DIVISIO ET EXPOSITIO TEXTUS.

Oportet ergo, ut aestimo, etc.

In praecedenti capitulo determinavit de principio a quo est hierarchia, in isto vero determinat de principio quo nobis traditur, scilicet sacra Scriptura, ostendens qualiter ipsam congrue manifestet, scilicet corporalibus figuris ducentibus in spiritualia : et hoc patet per titulum, qui talis est : Quoniam pulchre, id est, decenter, nobis divina et caelestia etiam per symbola corporalia dissimilia eis manifestantur.

Dividitur autem hoc capitulum in tres partes. In prima ponit divisionem totius operis, ut ostendat quid. de hierarchia determinandum sit. In secunda ostendit qualiter Scriptura describens hierarchiam per corporalia ducat in spiritualia, ibi, Ut non et nos. In tertia epilogat, ibi, Tanta quidem a nobis.Littera sic legatur : Ergo ex quo caelestes hierarchiae manifestantur nobis per

prosit : deinde vero caelestes hierarchiae celebrandae, secundum earumdem mysticam in Oraculis explanationem : postea denique dicendum, quibus formis sacris caelestes istos ordines eloquiorum sacrae delineent descriptiones, nec non ad qualem adduci deceat per formas istas simplicitatem, symbola in Scripturis ad nostram perfectionem, oportet, ut aestimo, id. est, sicut certe scio. Et est modus loquendi sacrae Scripturae, ut ad Rom. viii, 18 : Existimo quod non sunt condignae, etc. Oportet, dico, primum exponere quam aestimemus, id est, sciamus esse speculationem, id est, diffinitionem, omnis hierarchiae, id est, communem omni hierarchiae, angelicae et humanae. Et dicit diffinitionem speculationem, quia complectitur terminos rei per quos necesse est rem speculari : et hoc in tertio, quarto et quinto capitulis. Et est illa pars in qua agit de communibus hierarchiae, et quae sunt in ejus essentia. Et oportet exponere quid ipsius, id est, de numero earum, unaquaeque profuit divinis laudatoribus, id est, illuminationibus hierarchicis Deum laudantibus, id est, quam utilitatem consequatur quis ex eo quod est in quocumque ordine hierarchiae. Et deinde oportet laudare, id est, laudando exponere. Finis enim hujus operis est non solum ut sciamus, sed etiam devote contemplemur : et ideo cum laudo divina debent exponi et admiratione. Laudare, dico, caelestes hierarchias, id est, angelicas per propria earum, secundum manifestationes earum in eloquiis, id est, sicut manifestantur in sacra Scriptura : et hoc a sexto capitulo usque ad decimum quintum : et est illa pars in qua tradentur propria earum in se, que, id est, et oportet dicere consequentibus his, id est, in parte libri quae consequitur dictas, scilicet in decimo quinto capitulo, ubi determinantur pro-

pria earum in comparatione ad nos, qualibus divinis formationibus, id est, figuris divinitus traditis, sacrae descriptiones eloquiorum, id est, sacrae Scripturae, figurant caelestes ordines, scilicet Angelorum, idest, in figuris tradunt. Et opor- tet dicere ad qualem veritatem oportet ascendere per formas, id est, figuras traditas : non enim traduntur ut in eis sistamus, sicut consequenter ostenditur, sed ut per haec in spiritualia proportionaliter nobis manuducamur.

2