32. In Dedicatione Ecclesiae.

Ad Processionem.

R. Salve, festa dies, toto venerabilis aevo,
Qua sponso sponsa iungitur ecclesia.

1. Haec est aula Dei pacis locus et requiei,
Hic ineunt inopes ad Salomonis opes.

2. Filius ille David, qui nos sibi consociavit,

Hac in matre domo et Deus est et homo.

3. Copula caelestis vos spiritualiter estis,
Si servando fidem esse velitis idem.

4. Urbs nova Ierusalem descendens spiritualem
Attulit ornatum lucis ab arce datum.

5. Hunc fidei fructum sacro baptismate ductum
Dat rex iustitiae caelitus ecclesiae,

6. Firma David turris, huc si pede perpeti curris,
Invenies in ea pignora siderea.

7. Haec est arca Noe, credentibus auxiliatrix,

Quae vehit ad portum, quos vehit uuda maris.

8. Haec est scala Iacob, per quam conscendere solum
Credenti populo dat bona vitae, polum.