36 NEAPOLITANA

sed etiam ob teneram eius aetatem, ob pueriles mores in- genuamque simplicitatem, ob debilem eius valetudinem, eam amanter ut puellam tractavit, atque a prima coniugalis vitae periodo usque ad separationem, sponsam curae commisit an- cillae, quae potius ut socia quam ut famula tum domi tum extra, tum die, tum nocte, tamquam cum puella, amice mo- raretur. Nuptialem lectum in ipsa sponsi domo nunquam vidit; separatim a viro suum habebat nocte cubiculum, atque in ipso nuptiali itinere separatim a viro cum famula in alio dormiebat cubiculo. Post tres a coniugio menses nuptiali expleto itinere, vir eam Venetiis cum famula reliquit, et de facto a viro separata longissimo tempore, eum numquam vidit. Ille quidem Alexandriae Aegypti degebat, nisi forte ob sua negotia alio digredi quandoque cogeretur: illa vero, utens, abutens, pecunia, quae a viro liberaliter atque amanter mittebatur, primum Venetiis, deinde in pluribus, Helvetiae praesertim et Germaniae, urbibus commorata est, tandem Neapoli apud suos : semper a viro corpore spirituque divisa, donec ille Neapolim venit cum spe aliqua coniugalem vitam cum ea Alexandriae ineundi, quum iam esset maturior et decimum septimum vitae annum attigisset. Coniugale tamen debitum illi proponere non est ausus per se, sed solum in- directe per consanguineam mulierem in cuius domo degebat : sed frustra. Utrum Adelia, quae se matrimonii vinculo li- gatam putabat, iure consensum negare potuerit, heic non quaero, soli facto insisto: illa ab omni consortio cum tali viro abhorruit. Indignatus ille legalem separationem mini- tatur, culpam omnem, dedecus, atqua damna in eam refun- dens : illa et praesentia et futura damna, dedecus et culpam in se suscipit, atque omnibus, quae etiam circa dotalia bona vir voluerit, caece subscribit ; tandem a viro legali ter sepa- ratur, sed intacta. Sed iam supervacaneum est haec ex pro- cessu probare, quum iam ex iuratis Doctorum testimoniis, quae in processus supplemento afferuntur, omnino constet eam, facta corporis inspectione, intactam repertam fuisse.

Difficultas tamen aliqua in re adeo manifesta proponi