X. Soliloquium sive Psalterium BMV. [Pars. I]

Prologus.

1. Quoniam, virgo Maria,
Semper laudanda crederis,
Quoniam tu parens pia
Misereris mox miseris,

2. Eris semper oris mei
Laus unica, laude digna,
Et tu, mater Iesu Dei,
Laudem istam sume, signa.

3. Signa eam signaculo
Tuae benedictionis,
Omni te laudet saeculo,
Laus fiat devotionis.

4. Devotionis huic laudi
Assistens sit Iesus gratus,
Omni queat hosti claudi
Angelis sanctis servatus.

5. Servatus servus existat,
Qui, Maria, te cogitat,
Fortiter carni resistat,
Quisquis laudem hanc recitat.

6. Recitat sancta scriptura,
Plena tuis iam laudibus,
Quod es orans, oratura
Pie pro peccatoribus.

7. Peccatoribus respectis
A te Deus fit placatus,
Laudibus mundi despectis
Te laudans vere beatus.

8. Beatus ergo etiam
Sitii sic optans per te,
Te per tuam licentiam
Laudabo clam et aperte:

9. Aperte mirabilia

Tua narrans his letatus
Clamque laudis eloquia,
Quorum lector sit beatus.

I.

1. Beatus vir, qui discedit
A feminae malae via,
Beatior cum accedit
Ad te, beata Maria.

2. Maria, virgo virginum,
A caelesti missa rege,
Felix conventus hominum,
Qui in tua student lege.

3. Lege quidem salutari,
Lege Iesu, lege legum,
Hos facies meditari,
Virgo, mater regis regum.

4. Regum rex, cuius filius
Est hominum per te pius,
Beatus homo sobrius
In lege studens illius.

5. Illius tu voluntatem
Figas in hac sancta lege,
Qui tuam virginitatem
Colit in filio rege.

6. Rege tibi commendatum,
Sancta rectrix animarum,
Me reddens lignum plantatum
Secus decursus aquarum.

7. Aquarumque viventium
Dans poculum salutare
Arentem uti cremium
Me digneris adaquare.

II.

8. Quare fremuerunt gentes
Et Iesum non invenerunt?
Nisi quia neglegentes
Ad Mariam non venerunt.

9. Venerunt ad te, Maria,
Populi, qui peccaverunt,
Et ante te prece pia
Cum laudibus astiterunt.

10. Astiterunt reges terrae
Et principes convenerunt
Magnaliaque conferre
De te, Maria, coeperunt.

11. Coeperunt fructificare
Perfusi tua gratia,
Maria, lux lucens clare,
Quam semper decet gloria.

12. Gloria tibi, Maria,

Per quam in Cana nuptiae
Vinum factum manu dia
Ceperunt aquam hydriae.

13. Hydriae tua fluenta
Funde, plena dulcedine,
Familiae, quae intenta
Laudi tantae sit dominae.

III.

14. Domine, quid multiplicas
Nostras tribulationes?
Redde mentes pacificas
Per matris orationes.

15. Orationes praesenta,
Tu dominans dominabus,
Quae tergant inquinamenta
Fidelium animabus.

16. Animabus enim malis
Esse salus non poterit,
Nisi quas spes specialis,
Maria virgo, iuverit.

17. Erit autem nobis salus,
Si te, virgo, simus fulti,
Qua decidit hostis malus,
Qua iustificantur multi.

18. Multi quoque pigritantes
Abiecta somnolentia
Pervigiles per te stantes
Iesum colunt cum gloria.

19. Gloria tibi, domina,
Quae per iter impiorum
Spargis gratiae semina,
Ut viam noscant iustorum.

IV.

20. Cum invocarem deprecans
Te, reorum advocata,
Exaudisti me resecans
Mea nimia peccata.

21. Peccata multa gessimus
Parvuli, plura adulti,
Quae tibi, parens, pandimus,
Qua salvantur recti multi.

22. Multi dicunt: quis ostendet
Nobis bona remedia?
Si te quaerent, haec praetendet
Eis tua clementia.

23. Clementia magna plena
Atque superna gratia,
Pulchra nimis et aemoena,
Redolens supra lilia.

24. Lilia nulla taliter

Fraglant nec nardus nec herba,
Sicut Mariae iugiter
Vitae gesta, landis verba.

T.

25. Verba mea percipiant
Aures tuae pietatis,
Unde mihi subveniant
Manus sanctae trinitatis.

26. Trinitatis dominicae
Hospita, digna femina,
Dominum Iesum unice
Portasti, potens domina.

27. Domina nostra, dux vitae
Et iustitiae semita,
Vitae meae non munitae
Insidias praecipita.

28. Praecipitaque reatus

In profundum lacrimarum,
Maria, fundens precatus
Ad salutem animarum.

29. Animarum Iesu salus,
Genitus ex hac virgine,
Des, ut fleam mala malus
Prece praecelsae dominae.

VI.

30. Domine, ne in furore
Tuo me tandem arguas,
A Mariae matris ore
Sumas preces continuas.

31. Continuas preces funde
Pro errantibus in via
Et aquas vallis profundae
Nimias, mater, eia.

32. Eia, nunc miserere
Mei tu, mitis Maria,
Aegrotantique medere
Et impium pie pia.

33. Pia potestate vigens,
Bella premens hostilia,
Age, ne me vir adfligens
A Iesu fuget gloria.

34. Gloria tibi, domina,
Quae per iter impiorum
Spargis gratiae semina,
Ut viam noscant iustorum.

VII.

35. Domine, Deus salvator,
Liberator oppressorum,
Per matrem salver peccator,
Quae nescivit viri thorum.

36. Thorum enim in peccatis
Scivi mundum amplexando,
Sed me levans sana gratis
Consensum nequam necando.

37. Nequando animam meam
Rapiat leo rugiens,
O Maria, serves eam,
Virgo, pressis subveniens.

38. Subveniens et subvertens
Facta daemoni foedera
Theophilumque convertens,
Iuvare nos accelera.

39. Accelera, spes pauperum,
Exsurgere cum gloria,
Per quam meorum scelerum
Consumatur nequitia.

40. Nequitia remittitur

Contemplantis tuum vultum,

Venerari te igitur

Iustum est semper et multum.

41. Multum et iam auxilium
Da, sublatrix Dei irae,
Quo valeam iudicium
Iesu iustum praeterire.

42. Praeterire supplicia

Nequit plenus peccamine,
Nisi misericordia
Mariae, magnae dominae.

VIII.

43. Domine, nobis dominans,
Das nomen admirabile
Matris tuae, exterminans
Daemonium horribile.

44. Horribile fert peccalum
Daemon et flagella dira,
Sed clausit ei meatum
Memoria tui mira.

45. Mira magnificentia
Nominis tui, Maria,
Elevata in patria
Nobis virtus sit in via.

46. In via quidem bominum
Daemon diu non moratur,
Qua Maria, lex virginum,
Nomen tuum ruminatur.

47. A turbis ergo discedens
In laudibus exercebor
Et nomini tuo sedens
Ac procidens confitebor.

IX.

