30. De sanctissima Trinitate.

Ad Processionem.

R. Salve, festa dies, toto venerabilis aevo,

Qua laudant trinum cuncta creata Deum.

1. En, pater omnipotens, proles cum flamine sacro,
Simplex et trinus ; iam veneratur homo.

2. Lux, calor et motus persistunt semper in igne ;
Invariabiliter tres deitate manent.

3. Fons indeficiens, a nullo principiatus

Est pater ingenitus, omnia principians.

4. Ut radius sole procedit, splendor ab igne,
Verbum de patre nascitur omnisciens.

5. Dum gignens prolem videt et genitus genitorem,
Consolatorem spirat uterque pium.

6. Unicus in trino Deus est et trinus in uno,
Nec plus aut maius est genitor genito.

7. Indivisa manet deitas, substantia, virtus,
Imperium, bonitas, unicus est et honor.

8. Non valet includi felicis conditor aevi
Punctis his variis temporis exigui.

9. Est nunc, est semper, sicut fuit atque manebit ;
Aeternum praesens semper adest Domino.

10. Hic sedet aethere, vivit in aere, regnat ubique,
Omnia scrutatur, intima nostra videt.

11. Cuncta creant simul et servant tres foedere miro ;
Quod trinus retinet, unus et alter habet.

12. Semina campi, climata mundi, limina terrae
De se produxit omnis origo boni.

18. Ecce, creatori radianti luce perenni
Congaudent voto cuncta creata pio:

14. Nunc florum variis redimitur terra capillis,
Prata virent herbis cultaque ima bladis.

15. Nunc in tranquillo ludens salit aequore piscis,
Dulciter in foliis et citharizat avis.

16. Floribus in niveis vestitur candida fontis,
Fulget purpureis aspera spina rosis.

17. Stilbon cum Venere, Saturnus, pallida Phoebe
Splendescunt rutilo lumine plus solito.

18. Belligeri Martis vires pietas Hyemalis

Temperat et terno plaudit uterque Deo.

19. Lucidiore nitet radio nunc splendida Phoebi
Lampas stellifero sidus in orbe suo.

20. Spiritus angelici benedicunt corditer uni
Et regi trino, debita solvit homo.

21. Iure Deum trinum festo veneramur in isto,
Quo pater in verbo sistit amore suo.

22. Quem pia vota....... . .

Carmineum munus sume, benigne Deus.

23. Trine Deus, qui cuncta regis, de carcere cunctos
Christicolas regnum transfer ad aethereum.

24. Vocibus angelicum resonemus dulcibus hymnum,
Gloria sit trino debita lausque Deo.