non vis committere,

Fac in viis

Dei incedere.

26. Ave, virgo,

quam nullus hostium

Expugnatam

traxit ad vitium,

Nosque serva

ab impugnantibus

Et eripe

tuis virtutibus.

27. Ave, virgo,

quae supercilia

Habuisti

semper humilia,

Neque erexit

cor exaltatio,

Sanctifica

nos tuo filio.

28. Ave, virgo,

mansuetudinis

Heres David

et fortitudinis,

Obsecramus,

nostri memineris,

Qui volvimur

in luto sceleris.

29. Ave, cuius

iucunda bonitas

Est et semper

bona iucunditas

Deprecare,

ut fraternitas

Sit inter nos

et sancta caritas.

30. Ave, virgo,

quam servi Domini

Benedicunt

magni et minimi,

Fac, ut Dei

benedictio

Emundet nos

ab omni vitio.

31. Ave, virgo,

quam laudant omnia,

Homo, pecus

et volatilia,

Fac, quicunque

sunt servi Domini,

Laudem eius

tribuant nomini.

32. Ave, virgo,

quae Dei mirabilia

Confiteris

et nosti omnia,

Fac, ut omnes

filii hominum

Confitentes

laudemus Dominum.

33. Ave, Sion

caelestis filia,

Nihil habens

de Babylonia

Fac nos flere

mala, quae fecimus,

Quibus cantus

nostros amisimus.

34. Ave, caeli

praepotens domina,

Quae virtutum

transcendis culmina,

Fac, Deo con-

fitemur cordibus,

Et audiri

da nostris vocibus.

35. Ave, virgo

probata meritis,

Praesentibus

atque praeteritis

A peccatis

fac nos resurgere

Et in bonis

fac semper vivere.

36. Ave, virgo,

quae bonos eripis,

Et malignos

et pravos diripis,

Eripe nos

a malo homine

Et ab omni

libera crimine.

37. Ave, mater

ad te clamantium,

Exaudiens

voces fidelium,

Intendere

digneris vocibus

Nostris, ad te

dum clamaverimus.

38. Ave, virgo,

pro culpis hominum

Vociferans

semper ad Dominum,

Fac, intendat

nobis orantibus,

Si non nostris

vel tuis precibus.

39. Ave, Dei

dicata filio,

Fac, ut semper

nostra oratio

Audiatur

ab ipso Domino,

Qui iustus est

et verax omnino.

40. Ave, virgo

docens ad proelium

Contra hostes

manus fidelium,

Doce meos

semper digitos

Contra motus

carnis illicitos.

41. Ave, virgo,

quam Dei filius

Exaltavit prae

ceteris amplius,

Benedicas

fidelem populum

Amodo et

usque in saeculum,

42. Ave, virgo,

speculum virginum,

Cuius laudat

anima Dominum

Fac, ut omnes

qui modo vivimus,

Eum laudemus,

donec fuerimus.

43. Ave, virgo,

cuius laudatio

Iucunda est

et placens Domino,

Fac nos ei

placentes vivere,

Cui soli

bonum est psallere.

44. Ave, virgo

praecellentissima,

Deum laudans

cum Ierosolyma,

Fac, ut in Sion

caelestis specula

Collaudemus

eum per saecula.

45. Ave, virgo

caelis excelsior,

Virginibus

cunctis humilior,

Fac, in caeli

sublimitatibus

Ut laudetur

a nobis Dominus.

46. Ave, virgo,

cui nova cantica

Plebs decantat

omnis uranica,

Fac, ut sancto-

rum in ecclesia

Collaudetur

Dei potentia.

47. Ave, sanctis

ceteris sanctior

Virgo atque

mater potentior,

Per te, mater

et decus virginum,

Laudet omnis

spiritus Dominum.

48. Tibi, Deus

pater, sit gloria

Cum filio

nato de filia

Et spiritu

sancto per omnia;

Gloria sit

etiam virgini,

Quae praelata

est omni homini,

Per saeculum

nesciens termini.

Dem Psalter geht in der Hs.

das folgende Prooemium vorauf:

Suscipe, sancta Dei genetrix virgo[que] Maria,

Quas tibi de psalmis offero mente pia

Cantica nee versu spernas de paupere donum,

Sed magis offer ea iudicis ante thronum,

Cumque salutata fueris, laudata, rogata,

Quaeso, memento mei pauperis exigui

Et pleni vitiis, virtutis et omnis egeni,

Respiciens inopem des pietatis opem,

Des regnum caeli vivo cuicumque fideli,

Defunctis requiem prosperitatis. Amen.