48. Confitebor tibi corde
Nominis mirabilia,
Alma mater sine sorde,
Sine carnis spurcitia.

49. Spurcitia non iugiter
Servum inquinat Domini,
Qui se semper sinceriter
Commendat tuo nomini.

50. Nomini binc altissimo
Laete psallam, altissima,
Magno depromens animo,
Ut hoc signetur anima.

51. Anima illa beata,
Cuius animus pudicus,
Nomine tuo signata
Aufert, quod fert inimicus.

52. Inimicus a facie
Nominis tui pereat,
Maria, et rex gloriae
Per hoc ad me iam redeat.

53. Redeat ad Deum suum
In Satanae morans via,
Maria, per nomen tuum
Rursum fulgens fide pia.

54. Pia cuius memoria

In cor meum sic figatur,
Sicque promant hoc labia,
Quod anima protegatur.

55. Protegatur plebs etiam

Per hoc nomen, quod rumino,
Pro quo do laudis hostiam
Tibi, mater, in Domino.

X.

56. In Domino sperem Christo,
Filio tuo, Maria,
Spreto mundo nequam isto,
Cuius est ad mortem via.

57. Via vaga discurrentes
Sunt malorum participes,
Sed secreto te colentes
Servant superni principes.

58. Principes lucis aemuli
Intenderunt arcum suum,
Sed tui, mater, oculi
Figantur in servum tuum.

59. Tuum aspectum in tuos
Non sufferunt daemonia,
Verum, virgo, gressus suos
Tunc remittunt et retia.

60. Retia ergo eorum
Rumpe tua potentia,
Maria, manus vinctorum,
Nostra virtus et gloria.

61. Gloria tibi, domina,
Quae per iter impiorum
Spargis gratiae semina,
Ut viam noscant iustorum.

XI.

62. Salvum me fac, o domina,
Reis in opem exsurgens,
Purga me et examina,
Servire Iesu perurgens.

63. Perurgens mea labia
Iuste loqui veritatem,
Maria, plena gratia,
Da fidei firmitatem.

64. Firmitatem dans invictam,
Maria, tuis in mundum,
Vocem servans benedictam
In conflictum his secundum.

65. Secundum altitudinem
Tuae misericordiae
Reorum multitudinem
Liberas, mater gratiae.

66. Gratiae liqui liquorem
Vilibus vacans in via,
Dolori iungens dolorem,
Sed haec usquequo, Maria?

XII.

67. Usquequo, Maria; morem
Malorum sequar in mundo,
Quamdiu ponam dolorem
ln cordis mei profundo?

68. Profundo namque dolore
Submersae sunt nostrae mentes,
Sed reprime cunctis horis,
Maria, nos persequentes.

69. Persequentes me, domina,
Usquequo exaltabuntur,
Horum mentes illumina,
Et sic humiliabuntur.

70. Humiliabuntur nimis
ln saecula saeculorum,
Qui non exaltent in primis
Te, praeses archangelorum.

71. Horum vitam iungens summis,
Quo gloriam Iesus fixit,
Quorum vita te prae nummis
Optavit et benedixit.

XIII.

72. Dixit insanos Iudaeus
Prae mentali caligine:
Non est Iesus verus Deus
Neque natus ex virgine.

73. Ex virgine pandunt natum
Scripturarum fontes rupti,
Quem fatemur incarnatum
Ex te fide incorrupta.

74. Corrupti vero, domina,
Et errore detinentur,
Qui Christum ex te, femina,
Natum esse non fatentur.

75. Fatentur te fecundatam,
Maria, Iesu servuli
Nec pudore te privatam,
Salvatrix prima saeculi.

76. Saeculi vana spernentes
Cum carnali libidine
Sint, Maria, servientes
Tibi omnium dominae.

XIV.

77. Domine, quis habitabit
In monte sancto sanctorum,
Nisi pro quo te rogabit
Mater tua, spes lapsorum?

78. Lapsorum lapsu vario
Linguae mentiri non fessa
Miserere miserorum,
Propter nos caelum ingressa.

79. Ingressa sine macula
Operatur iustitiae,
Maria, frange iacula
Hostis pleni pernicie.

80. Pernicie pecuniae

Mentem pollutam expia,
Thesaurum mittens gratiae
Ad me de caeli gloria.

81. Gloria tibi, domina,
Quae per iter impiorum
Spargis gratiae semina,
Ut vias noscant iustorum.

XV.

82. Conserva me, conservatrix
In te semper sperantium,
Maria, remuneratrix
Magna bonorum omnium.

83. Omnium, quae sunt, fuerunt,
Ad Iesu cultum redacta
Per te florent, floruerunt,
Recreatrix nova facta.

84. Facta, inquam, restitutrix
Hereditatis caelorum,
Consolatrix et adiutrix,
Maria, mox miserorum.

85. Miserorum peccantium
Auge sic infirmitates,
Quod per tale remedium
Relinquant iniquitates.

86. Ita testor castigatum
Me vacare suae laudi
Et tu, Maria, precatum
Te laudantis nunc exaudi.

91. Triumphali potentia

Pollens, manum da prodigam,
Ut hinc tua praeconia
Magis laudem et diligam.

XVI.

87. Exaudi, sancta Maria,
Meam parvam iustitiam
Et fac eam, auctrix pia,
Concrescere per gratiam.

88. Gratiam autem noxiam

Spernam cum mundano cultu,
Per te, quae summam gloriam
Percipis Iesu de vultu.

89. De vultu tuo prodeat
Mibi pium iudicium,
Oculos tuus videat
Pie meum diluvium.

90. Diluvium mortiferum
Suscitavit auctor mali,
Sed hoc dele, spes pauperum,
Manu tua triumphali.

XVII.

92. Diligam te, mater Dei,
Cordis mei firmamentum,
Refugium, ad quod rei
Currunt propter tutamentum.

93. Tutamentum enim a te
Multotiens percepimus,
Ideo necessitate
Iam quacunque te quaerimus.

94. Quaerimus te, miseratrix,
Bonos, malos suscipiens,
Peccatorum liberatrix,
De malis bonos faciens.

95. Faciens gratificari

Emendantem vitam suam,
Ac, Maria, gratulari
Eructantem laudem tuam.

96. Tuam laudans largitatem
Invocabo te precibus,
Ut per tuam pietatem
Me liberes ab hostibus.

97. Hostibus effundentibus
Torrentes iniquitatis,
Maria, tuis viribus
Resistendo pro me gratis.

98. Gratis, mater, exaudias
Me de templo sancto caeli,
Quo gloriae delicias
Capis cum Iesu fideli.

99. Fideli tuo filio

Commenda meos amicos,
Convertens, sicut cupio,
Meos omnes inimicos.

100. Inimicos mihi dorsum
Ponens, ut a me fugiant,
Et mittentes mortis morsum
Premens, donec deficiant.

101. Deficiant sicut fumus
Per te cunctorum vitia,
Quibus debitores sumus,
Coronanturque gloria.

102. Gloria tibi, domina,

Quae per iter impiorum
Spargis gratiae semina,
Ut viam noscant iustorum.

