SQUILLACEN. 21

aperta videbatur: et reapse municipia denuo iam minita- bantur litem se esse instauratum, nisi Marchio ad quamdam compositionem non consentirei. Porro, prosequitur marchio, qui orator hac in causa est, iam libellae 15000 in actis iudiciis impensae fuerunt, absque spe redintegrationis, quia Congregationes charitatis nihil possident et gratuito patro- cinio fruuntur; hinc, rebus sic stantibus: 1. petiit faculta- tem ineundi compositionem cum sodalitiis charitatis tradendo caput, cuius reditus impendendi sint in operibus charitatis pro pauperibus duorum municipiorum. 2. Petiit, per eiusmodi traditionem, liberari a quocumque onere, ratione indetermi- nata imposito a pia testatrice. 3. Petiit, ad suae conscien- tiae quietem, super omissis quibusvis sanationem.

Disceptatio Synoptica

Animadversum est quoad primum precum punctum, nem- pe quoad licentiam conveniendi cum municipiis eisque con- gruam summam in legati adimplementum concedendi, nil videri obesse. Siquidem in primis ad id faciendum plena vi- detur esse in haerede potestas ; nam cum testatrix iusserit, suum haeredem pauperibus duorum locorum victum et vestes suppeditaturum, quin de modo et ratione distributionis quid- quam praefìnierit; liber videtur haeres id praestandi per se aut per alium, ex speciali constituta sorte, aut indistincte ex universis suae haereditatis viribus.

Quin dicatur duobus municipiis eorumque Congregationi charitatis id muneris non posse committi : nam cum testatrix circa onerum adimplendorum modum, nihil ordinaverit ni- hilque vetuerit, in haeredis arbitrio esse videtur, quemlibet sibi magis bene visum delegare , et quaecumque mandare.

De cetero huiusmodi conventio moraliter necessaria est, attentis duorum municipiorum praesumptionibus et aemula- tionibus. Imo et utilis: nam si Marchio cum municipiis non transigat et conveniat, lites instaurabuntur, et dispendia crescent; quae quidem in damnum pii operis et in subsidio- rum diminutionem certe redundabunt. At imo utilitas etiam