33. In Conceptione Beatae M. V.

Ad 1. Vesperas.

1. Festum originis

Canat ecclesia
Beatae Virginis,

Magnaque gaudia
Mens et vox concinnent,
Devote iubilent

Almae matri dignissime.

2. Cuius conceptio

Vitae primordium
Et generatio

Castum exordium
Praebent, clarificant,
Animas desponsant

Christo sponso castissime.

3. Virgo concipitur,

Vetus praesagium
Verum efficitur,

Quod regem omnium
Intacta pariens
Castaque permanens

Nostram salutem edidit.

4. Regnis in omnibus

Non est opus factum,

Quod det hominibus
Talem pacis actum ;

Caeli ad patriam

Veram per gratiam
Aditum nobis reddidit.

5. Oramus, domina,

Reorum beatrix,
Absterge crimina,

Inclita salvatrix;
Nos ad cor contritum
Ac Deo unitum

Perduc reos ac miseros.

6. Praesta hoc, genitor,
Rex clemens maxime,

Et orbis conditor,
Nate praeoptime,

Ac sancte spiritus,

Verus paraclitus,

Ne mergamur in inferos.