XVIII.

103. Caeli enarrant gloriam

Tuae, virgo, magnae prolis,
Quae per pneumatis gratiam
Fis mater actoris solis.

104. Solis actor factus homo,
In te dignans habitare,
Dat nos dignos caeli domo,
Quis valet hoc explicare?

105. Explicare mortalium

Non valent omnes sermones
Datas per tuum filium
Sanctas benedictiones.

106. Benedictiones cepit
Elisabeth Zachariae,
Quibus sterilis concepit
Praeconem divinae viae.

107. Viae via, Deum portans,
Hanc, Maria, salutasti,
Gravidam praegnans confortans,
Quanta fores, demonstrasti.

108. Monstrasti Dei filium,

Quem spiritu sancto flatus
Iohannes pandens gaudium
Adoravit nondum natus.

109. Natus tuus non filius
Ioseph exstitit carnalis,
Verum Ioseph nutricius
Et tu mater corporalis.

110. Corporalis Deus homo
Praesaepe oblationes
Regum sumpsit carens domo,
His dans benedictiones.

lll. Benedictiones lata

Tibi laus sumat ab eo,
Lex Dei immaculata,
Convertens animas Deo.

112. Deo placens Anna mater
Tibi gratum me faciat,
Oret et Ioachim pater,
Ut me proles exaudiat.

XIX.

113. Exaudiat me Dominus
Mediante te, domina.
Qui cum effectu protinus
Audit tua precamina.

114. Precamina ante Deum

Fundas propter te laudantem,
Dans sermonem in os meum
Rectum et bene sonantem.

115. Sonantem quoque decenter
Laudem meam sacra pie
Precibus indesinenter,
Astans meis noctu, die.

116. Die tribulationis

Auxilium mitte sanum,
Quae sancti papae Leonis
Abscissam sanasti manum.

117. Manum suam is truncavit,
Ut vitaret carnis actus,
Sed ob missam te rogavit
Et surrexit sanus factus.

118. Factus salvus tunc populo
Divinum efflans arcanum
Visum et factum famulo
Tuo per te super manum.

119. Manum, Maria, da talem,
Qua valeam pertractare
Digne hostiam vitalem
Ad Iesu sacrum altare.

120. Altare Iesu, Maria,
Tuo fiam levamine,
Hoc te roget Anna pia,
Mater tam magnae dominae.

XX.

121. Domine rex, in virtute,
Quam virgini das Mariae,
Vivam tute cum salute,
Hinc exsultans tota die.

122. Die, Maria, ac nocte
Vitantes ovationes
Concupiscentiae coctae
Fuerunt affectiones.

123. Affectiones noxias

Aufert a me cunctis pia,
Qua post carnis lascivias
Conversa claret Maria.

124. Maria haec Aegyptia
Ierusalem agens viam
Crucis adiit ostia
Invocando te Mariam.

125. Mariam hanc paenitentem
Illustravit Deus pater,
Quam praevenisti deflentem
In gratiis et tu, mater.

126. Et tu, mater, praevenias
Me in benedictionibus
Coronarique facias
Post mortem in caelestibus.

127. Caelestibus deliciis
Fruitur iam Aegyptia,
Per te cuius suffragiis
Nobis servetur gloria.

128. Gloria tibi, domina,
Quae per iter impiorum
Spargis gratiae semina,
Ut viam noscant iustorum.

XXI.

129. Deus meus, me respice
Per Mariae suffragia,
Quae habitat deifice
Laus Israel in gloria.

130. Gloria numquam finiens
Iam non cessat satiare,
Quos traxisti subiciens,
O Maria, legi carae.

131. Carere nolens, Maria,

Templo tuo Romae coetum
Miracula pandens pia
Populum fecisti laetum,

132. Laetum reddens Liberium
Tua apparitione
Et Iohannem patricium
Super templi iussione.

133. Iussione tunc percepta
Duxit papa patricium
Caterva secum recepta
Ad montem superhagium.

134. Superhagium contectum
Augusto nive viderunt,
Quo signo templum perfectum
Tibi, Maria, fecerunt.

135. Exstruunt in loco nivis
Tibi, Maria, altare,
Quo mortuis atque vivis
Te soles communicare.

136. Quare in te speraverunt
Patres, inde non decepti,
Ad te rei clamaverunt
Et salutem sunt adepti.

137. Adepti sunt scientiam
Per te multi, sicut lego,
Cunctis das te propitiam,
Et peream pauper ego?

138. Ego autem factus vermis,
In populis abiectio,
Quo divertam iam inermis,
Nisi ad te, dux devio?

139. Devio mentis erranti
Asta, Maria, iugiter,
Ne se tibi commendanti
Iungatur hostis nequiter.

140. Nequiter malignantium
Obsedit me consilium,
Et quod a me subsidium
Non elonges, mors hostium.

141. Hostium datum manibus
Versum monachum sacristam
Suscitans tuis precibus,
Da vitam post mortem istam.

142. Istam vitam plenam morte
Spernam et eius facinus
Per te, cui salutis portae
Claves commisit Dominus.

XXII.

143. Dominus, rector omnium,
Homo de te, virgo, natus,
Det omne necessarium
Mihi, ne sim venumdatus.

144. Venumdatus multociens
Avaritiae iam foco,
Maria, multos faciens
Te invoco iunctus loco.

145. Loco me refectionis
Animae necessariae
Stabilias, plena bonis,
Mater cunctipotentiae.

146. Potentiae incendii

Dans pater natum Iudaeum,
Ob escam per te filii
Liberatum vidit eum.

147. Eum ergo concremare
Fac in me desideria,
Quem praesumo manducare
Saepe cum laudis gloria.

148. Gloria tibi, domina,
Quae per iter impiorum
Spargis gratiae semina,
Ut noscant vias iustorum.

XXIII.

149. Domine, tui filii

Est terrarum plenitudo,
Mare, fontes et fluvii
Et caelestis pulchritudio.

150. Pulchritudo laudabilis
Te decorat et puritas,
Maria, mons mirabilis,
Virtutum monstrans semitas.

151. Semitas caeli quaerentes
Non cessat Satan laedere,
Ad quod te non recolentes
Nusquam possunt ascendere.

152. Ascendere, virgo, dignans
Equum tu pro militissa,
Militi facta designans
Solvis daemoni promissa.

153. Promissa solvi viliter
Daemonis suggestione,
Sed haec restaura dulciter
Tua visitatione.

154. Visitatione precis
Te, Maria, visitavi
Et tu lucis tege thecis
Preces, quas ad te levavi.

XXIV.

155. Ad te levavi cor meum,
Scrutatrix mitis mentium,
Ut per te contempler eum,
Qui gaudium est cordium.

156. Cordium purificatrix,
In purificatione
Astitisti consolatrix
Devotae tibi matronae.

157. Matronae missam spectanti
Carentique missa sua
In exstasi per te stanti
Subvenisti missa tua.

158. Tua praebens largitate
Huic certum tuo festo
Postulanti munus a te,
Maria, semper adesto.

159. Esto servans vitam meam
Commissam tuis manibus
Et eruas, mater, eam
Mox de necessitatibus.

160. Necessitatibus meis
Astet Anna magnifica
Et tu prece eius eis
Iesum adesse iudica.

XXV.

