19.

In Transfiguratione Domini.

Ad Vesperas.
Hymnus Iacobi Aegidii Setalitani, Magistri s. Palatii.

1. Gaude, mater pietatis,
In valle gementium

Pro ducatu dignitatis
Christi, regis omnium,

Quo dilecta praedotaris
In culmine montium ;

2. Ubi patres praecellentes
In mortali corpore

Admirantur assistentes
De tam grandi munere,

Divinum lumen cernentes
In creato lumine.

3. Quod vertices prophetarum
Praecolunt devotius:

Moyses, lumen praeclarum
Legis datae caelitus,

Et Elias, iubar magnum,
Zelo Dei fervidus.

4. Praesentia deitatis
Declaratur provide

In audita voce patris
De supremo germine

Et spiritu veritatis
Forma nubis lucidae.

5. Genitori genitoque

Laus et iubilatio,
Salus, honor, virtus quoque

Sit et benedictio,
Procedenti ab utroque

Compar sit laudatio.