Tertia Quinquagena.

1. Domine, exaudi rosam rosarum,

Quae lux est tenebrarum,

Maria peccatorum lucernam

Nobis gratiam petens super-

nam.

2. Benedic hanc speciosam

Super omnia intuenti,

Matrem virginem gratiosam

Peccatori revertenti.

3. Benedic hanc puellam,

Mariam, lucidam stellam,

Quae lux sanctorum cordium

Est et gratiae primordium.

4. Confitemur, quod caelica clavis

Sit et solacium beatorum

Haec virgo dulcis et suavis

Nobisque regula morum.

5. Confitemini, quod pax odiorum

Sit Maria metaque laborum,

Omnium medicina dolorum

Et omnium collatrix bonorum.

6. Confitemini Mariam esse,

Quam figurat stella marina,

Vere virgam stirpe de Iesse,

Producens florem sine spina.

7. Paratum cor sit in credendo

Et vere Mariam confitendo

Adiutricem paenitentis

Et nutricem innocentis.

8. Deus, laudem honoris

Mariae a me recipias,

Ut pro merito laboris

Tu in caelis me suscipias.

9. Dixit Dominus: Domine,

Quem natum virginis nomine,

Sede a dextris meis,

Quia filius Dei regis.

10. Confitebor Dei filium,

Mariae virginis fructum,

Qui divinum per consilium

Sanum dat suis conductum.

11. Beatus vir, qui Deum regem

Timet et eius tenet legem,

Huic Maria erit grata,

Et vere obtinet optata.

12. Laudate, pueri, laudabile

Nomen regis Dei fortis

Et nomen valde amabile

Matris devictoris mortis.

13. In exitu populi fidelis

De terra Pharaonis crudelis

In Iudaea laudem peregit,

Ex qua Deus matrem elegit.

14. Dilexi vere Mariam,

Quoniam me exaudivit,

Et inveni eam piam,

Dum meas preces audivit.

15. Credidi Mariae adflictus

Sincero corde non fictus,

Pro eo non sum devictus

Multorum sustinens ictus.

16. Laudate Mariam, omnes gen-

tes,

Quae virtutem dat viventibus,

In hoc mundo dolentes

Associat gaudentibus.

17. Confitemini, quod sanctis sanc-

tior

Est virgo, ut cedrus lignis altior,

Prae cunctis in caelo rutilans,

Ad latus Christi iubilans.

18. Beati immaculati,

Qui in via legis proficiunt,

A Maria sunt amati,

Si non per devia deficiunt.

a. Retribue mihi magnifica,

O caeli regina deifica,

Pro laude tua mirifica

Me sancta vita vivifica.

b. Legem pone et intellectum

Da mihi, ut sic proficiam,

O virgo, sis mihi obiectum,

In bono ne deficiam.

c. Memor esto, cella verbi Dei,

Quae luce clarior es diei,

Ut sic gratia me vivifices,

Quod mei opera rectifices.

d. Bonitatem fecisti,

O virgo, filium procreando

Et mundo subvenisti

Nobis gratiam impetrando.

e. Defecit anima mea,

O Maria, sis pro ea,

Super omnes te imploro

In hoc mundo, quo laboro.

f. Quomodo dilexi legem,

Nisi per te, virgo, instructus?

Dum exivi Dei gregem,

Sum tua gratia reductus.

g. Iniquos odio habui

Et ad te, virgo, abii,

Dum a mundi fallacia

Me traxisti gratia.

h. Mirabilia testimonia

Sunt de te, o virgo, caeli scala,

Nam vere omnia daemonia

Vincis et totius mundi mala.

i. Clamavi in toto corde

Ubique terrarum orbe

Ad te, virgo, tribulatus

Et per te sum liberatas.

k. Principes persecuti sunt,

Quos virgo mater amavit,

Et eam secuti sunt,

Quos gratia sua vocavit.

19. Ad Dominum, cum tribularer,

clamavi

Et matrem virginem invocavi,

Sic sum vere consolatus

ln hoc mundo contristatus.

20. Levavi oculos, ut veniat

Mihi, virgo, a te auxilium,

Et, nisi gratia subveniat,

Tunc ibo in exsilium.