161. Iudica me nunc leniter,
Mater iudicis cunctorum,
Puniri temporaliter,
Ne sim consors damnatorum.

162. Damnatorum princeps fortis
Ad Iacobum ambulantem
Angustiae dedit mortis,
Se vita pie privantem.

163. Privantem tnnc ignoranter
Se vita, virgo, servasti
Hostemque fugas instanter,
Mortuum resuscitasti.

164. Suscitasti Mercurium,
Ut caederet manu sua
Iulianum obnoxium
Nimium in plebe tua.

165. Tua misericordia

Ante meos sit oculos,
Quae magna mirabilia
Facit liberans populos.

166. Populos multos salvasti

Dominicum sanctum mittens,
Quo Iesum Christum placasti,
Simul Franciscum emittens,

167. Emittens uterque verbum
In veritatis aemulos
Per te, Maria, superbum
Calcantes servant populos.

168. Populos optans trahere
Ad caeli, mater, gaudia,
Doctores orbis mittere
Non desinis cum gloria.

169. Gloria tibi, domina,

Quae per iter impiorum
Spargis gratiae semina,
Ut vias noscant iustorum.

XXVI.

170. Dominus, tuus filius,
O Maria, cui servo,
Per te illustret amplius
Me lucis suae radio.

171. Radio tuae gratiae,
Virgo summe luminosa,
Illustretur cotidie
Vita mea tenebrosa.

172. Tenebrosa custodia
Viduae clausum filium
Liberasti propitia
Propter matris obsequium.

173. Obsequium simpliciter
Tibi reddo vinctus frater,
Ut a vinclis celeriter
Me absolvas, Iesu mater.

174. Mater Iesu, templum Dei,
Cui profugus me praesento,
Tuta vitam cordis mei
Sub gratiae tegumento.

175. Tegumento quidem isto
Cum sentio me contectum,
Affectum do puram Christo,
Sin autem, cor est infectum.

176. Infectum genus humanum
Saepe reddunt peccamina,
Sed tu cito reddis sanum
Conversum ad te, domina.

XXVII.

177. Ad te, domina, clamabo
In qua speravit cor meum,
Et te semper exorabo,
Ut pro me sis ante Deum.

178. Deum, Maria, placasti
Mulieri homicidae,
Quam ab igne liberasti
Te rogantem brevi fide.

179. Fide ergo potiori

Te rogantem non iuvabis ?
Absit, sed ingentiori
Hunc virtute roborabis.

180. Orabisque redemptorem
In conspectu angelorum,
Ne det talem peccatorem
Sententiae reproborum.

181. Reproborum spirituum
Horribili saevitiae
Non linquas tibi cernuum,
Maria, lex clementiae.

182. Clementiae servans seram,
Plena pace, plena Deo,
Fac, habeam pacem veram
Cum proximo semper meo.

183. Meo sine vultu tuo
Me circumda laetitia,
Clericum in fine suo
Laetificans cum gloria.

184. Gloria tibi, domina,
Per saecula saeculorum,
Quam glorificant agmina
Spirituum beatorum.

185. Thorum enim in delictis
Nesciens, virgo Maria,
Gabrielis credens dictis
Es effecta mater dia.

186. Diabolum effugasti
Tua oboedientia
Et homines revocasti,
Angelis gliscens gloria.

187. Gloria tibi, Maria,

Quam Gabriel salutavit,
Cuius carne pura, pia
Sese Deus incarnavit.

xxviii.

188. Afferte nunc cum Maria
Preces ad Iesum hodie
Memoria pro me pia,
Cives caelestis patriae.

189. Curiae servos caelorum
Facere festivitatem
Audivit quidam sanctorum
In tuam nativitatem.

190. Nativitatem, Maria,

Tuam nemo tunc colebat,
Adhuc enim fides pia
Eius diem nesciebat.

191. Nesciebat, quid signaret
Melos is vir angelicum,
Cum caelitus huic sonaret
Divinum tantum canticum.

192. Canticum erant cantantes
Angeli tuo natali,
Nobis natam designantes
Te Mariam die tali.

193. Tali festo revelato

Sexto Idus Septembrium
Ab omni coli renato
Iussum est hoc sollennium.

194. Sollennium nunc natalis
Tui colunt ecclesiae,
Maria, spes immortalis,
Honor caelestis curiae.

195. Curiae quoque Romanae
Diu clausi persistentes
Cardinales per te sane
Elegerunt te petentes.

196. Petentesque pietatem
Tuam solvis celerrime,
Octavis nativitatem
Ornantes ornas maxime.

197. Maxime vos, sancti Dei,
Quorum ago memoriam,
Memores estote mei
Poscentes mihi veniam.

198. Veniamque peccatorum
Meis benefactoribus
Impetres, sancta sanctorum,
Una cum sanctis omnibus.

199. Omnibus tu es sanctior,
Et te cunctis plus laudabo
Teque, caelis excelsior,
Ut exalter, exaltabo.

XXIX.

200. Exaltabo tuas laudes,
Dignissima virgo, laude
Et tu, quae iam plebe gaudes
Laudibus meis adplaude.

201. Plaude simul cum Maria,
Cor meum, mala detestans,
Ut sit tibi luctus via
Solacium vitae praestans.

202. Praestans pia voluntate
Abundantiam gratiae
Sit, vim vitae denudatae
Valle densa miseriae.

203. Miseriae nostrae finis,
Cantus causa, vitae via,
A fletibus vespertinis
Libera nos, o Maria.

204. Maria, in ecclesia
Clerico apparuisti
Fugereque consortia
Sponsae carnis hunc fecisti.

205. Isti regis Hungariae

Fratri sponsam te concedens,
Cum notorum a facie
Foret ob clam te recedens.

296. Edens in monasterio
Panem oboedidentiae
Patriarcha, ut audio,
Per te fit Aquilegiae.

207. Aquilegiae partibus
Quis facere magnalia
Cunctisque regionibus,
Maria, Iesu gloria.

208. Gloria tibi, domina,
Quae per iter impiorum
Spargis gratiae semina,
Dt noscant vias iustorum.

XXX.

209. In te, domina, speravi,

Non confundar in aeternum,
Nomen tuum invocavi,
Pande mihi cor maternum.

210. Maternum cor si fuerit
A prole sua declinans,
Cor tuum nusquam deserit
Cor ad te sese reclinans.

211. Reclinans te refugium
Fugitivis exsulatis,
Desolatis solacium
Et requiem fatigatis.

212. Fatigatis iam sensibus
Mundo meis gravissime
Adesto cum virtutibus,
Deficiens spes minime.

213. Minime daemon dimisit
Quandam partui proximam,
Donec preces haec emisit
Ad te matrem piissimam.

214. Piissimam ac fulgidam
Huic pandisti te, Maria,
Cui daemon formam horridam
Saepe monstrabat in via.

215. In via Maria mea

Statuat angelum pacis,
Ne teneat me in ea
Custos aeternae fornacis.

