38 NEAPOLITANA

quod sero nimis a sacerdote didicerunt, illud iure ab Ecclesia nullam declarari posse ob defectum consensus, vel etiam ex gratia utpote ratum tantum et non consummatum dissolvi !

Quae cum ita sint, Emi Patres, meo quidem iudicio huius matrimonii nullitas absolute declarari potest ex iure, ob defectum consensus, nisi forte ad cautelam iuxta preces addenda videatur ex gratia, matrimonii, si forte matrimo- nium extitit, rati et non consummati solutio.

ANIMADVERSIONES DEFENSORIS MATRIMONII EX OFFICIO. Ma-

trimonium, ait defensor, ;uod anno 1870 die 28 Aprilis contra- xit cum Petro ingovitz in aetate annorum40 constit ito, Adelia de Dominicis, quindecim annos nata, nullum ac irritum primum proclamat, quasi ipsa, patre orphana, in illud consenserit ob metum, a noverca sibi illatum ; deinde matrimonium opere imperfectum dicit, quia etsi per biennium cum viro per- manserit, coniugali tamen genio indultum nunquam est.

Haec occentat Adelia; sed ad iuris amussim minime demonstrat. Quod enim attinet ad metum , duo necessario praestanda erant. Scilicet - primo - ostendendum erat, minas, deliquium aliaque, quibus Adelia obnoxia fuisse dicitur, eius generis esse ut gravem metum iure constituant : - secundo - ineluctabi les argumentis astruendum erat, Adeliam reapse ista perpessam fuisse. Iam vero quae in actis prostant nec primum nec alterum conficiunt.

Quo vero ad incosummationem matrimonii Adelia in medium affert testimonium extraiudiciale medici Trimbali, medici Rocco, qui de mandato iudicis Adeliae reluctantis corpus inspexit, et Theresiae Stagliano, fungentis munere honestae matronae et obstetricis. Hi tres censuerant, Adeliam in statu esse integritatis. Adeo levia ea sunt quibus Adelia confidit !

Huc accedit quod ea, quae Adelia modo asserit sive de metu sive de inconsummatione matrimonii, e diametro pu- gnant cum iis, quae eadem, simplex ac innocens puella, ore suo fassa est ac manu propria firmavit coram magistratu laico. Etenim Adelia dum a viro dissociari studebat, apud