24. "In festo Nominis Iesu".

Ad Processionem.

E. Salve, festa dies, toto venerabilis aevo,

Qua Iesus hoc nomen flectere cuncta facit.

1. Caelica namque pavent, terrestria quoque verentur,
Et baratri prope consistere taetra vetat.

2. Nomen sublimis virtutis, nomen honoris.
Omnia transcendit nomina summa virum.

8. Atque reos servat, tegit hos insultibus, astat.
Hostes impeditat, dirimit atque fugat.

4. Nomen enim mite, portans praecordia vitae;
Nil sanum, gratum redditur absque eo.

5. Salvator Iesus est populo reddendo salutem
Et pro grege suo pertulit ipse necem.

6. Inscriptum legitur cuiusdam corde sacrato:
Tantus ei fervor nominis huius erat.

7. Hoc nomen maestis laetitia, tristibus amplum
Praesidium confert, bella necat trucia.

8. O Iesu, o pulcher, summe bonus ipse valore,
Quam pius et lenis dulcia dando foves !

9. Ergo, velit scire si quis, cur hoc modo tantae
Laudis erit, dictus nam Deus est et homo.

10. O tu, qui Deus es excellens nomine celsis,
Gratum redde chorum nunc famulare tibi.

11. Ut post decessum valeamus corpore tecum
Conregnare, Iesu, tu pius esto, Iesu.