216. Fornacis claudis ostium
Vita, virtus, valetudo,
Fotrix, lotrix egentium,
Salus aegro, stola nudo.

217. Nudo stolam des vitalem,
Maria, tectrix nudati,
Operans inconsutilem
Tunicam Iesu beati.

XXXI.

218. Beati, quorum peccata
Remittis tuis precibus,
Maria, virgo beata,
Suavis paenitentibus.

219. Paenitentibus libenter
Iugis manum das roboris,
Nantes supereminenter
Conformans pacem pectoris.

220. Pectoris nunc pacem pone,
Paratrix tranquilitatis,
Multa tribulatione
Circumdatum pro peccatis.

221. Peccatis se fabularum

Monachi quidam foedantes
Daemonum verbum amarum
Audierunt navigantes.

222. Navigantes voce pia
Mariam invocaverunt
Et vigente te, Maria,
Daemonia recesserunt.

223. Erunt ob hoc a Maria

Longe nunquam haec labia,
Sed omni loco et via
Te depromam cum gloria.

224. Gloria tibi, domina,
Quae per iter impiorum
Spargis gratiae semina,
Ut noscant vias iustorum.

XXXII.

225. Exsultate semper, iusti,
In virgine tam perfecta,
Quae fontem luctus vetusti
Siccavit mater effecta.

226. Effecta spes labentium,
Virgo, convertas iniustos,
Ut iuxta vitae bravium
Imitemur per te iustos.

227. Iustos enim laudatio
Decet et honor celebris,
Quid ergo tecum gaudio
Iustos reddis e tenebris.

228. Tenebris sedem retinens
Ruina multa volvitur,
Sed te lucem non desinens
Ad honorem erigitur.

229. Igitur, cor meum, vide,
Quid dignum ducas virgini,
Quae rectum in bona fide
Concepit verbum Domini.

230. Domini Iesu dignitas
Per ipsam sit tibi pia,
Tua ergo supplicitas
Non recedat a Maria.

231. Maria, longe quaesita
Es aquis a fidelibus,
Ibi micas lux in vita
Miraculis ingentibus.

232. Ingentibusque testibus
Laus floret mirabilium,
Quare tantis liminibus
Plebs te vovet credentium,

233. Credentium pergentium
Per te ad aram Aquensem
Semper et participium,
Quo plus laudem suam pensem.

234. Pensem, quanta sis, Maria,
Auxilii spes immensi,
Propitians ope pia
Dudum Iohanni Metensi.

235. Ensi persecutionis
Dato reo trita via
Unguenta purgationis
Poenae per te sunt, Maria.

236. Maria, Iesu gratia,

Pax, foedus, pacis osculum,
Tua misericordia
Redundat omne saeculum.

237. Saeculum semper sperabit
In tuo patrocinio,
Et cor nostrum exsultabit
Tuae laudis obsequio.

238. Obsequio nunc astanti
Tuo mentem da pudicam,
Ut datricem dati tanti
Te Mariam benedicam.

xxxiii.

239. Benedicam te, domina,
Cuius nomen extollitur,
Memoria cuius pia
Carnis igne exstinguitur.

240. Exstinguitur flamma mentis
Nomine tuo praeclaro,
Maria, spes patientis,
Cuius sanctissima caro.

241. Caro si quem percusserit,
Laetetur haec audiendo,
Sibi virtus non deerit
Nomen tuum depromendo.

242. Promendo ''Ave Maria
''Niles monachus effectus
Ad Dominum fide pia
Suos erigens affectus.

243. Affectus fuit illico
Tauta vir devotione,
Quod transitu mirifico
Claruit ac visione.

244. Visione mirabili

Lilii tumbam scindentis,
A carne venerabili
Prodiit radix florentis.

245. Florentis quoque folia
Florebant, Ave, Maria,
Nominis tui gloria
Haec patravit, virgo pia.

246. Pia profecto facie

Contemplaris te vocantes
Die premens angustiae
Servos tuos proclamantes,

247. Clamantem ergo pauperem,
Maria, mox exaudias
Opemque dando celerem
Tribulatum eripias.

248. Eripias et abiectum

A linguis dolum fantibus

Ante filii conspectum

Pro me stans tuis precibus.

249. Precibus equidem tuis
Suffulti vincunt vitia,
Interioribus suis
Virtutum inest gloria.

250. Gloria tibi, domina,
Quae per iter impiorum
Spargis gratiae semina,
Ut noscant vias iustorum.

XXXIV.

251. Iudica, meos vinculos,
Maria, vim amittere,
Ne suos in me baculos
Ultra possint apponere.

252. Apponere laudem laudi
Tuae, virgo, conor satis,
Et tu, mater, hanc exaudi
Tibi latam pro peccatis.

253. Pro peccatis te rogavit
Nobilis Romae matrona,
Quam a morte liberavit
Tuitio tua bona.

254. Bona pridem haec femina
Hostis suggessionibus
Duo commisit crimina,
Horrida cunctis auribus.

255. Horrida procul dubio
Et horrida relatio,
Quod conceptum de filio
Det mater homicidio.

256. Homicidio dans natum,
Quem de filio concepit,
Latomis condens necatum,
Mundum, non Deum decepit.

257. Rapit autem daemonium
Huic habitum clericalem
Et ante regis solium
Homicidam profert talem.

258. Talem sanctam esse putans
Rex audiens haec stupuit,
Qui ab ea rem perscrutans
Indicias haec praebuit.

259. Praebuit se tunc conscia
Tibi totam, o Maria,
Confitens sua vitia
Sacerdoti fide pia.

260. Pia, Maria, facie

Tunc in eam aspexisti
Ac secum stans in acie
Coram rege protexisti.

261. Isti tibi sic commissae

Animam reddens tam gratam,
Quod hanc dixit non fuisse
Daemon regi sceleratam.

262. Sceleratam dixit hostis
Coram te, rex, accusavi,
Non hanc, quam vos sanctam nostis.
Quam nec novi nec notavi.

263. A videntibus stupore
Tactis facto signo crucis
Discessit veloci more
Mox malignus hostis lucis.

264. Lucis mater, o Maria,
Tenebris visa lucere,
Homicidis facta pia,
Mei modo miserere.

265. Miserere consueta,

Peram portans pietatis,
A Domino nunquam spreta
Hunc orando pro peccatis.

266. Pro peccatis innumeris
Multa passum et passurum
A poenis Satan asperis
Salvum me fac et securum.

267. Securum reddens, Maria,
Me mundano fractum festo,
Laeto nimis esto via,
Laetitia quoque maesto.

268. Esto mihi scutum forte
Infirma tenens virium,
A peccati salvans morte
Me, virgo, lex pugnantium.

269. Pugnantium vigent vires
Per te iam fortificati,
Mihi ergo vim inspires,
Reparatrix conculcati.

270. Quatenus mea anima
In Iesu parte laetetur

Et in te, beatissima,

Spes iucunda delectetur.

