28 In Pentecoste.

1. Adesto, summa suavitas,
Patris natique caritas.
Ut per tuum solacium
Sit nobis plenum gaudium.

2. Tu fecundasti virginem,
Ut novum ferret hominem,
Qui sua sapientia
Dissolvit mortis vincula.

8. Apostolorum pectora
Tua replesti gratia,
Ut in scripturis mystica
Nossent Christi magnalia.

4. De tuo est consilio,
Quod gentes Dei filio
Propinquant gressu fidei,
Quam repulerunt Iudaei.

5. Tu roborasti martyres
Contra cunctas tyrannides
Istius mundi principum,
Fideles persequentium.

G. Doctoribus ecclesiae
Dando lumen scientiae
Exterminasti noxias
Haereticorum tenebras.

7. Nunc pietatis oleum
Nobis est necessarium,
Quod ut nostris pectoribus
Large infundas, petimus,

8. Ut tremendo iudicio
Sufficiente oleo
In sapientum virginum
Censeamur consortium ;

9. Ne in die iudicii

Stemus cum servis pavidi,
Sed timor sanctus filiis
Nos iungat electissimis.

10. Sit tibi laus, paraclite,
Fons multiformis gratiae,
De summo patre et filio
Procedenti perpetuo.