21. Laetatus sum pro his et pro eo,

Quod Maria virgo est cum Deo

In domo eius, qua nos laeti

Intrabimus dati quieti.

22. Ad te levavi oculos,

O virgo, cordis cum affectu,

Ut mei peccati rotulos

Facias deleri cum effectu.

23. Nisi quia Dominus erat

In te, o virgo, in quam sperat

Homo, ab hoste devoratus

Esset et vere desperatus.

24. Qui confidunt in tua gratia,

O Maria, exsultabunt,

Quia tua efficacia

Contra hostes triumphabunt.

25. In convertendo sumus facti

A peccati poenis tacti

Per te, o virgo, consolati

Et ad veniam vocati.

26. Nisi Dominus custodierit,

Hostibus sumus redditi,

Et si pro nobis non audierit

Te matrem, sumus perditi.

27. Beati omnes timentes

Deum et laudi insistentes

Mariae, matris nostri Domini,

Qui vita est et salus homini.

28. Saepe expugnaverunt

Me hostes vi proterva,

Vincere non potuerunt,

Te sic, virgo, me conserva.

29. De profundis ad te arcam Christi

Clamavi, quae nobis effudisti

Thesaurum productum syna-

goga,

Pro nohis, virgo mater, ora.

30. Domine, non est exaltatum

Cor virginis gratia superna,

Quod sic pro nobis est ornatum,

Ut nostrae vitae sit lucerna.

31. Memento bonis insignita,

O virgo, regis urbs munita,

Ut laxes reis debita

Augeasque bonis merita.

32. Ecce, quam bonum et quam

iucundum,

Quod exiit per te portam clausam

Deus descendens in profundum,

Ut nostram perficeret causam.

33. Ecce nunc, quae praevidit Daniel

Et quae nuntiavit Gabriel,

Quod es vere benedicta

Gratiaeque mater dicta.

34. Laudate nomen conditoris,

Qui missus Mariae de sublimi,

In nobis gratiae fundatoris,

Dum carnem sumpsit nostri limi.

35. Confitemini vitae lumen

Et paradisi purum flumen,

Mariam, cuius pulchra facies

Inter caelestes splendet acies.

36. Super flumina Babylonis flentes

Fecit Deus repatriare,

O virgo, in mundo nos gementes

Fac caeli regnum intrare.

37. Confitebor, quod est venturus

Cum flammis fortis iudex durus,

O virgo, tunc te ostende

Nobis piam et defende.

38. Domine, probasti cognoscens,

Quod nostrum opus est humanum,

Maria, sis pro nobis poscens,

Ne labor noster sit in vanum.

39. Eripe me per tuas preces

Et munda cordis mei faeces,

Virgo, ne me hostes fallant,

Qui me tota die vallant.

40. Domine, clamavi: intende,

Quod mater virgo me suscipiat,

Et gratiam mihi impende,

Ne malus hostis me decipiat.

41. Voce cordis te, virgo, precor,

Ut mihi per te detur decor,

Qui sic animam decoret,

Quod te, ut decet, honoret.

42. Domine, exaudi me orantem

Et Mariae me commenda,

Ne despicias me deprecantem,

Sed vitam meam emenda.

43. Benedictus Deus, qui ditavit,

Nos propitius dum visitavit

Per Mariam, quam intravit,

Gratiam dum nobis donavit.

44. Exaltabo te et benedicam,

Deus, merces es gaudentium

In caelo, o virgo fac, quod dicam:

Laetabor in terra viventium.

45. Lauda, anima, hoc munus,

Tres operati sunt, quod unus.

Qui ex virgine natus apparet,

In mortem se pro nobis daret.

46. Laudate Dominum, quoniam bo-

nus,

Qui pro nobis factus vir dolorum,

Cuius Maria electus thronus,

Probra passus Iudaeorum.

47. Lauda, Ierusalem, quod est orta

De te stella maris, caeli porta,

Maria, nutrix ducas magni.

Qui ad instar venit agni.

48. Laudate Dominum de caelis

Et Mariae benedicamus,

Sic superatis hostium telis

Laeti caeli regnum intramus.