271. Delectetur et bonitas
Tua meis in laudibus,
Mater, per quam tranquillitas
Et pax datur hominibus.

272. Hominibus nullatenus
Dabuntur caeli gaudia,
Non colentibus hactenus
Te, Maria, cum gloria.

273. Gloria tibi, domina,
Quae per iter impiorum
Spargis gratiae semina,
Ut noscant vias iustorum.

XXXV.

274. Dixit secta Iudaica
Incredula per odium:
Non est fides veridica,
Quod virgo dedit filium.

275. Filium lex praeostendit
Nasciturum de virgine,
Nec cor horum hoc perpendit
Pressum mortis caligine.

276. Caligine tamen pulsa

Per partum sanctae Mariae
Radix mortis est evulsa
A semitis bonae viae.

277. Viae astans iam non bonae
Iuxta portas est inferi,
Qui hoc Dei ditione
Non credit posse fieri.

278. Fieri voluit homo
Deus creator omnium,
Ut salvaret lapsos pomo,
Dum portares hunc filium.

279. Filium hune genuisti,
Quo videtur vitae via,
Domi Deum excepisti,
Dei domus, o Maria.

280. Maria, domus Domini,
In qua torrens voluptatis,
Fons vitae dulcis homini,
Me potare veni gratis.

281. Gratis tuo sollemnio
Monachos tu visitasti
Et hos electuario
Dulci, Maria, potasti.

282. Astitit inter hos unus
Peritus in medicina,
Cui poculi tanti munus
Negasti, mater divina.

283. Divina delectamenta

Monstrans non dari talibus,
Quorum vita sit intenta
Saeculi voluptatibus.

284. Voluptatibus omnibus
Haec videns renuntiavit
Atque, Maria, laudibus
Tuis et Iesu vacuit.

285. Vacuit monasterio
Obsequiis ita gratis,
Quod sequenti sollemnio
Sumpsit a te potum satis.

286. Satis per te tunc refectus
Prae caelesti dulcedine
Sanctus fuit vir effectus
Tuo, Maria, numine.

287. Numine tam gratuito,
Tam pleno suavitatis,
Laudibus tuis dedito
Subveni, Maria, gratis.

288. Gratis misericordiam

Praetende, mater, petenti
Et rectorum iustitiam
Iustissimam te scienti.

289. Gloria tibi, domina,

Quae per viam impiorum
Spargis gratiae semina,
Ut noscant viam iustorum.

XXXVI.

290. Noli pati, quod aemuler
In turbis malignantibus,
Maria, nec quod famuler
Orbis iniquitatibus.

291. Iniquitatibus multis

Miles quidam plenus multum
In homines raptor ruit,
Non divinum curans cultum.

292. Cultum solum is nominis
Tui, Maria, gerebat,
Cui formam ferens hominis
Daemon domi serviebat.

293. Serviebat daemon sibi,
Ut morti daret impium,
Qua die, Maria, tibi
Non faceret obsequium.

294. Obsequium vero tuum
Non linquentem visitasti
Ac per spoliatum suum
Huic daemonem revelasti.

295. Revelasti sic virtutem
Huic, virgo, tui nominis,
Quod adeptus est salutem
Divini per te culminis.

296. Culminis cultorem tui

Ob hoc, mater, me praepone
Et, ne vita cernar rui,
Me iuxta te semper pone.

297. Pone sub me, mater, manum,
Ut, si cadam, non sim laesus,
Ob lapsum enim humanum
Te tam gratam fecit Iesus.

298. Iesus, salvator saeculi,
Reliquit illos ad plenum,
Qui tui non sunt famuli
Et arescunt sicut foenum.

299. Foenum factus ne arescam
Et decidam ut olera
Prae vitiisque vilescam,
Da mihi tua ubera.

300. Ubera, ut ita dicam,

Quae sugunt bonus et malus.
Ut inde te benedicam,
Maria, multorum salus.

301. Salus siquidem iustorum
A tua prodit gratia,
Lnx, protectio eorum,
Pax, gaudium et gloria.

302. Gloria tibi iugiter

Ab omni, Deus, homine,
Gloriaque sit pariter
Mariae, nostrae dominae.

XXXVII.

303. Domine, ne des me poenis,
Cum iustis reddas mercedem,
Precibus gratiae plenis
Te mater placet heredem.

304. Heredem mortis aeternae
Secutae sunt plebes reae,
Sed, spes vitae sempiternae,
Esto ductrix vitae meae.

305. Meae iam caput animae
Supergressa sunt scelera,
Meque premunt gravissime
Culparum nexus onera.

306. Onera vero levia

Virtutum pauca perfero,
Sed, Maria, allevia
Omne pondus in misero.

307. Miseroque nimis facto

Praesto sis, spes orbatorum,
Et extra sensum redacto
Redde lumen oculorum.

308. Oculorum gratum lumen,
Quod intuentur oculi,
Verae lucis mitte numen,
Illuminatrix saeculi.

309. Saeculi quidem amici

Me spreverunt tribulatum,
Sed socia te felici,
Laetifica desolatum.

310. Latum mittens munus tuum
Monacho Cisterciensi,
Huic nuntians finem suum,
Luminis latrix immensi.

311. Immensi signum amoris
Iacenti super lectulum
Ostendisti, fons dulcoris,
Maria, dans huic osculum.

312. Osculum, Maria, laudis
Tibi dabat incessanter,
Carnalis venena fraudis
Detestans per te constanter.

313. Constanter tunc is retinens
Te, Maria, memoria,
Per te Iesum iam obtinens
Caeli fruitur gloria.

314. Gloria mea, Maria,
Psalterium et gaudium,
Sis ad Iesum mihi via
Per istius suffragium.

315. Suffragium tanti viri
Apud te pleni gratia,
Ut valeam exaudiri,
Peto cum laudis gloria.

316. Gloria tibi, domina,
Quae per iter impiorum
Spargis gratiae semina,
Ut noscant vias iustorum.

XXXVIII.

317. Dixi: ponam custodiam
Te mihi, vitae servatrix,
Ut autem hoc perficiam,
Da te gratis, larga datrix.

318. Datrix consolationis,
Sancto mittens Ignatio
Verba salutationis
De Iesu tuo filio.

319. Filio tuo offeras

Preces, Maria, solitas
Et Iesum nobis inseras,
Cuius immensa bonitas.

320. Bonitas tui filii,

Ignatio clara per te,
Mox sui desiderii
Aciem ascendit certe.

321. Certe pulchrum miraculum,
Magnum, multum laudabile,
Scriptum Iesu vocabulum
In cor martyris humile.

322. Humile cor revelatum
Occisis membris carneis
Scriptum erat et ornatum
Iesu literis aureis.

323. Reis sensibus, Maria,
Dimove res illicitas
Ignatii prece pia,
Cui per te Iesus bonitas.

324. Bonitas ineffabilis

Tua me facit audacem,
Ut loquar vir inutilis
Ad te reginam veracem.

