26. De Corpore Christi.

Ad Processionem.

R. Salve, festa dies, toto venerabilis aevo,
Qua Deus ecclesiam dicat honore suam.

1. Ecce, dies laeta, post tristia tartara spreta
Gratia succedit, perdita vita redit.

2. Hoc corpus Christi salvans de funere tristi
Manna figuravit, litera prisca canit.

3. Hoc verbum patris, caeli formator et orbis,
Cum patre cuncta creat et deitate beat.

4. Angelis est panis summa refectio sacris,
Sed sensu vanis nil valet iste panis.

5. Hoc corpus verum firmans primordia rerum
Infera confregit atque redempta regit.

6. Laudem complacuit, carnem sine semine sumpsit,
Virginis et matris viscera sacra replet.

7. In cena resideus, corpus sum sanguine sumens
Discipulos pavit, mystica dona dedit.

8. Intactae matris natus, sapientia patris,
Constat in altari victima vera Dei.

9. In cruce regnavit, moriens mortem superavit,
Et mundi maculas sanguis et unda lavit.

10. Palmas extendit, vitam pro morte rependit

Post tridaum surgens, corpus ad alta vehens.

11. Perpetuam requiem tu, fons et origo bonorum,
Hunc servando chorum da, sine nocte diem.