28 NEAPOLITANA

ferae convulsiones me fortiter torquerunt, quarum terminus fuit magnus fletus. Alia autem vice coacta fui a Noverca petere parvam capellani, in qua reperi Ingovitz cum aliis. Memini tantum quod incessanter flevi, et quod genuflectens apud altare, ubi sacerdos loquebatur de oneribus matrimonii, evanui amittendo sensum auditus et visus, ignorans quid aliud evenerit. Quum ad sensus rediverim, veste nuptiali me indutam vidi, coram noverca et sorore mea. In hoc casu quidquam potest affirmare Adeliam verum liberumque con- sensum dedisse, si compos sui non erat? Coram sacerdote circumdata testibus et noverca coactoribus suis, qui cum essent consiliarii novercae hoc matrimonium praepararunt, et ad assensum puellam cogebant, quomodo poterat dissolvi, fugere, vel obstare? Vel non dedit assensum, et parochus equivoco quodam vocem malignae novercae, pro voce Adeliae suscepit, vel convulsionem parochus, hilaritate dicam !, sper- nens somniatum antecedentem consensum sumpsit pro prae- senti ! Et tamen Alexander III haec iubet, in C. cum lo- cum 14 de spons. : « Animus est indagandus, ne per ti- morem dicat sibi placere quod odit et sequatur exitus qui de invitis nuptiis solet evenire. » Pontifex ius naturae de- clarabat promulgans. Verum audiamus Petrum qui procul a Neapoli maxima distantia coram Curia Lebacensi, cum iu- ramento deposuit, cuius depositionis verba ab eadem curia in latinum sermonem translata fuerunt, quod sequitur : « Circa mensem Septembris an. 1869 prima vice hanc per- sonam vidi, nempe Adeliam, sponsae domum saepius fre- quentavi, quae fauste affecit animum meum, simul autem cum tristitia animadverti quod non sit bene educata, et aversionem erga me manifestaverit. Ope et intercessione domini Levi et causarum patroni Dominici Gatteschi actio promota et producta est usque ad sponsalia », nempe quando noverca Adeliae ait : Adelia, hic erit tuus sponsus, sed illa contemnendo nihil respondit. Matrigna ipsi non favebat et eam male tractabat... facile animadverti poterat desiderium matrignae, ut liberaretur quocumque modo a privigna. Die