325. Veracem manum praetendas
Daemonio nos vexante,
Qua incessanter defendas
Nos, Maria, post et ante.

326. Ante tuam imaginem

Omnis homo pertransiens
Adorare te virginem
Debet inde proficiens.

327. Proficiens virtutibus
A daemone praepeditur,
Sed stat, cum tuis precibus,
O Maria, praemunitur.

328. Munitur Iesu gratia
Mariae laudes affectans,
Felix Iesu familia
Te, Maria, spem exspectans.

XXXIX.

329. Exspectans exspecto donum
Tuae, mater, largitatis,
Ut admittas ante thronum
Iesu preces pressi satis.

330. Satis lacu miseriae

Mersum atque luto faecis,
Educas me, fons veniae,
Virtus lapsi, iubar caecis.

331. Caecis, mutis ac mortuis
Faciens mirabilia
Donis manas continuis,
Mota misericordia.

332. Misericordia Cbristi

Per te peccantes recipit,
Quem sic ad nos convertisti,
Quod benigne non corripit.

333. Corripit Iesus furore

Te linquentes, quos liquisti,
Maria, quae tot amore
Iam reos corripuisti.

334. Corripuisti etiam

Praesulem, qui servo tuo
Unicae missae gratiam
Abstulerat posse suo.

335. Suo reddidit subdito
Missae suae mysteria,
Monens, nt more solito
Fungeretur cum gloria.

336. Gloria tibi, regina,
Pauperum exspectatio,
Quam substantia divina
Perlustrat privilegio.

XL.

337. Beatus qui intelligit
Te gratia tota plenam,
Maria, per quam erigit
Iesus gentem iam egenam.

338. Egenam tu familiam
Non despicis et respicis,
Vitae dans alimoniam,
Mater superni principis.

339. Principis mortis tenorem
Abstulisti, virgo pia,
Tui militis uxorem
Resuscitans quadam die.

340. Die mortis, die mala
Hunc, Maria, liberasti
Et sub pietatis ala
Te quaerentem conservasti.

341. Servasti matrem gravidam,
Quae se ipsam occiderat,
Restituens huic vividam
Prolem, quam sic oppresserat.

342. Oppresserat se subito

Maritum habens suspectum

De amore illicito,

In te, Maria, perfectum.

343. Perfectum reddas etiam
Me tibi et tuo nato
Per piam diligentiam
Ferens opem supplantato.

344. Supplantato miserere,
Resuscita iam mortuum
Et hostes de me gaudere
Non sinas in perpetuum.

345. Perpetuum hunc honorem
Tibi cor meum offerat,
Et tu sibi da vigorem,
Quemadmodum desiderat.

XLI.

346. Quemadmodum desiderat
Ad aquarum fontes cervus,
Sic ad te, virgo, properat
Volens aquam vivam servos.

347. Servus tuus esse volo,
Deditus tuo nomini,
Et ideo sic te colo
Ante faciem Domini.

348. Ante faciem Domini
Apparens, mater gloriae,
Sitienti huic homini
Fundas fluenta gratiae.

349. Gratiae tuae copiam
Et dulcem effusionem
Pandisti indulgentiam
Precans habere latronem.

350. Latronem gens iudicavit
Ipsum in ligno suspendens,
Sed ad te, virgo, clamavit
In te suam spem extendens.

351. Extendens tunc continuo
Tu, Maria, piam manum
Suscitasti hunc triduo
Incolumem atque sanum.

352. Sanum quoque custodisti
A telis transeuntium
Et a ligno dissolvisti,
O vita morientium.

353. Morientium animae,
Quibus tu fis propitia,
Ab angelis laetissime
Rapiuntur cum gloria.

354. Cum gloria te laudantem
Mox me mundo mortifica
Infernaque formidantem
Temporaliter iudica.

XLII.

355. Iudica, virgo, cor meum
Hic compungi tam acriter,
Ut purgatus ante Deum
Appaream hilariter.

356. Iter ad caeli gloriam
Ostendas, via gloriae,
Suam tibi miseriam
Ostendenti cotidie.

357. Cotidie in tenebris

Mibi, quaeso, sis proxima,
Maria, lucis celebris
Lucerna praeclarissima.

358. Praeclarissima meritis

Lux fulgens inter nebulas,
Radiis tuis solitis
Internas terge maculas.

359. Maculas a me diluat
Per te altaris hostia,
Reficiat et induat
Sanctitatis me gloria.

360. Gloria tibi, regina,
Pauperum exspectatio,
Quam substantia divina
Perlustrat privilegio.

XLIII.

361. Deus, nostris audivimus
Auribus mira opera,
Quae pandis, actor maximus,
In virgine puerpera.

362. Puerpera virgo facta,

Mater ornans omnes matres,
Iesum portans sic intacta,
Liberasti nostros patres.

363. Patres nostri narraverunt
De te, mater benedicta,
Quod per te sunt et fuerunt
Deleta mundi delicta.

364. Delicta per te laxavit
Iudici Deus urbanus,
Quem Stephanum suscitavit
Te precante Iesu manus.

365. Manus tua disperdidit
Inimicos infernales,
Et verbum tuum reddidit
Fructus nobis immortales.

366. Immortales nunc virtutes
Mitte tuis manu pia,
Quibus tuos semper tutes
A seductore, Maria.

367. Maria, te laudabimus
Tota die, laudabilis,
Et nomen invocabimus
Tuae personae nobilis.

368. Nobilis et nobilior
Et semper nobilissima,
In tua laude glorior
Omnisque prudens anima.

369. Anima quidem clerici
Despecta fuit a Deo,
Sed prece tua supplici
Mox pepercit Iesus reo.

370. Eo, Maria, salvato
A poena crudelissima,
Iesu per te sic placato,
Deo fruitur anima.

371. Anima cuiusdam multum
Te, Maria, blasphemavit,
Sed occidit Iesus stultum,
Mox cum nefas eructavit.

XLIV.

372. Eructavit verbum bonum
Cor tuum, virgo Maria,
Per spiritus sancti donum
In humili vitae via.

373. Via oboedientiae

Te firmans perfectissime
Imperatori gloriae
Fuisti placens maxime.

374. Maxime tuis labiis
Diffusa Dei gratia
Hominum datur filiis
Nunc per tua suffragia.

375. Suffragia tua placent
Forma speciosiori,
Cuius laudes nunquam tacent
Gloriae dati decori.

376. Decori, mater decora,
Cui dat regna Iesus sua,
Salubriter iam honora
Gratulantes laude tua.

377. Tua quidam visitare
Pergens antistes limina,
Te sibi tunc obviare
Vidit cum multis, domina.

378. Domina, cum virginibus
Hunc sua circumdedisti
Et cum caelicis cantibus
In templum introduxisti.

379. Isti tantam dans Maria
Gratiam in vita sua,
Ut quam larga sis et pia,
Penset inde domus tua.

380. Tua clausus basilica
Miles in bello militum
Absens agens magnifica
Sumpsit honorem inclitum.

381. Inclitum ipsum, Maria,
Reddidisti virtutibus
Eo, quod missas in via
Exspectaret cum laudibus.

382. Laudibus vacans poscebat,
Ut tu ductrix esses sua,
Nec pergens multos vincebat,
O Maria, manu tua.

383. Tua mansuetudine,
Qua polles mirabiliter,
Cinge me fortitudine,
Ut dimicam sinceriter.

384. Sinceriter et directe
In viam dilectionis
Animae sensus abiectae
Duc virga directionis.

385. Directionis ferula
Dirigens ad caelestia,
Maria, murra primula,
Cor servans, cordis gloria.

386. Gloria tibi, regina,
Pauperum exspectatio,
Quam substantia divina
Perlustrat privilegio.

XLV.

