Prima Quinquagena.

1. Beatus vir, qui in lege meditatur,
De Maria quid dicatur,
Quae regina coronatur,
Dum in caelo collocatur.

2. Quare fremuerunt gentes
Nec Mariae crediderunt?
Nam virginem non credentes,
Eius partum dum viderunt.

3. Domine, quid multiplicati
Sunt et ipsi ad quid nati,
Qui Mariae sunt ingrati,
Per quam omnes sunt beati?

4. Oum invocarem Mariam
In dolore cordis pleni,
Super omnes vere piam
Consolantem me inveni.

5. Verba mea intellexit,

Dum me reum non despexit,
Immo cor meum sibi rexit,
Quod ad Deum me direxit.

6. Domine, ne in furore
Peccantem me corripias,
Sed pro virginis honore
Errantem me suscipias.

7. Domine Deus, speravi,
Postquam graviter erravi,
In Maria, dum me lavi
A peccatis, quae amavi.

8. Domine, Dominus noster, mi-
rum,
Quod te carne vestivit
Virgo nesciens virum,
Ut mens divina scivit.

9. Confitebor tibi, Domine,
Hoc mirum non ab bomine,
O Virgo, pone me in spe,
Quia salus nostra ex te.

10. In Domino confido
Et in te vere spero,
Nec quidquam sic formido,
Quia per te salvus ero.

11. Salvum me fac, mater Dei,
Lumem verum cordis rei,
Adiutricem vere mei
Super omnes te elegi.

12. Usque quo te avertis
A me, gratia plena?
Quare me non convertis,
Ne laedant me terrena?

13. Dixit insipiens
Velut insana gens,
Deum non fore ens
Nec Mariae credens.

14. Domine, quis habitabit
In virginali corde?
Qui Mariam salutabit,
Dum natus es in orbe.

15. Conserva me, o beata,
Ab angelo salutata,
Ut anima mihi data
Te laudare sit parata.

16. Exaudi me, benigna,
Noli me reprobare,
Quae omni laude digna,
Me doce te amare.

17. Diligam te, virtus mea,
Sed anima tota rea,
Veniam mihi non nega,
Paenitenti vero te da.

18. Caeli et totus mundus
Enarrant te fore piam,
Dele peccati pondus,
Ut te laudare sciam.

19. Exaudiat te filius,

Qui secundum carnem tuus,
Sed cum patre Deus unus
Dans remissionis munus.

20. Domine, in virtute
Mariae sic confido,
Ut vivens valde tute
Sibi sperans non diffido.

21. Deus, Deus, respice,
Ne vacua sit in re
Gratia tua in me,
Quam Maria dat ex se.

22. Dominus regit te,
Mater, ut retribuas
Eius et contra vae
Gratiam distribuas.

23. Domini est terra grata,
Spiritu sancto ornata,
Maria, de qua est nata
Sapientia increata.

24. Ad te, virgo, levavi

Cor meum multum sitiens,
Ex te me recreavi,
Quae fons es indeficiens.

25. Iudica me, domina,
Iudicio pro me sta,
Filio responsum da,
Ut vivam per saecula.

26. Dominus illuminatio
Est cordis virginalis,
Et haec est magna ratio
Amoris cordialis.

27. Ad te, virgo, clamabo,
Me totum tibi dabo,
In tua gratia stabo,
Sic te semper commendabo.

28. Afferte munera ei,

Quae verbum caro tenuit,
Sicut reges Deo regi,
Quem mater virgo genuit.

29. Exaltabo genetricem
Filii Dei felicem,
Quae animam infelicem
Consolatur peccatricem.

30. In te, virgo, speravi
Custodiae tuae datus,
A peccatis mihi cavi,
In peccatis tamen natus.

31. Beati, quorum delicta
Sive facta, sive dicta
Propter te sunt derelicta
Conscientia non ficta.

32. Exsultate, iusti facti

Per Mariam, quae novavit
Vos et memor vestri pacti,
Quando pacem reformavit.

33. Benedicam te, quae es
Benedicta super omnes
Et inter mulieres
Peccatorum vera spes.

34. Iudica me impugnantes,
Tua arma apprehende
Et repelle malignantes,
Adiutricem te ostende.

35. Dixit iniustus dolose:
Hunc confundam captiose,
Obsta, virgo, gratiose,
Ne sic cadam vitiose.

36. Noli aemulari, dicis
Mihi, virgo benedicta,
In malignantibus, si vis,
Ne tangat te vindicta.

37. Domine, ne in furore
Me arguas aut rigore,
Sed pro virginis amore
Me absolvas ab errore.

38. Dixi, custodiam vias,
Te Dei matrem sequendo,
Sed me errare scias,
Si non me per te emendo.

39. Expectans exspectavi,

Tibi cor meum praeparavi,
Dum lacrimis lectum rigavi
Pro meo peccato gravi.

40. Beatus, qui intellegit,
Quod gratia tua valeat,
Hic vere se non neglegit,
Qui eam a te capiat.

41. Quemadmodum desiderat
Cervus, ut fontem habeat,
Sic et anima videat,
Ne gratia tua careat.

42. Iudica me et corripe,
Ne laedar a furioso,
O virgo pia, eripe
Me ab homine doloso.

43. Deus, auribus audivimus
Mariam, quam piam scivimus,
Per quam nisi tuti simus,
Contra hostes male imus.

44. Eructavit verbum bonum
Cor suum dulce et suave,
Sic divinum sciens donum
Hoc solum audiens Ave.

45. Deus noster, refugium
Et peccatorum omnium
Est virgo mater hominum,
Te sola placans Dominum.

46. Omnes gentes, plaudite
Virgilii laudem dantes,
Peccati vias claudite
Mariam venerantes.

47. Magnus Dominus laudabilis.
Speciosus et amabilis,
Genitus nobis affabilis,
Per Mariam est placabilis.

48. Audite haec, omnes gentes,
Ex ea est nostrum meritum,
Consolatur paenitentes
Non sustinens interitum.

49. Deus deorum amavit
Eam et ad hoc creavit,
Quod in ea se armavit,
Dum hostem nostrum prostra-
vit.

50. Miserere mei, Deus,
Mariae preces intende,
Veniam peto reus,
Ab hostibus me defende.