387. Deus noster, refugium,
Per te, virgo singularis,
Praetendat nobis brachium
Lapsis in cor huius maris.

388. Maris amari saeculi
Multos urget adversitas,
Quod pertranseunt populi,
Quibus patens es civitas.

389. Civitas iucunda Dei,
Caelitus sanctificata,
Ad te currunt omnes rei,
Ut his vita sit servata.

390. Servata Helsini vita
Et secum fluctuantium
Celavit per te munita,
Maiia, luna noctium.

391. Noctium lux mentalium
Misisti conceptionem
Tuam nobis per nuntium
In commemorationem.

392. Orationem faciens

Cum suis abbas Helsinus
Ac cum fletu confugiens
In tuos, Maria, sinus

393. Sinus tui pietatem

Percepit per te salvatus,
Facere festivitatem
Conceptus tui paratus.

394. Paratus ergo etiam
Conceptionem colere,
Hoc, Maria, perficiam
Decenter tuo munere.

395. Munere sancti spiritus
Fuisti sanctificata,
Antequam, mortis exitus,
Tu ex Anna fores nata.

396. Nata nobis lux, Maria,
Ad aeternum remedium,
Suffragatrix esto pia
Sensualium noctium.

397. Noctium nequam spiritus
Me reliquit seminudum,
Cuius arces circuitus
Eius virga facta dudum.

398. Dudum multa daemonia
Ab iniquis eiecisti
Tua magna potentia,
Qua perfidos convertisti.

399. Convertisti iam ad caelos
Qui colebant mundum istum,
Quare tibi laudis melos
Dant colentes omnes Christum.

XLVI.

400. Omnes Christum confitentes
Tuis subdunt se pedibus
Et cum laude venientes
Superbe plaudunt manibus.

401. Manibus ad te levatis,
O Maria, clamo reus,
Ut me salvet per te gratis
Pater Iacob atque Deus.

402. Deus enim nobis suam
Elegit hereditatem
Per gratiam, virgo, tuam
Et sanctam fecunditatem.

403. Fecunditatem obtines
Prolis incomparabilis
Atque pudorem retines,
Maria, mater humilis.

404. Humilis autem animae
Amatrix, virgo regia,
Humilitatem imprime
Mihi cum morum gloria.

405. Gloria tibi, regina,
Pauperum exspectatio,
Quam substantia divina
Perlustrat privilegio.

xlvii.

406. Magnus Dominus est nimis,
Maria, tuus filius
Deus laudetur imprimis,
Praeter quem non est alius.

407. Alius non constituit

Documenta sanctae legis,

Nisi qui nasci voluit

Ex te, mater primi regis.

408. Regis magni tu civitas,
Maria, plena gaudio,
Cuius gratiae largitas
Dat terminum flagitio.

409. Flagitio carnis pronus,
Cum te iuvantem aspexit,
Mox effectus sensu bonus,
Motus carnales despexit.

410. Despexit carnis affectum
Contemplans tuam faciem,
Quid ergo te per effectum
Cernens aget in aciem?

411. In aciem inimicam

Carnis cum ad te fugio,
Ut verum, Maria, dicam,
Mox salvor a contagio.

412. Contagio carnis carens,
Divino languens amore,
Parturisti, sancta parens,
Sine quocumque dolore.

413. Dolore gravi gravato,
Et carnali et mentali,
Remedio plena grato
Subveni cura vitali.

414. Tali subventu subventum
Exponam me laudi rite,
Virgo, per cuius obtentum
Sunt mox preces exauditae.

XLVIII.

415. Audite nunc, omnes gentes,
Gesta Mariae virginis,
Hanc cogitant cunctae mentes,
Quae salvatrix est hominis.

416. Hominis Ioachim iusti
Coniunx, Anna valde pia,
Sumpsit angeli venusti
Verbum super te, Maria.

417. Maria, haec mater tua,
Mater incliti seminis,
Tres dans in senecta sua
Marias magni luminis.

418. Luminis vero divini

Tu mater prima, Maria,
Vulnus verbi serpentini
Curans, virgo, prole pia.

419. Pia prece Annae matris
Suffragiisque sororum
Iesu, per te nostri fratris,
Lumen mihi da decorum.

420. Decorum Dei filium,
Repulsorem caliginis,
Prodis nobis praecipuum
Reprobis, quae pax hominis.

421. Hominis vires interni

Bonis vitae sunt desertae,
Nisi viroris superni
Sint virtute fotae per te.

422. Per te gratiam capiunt,
Maria, pauper et dives,
Precesque tuae faciunt
Homines sanctorum cives.

423. Cives superni gaudii
Te adorant sine fine,
Quanto magis nos miseri,
Placatrix irae divinae.

424. Divinae iam visionis
Solita dare gaudia,
Redime me tuis bonis,
Ne caeli priver gloria.

425. Gloria tibi, regina,
Pauperum exspectatio,
Quam substantia divina
Perlustrat privilegio.

XLIX.

426. Deus deorum colitur,
Maria, tuus filius,
Deus tuus sum, loquitur,
Praeter me non est alius.

427. Alius non nos redemit,
Nisi natus ex te Deus,
In conspectu cuius tremit
Caelum, terra, sanctus, reus.

428. Reus omnis exardescit
In extremo iudicio,
Nisi solum cui compescit
Tua Iesum oratio.

429. Oratio tui oris

Dulcis super favum mellis
In die magni furoris
Me liberet a flagellis.

430. Flagellis flagitiorum
Monialem daemonium
Suffocavit, cum decorum
Tui sprevit obsequium.

431. Obsequium illicitum

Haec iuveni dare volens,
Per templum quaerens exitum
Nequivit ire te colens.

432. Colens rursum te temptata
Iterum volens exire,
Mox Maria invocata
Non valuit praeterire.

433. Ire tamen ad peccatum
Conans in se proposuit,
Quod Mariae nomen gratum
Taceret, et sic corruit.

434. Corruit non invocato
Tuo, Maria, nomine,
Tunc ostio reserato
Diabolico numine.

435. Numine tam pestifero
Ne cadamus sic in via,
Signa nos salutifero
Nomine tuo, Maria.

436. Maria, mare bonorum,
Inopem hunc intuere
Et pressi mole malorum
Misericors miserere.