X. Soliloquium sive Psalterium BMV. [Continuatio]

cx.

1066. Confitebor tibi, mater,
In conventu fidelium,
Cui dat per te Deus pater
Hereditatem gentium.

1067. Gentium mater multarum,
Casum ponens caligini,
Nomen tuum reddunt clarum
Magna opera Domini.

1068. Domini tui filii,

Qui pascit omnem populu
Omnis contemptor vitii
Memor erit in saeculum

1069. In saeculumque saeculi
Erit tui memoria,
Maria, salus populi,
Solacium et gloria.

1070. Gloria tuo filio,

Veritas et iudicium,

Et tibi laus cum gaudio,

Quae misereris omnium.

CXI.

1071. Beatus te timens Deum,
O fili matris gratiae,
De caelo fluent ad eum
Gloria et divitiae.

1072. Divitiae, quae sunt caelis,
Ditant, virgo, servos tuos,
Ob quod a te plebs fidelis
Disponit sermones suos.

1073. Suos iactans in te gressus
Et interna lux superna,
Cuius laudis est processus
In memoria aeterna.

1074. Aeternales sanctiones

Sunt, Maria, per te datae,

Tuae miserationes

In saeculum sunt laudatae.

CXII.

1075. Laudate, sensus bominis,
Iesum nocentem nemini,
Laudate partum virginis,
Laudate nomen Domini.

1076. Domini mater celebris,
Fac in Deo nos stabiles,
Qui superbos dans tenebris
Iam exaltavit humiles.

1077. Humiles nos redde Deo,
Ne tradamur tortoribus,
Sed parvulos nos sub eo
Colloca cum principibus.

1078. Principibus angelorum
Commenda me propitia,
Maria, salvatrix borum,
Qui orant te cum gloria.

1079. Gloria tuo filio,

Veritas et iudicium,

Et tibi laus cum gaudio,

Quae misereris omnium.

CXIII.

1080. In exitu de saeculo

Lumen meis da gressibus,
Quae luces Dei populo,
Pusillis cum maioribus.

1081. Maioribus maior mater,

Dulcis manens in aeternum,
Fac, erigat Deus pater,
Qui descendunt in infernum.

1082. Infernum duc meam mentem,
Aeterne dux animarum,
Quae portasti convertentem
Rupem in fontes aquarum.

1083. Aquarum sanctificator
Elementis te praefecit,
Qui tui, virgo, sacrator,
Quaecunque voluit, fecit.

1084. Fecit te dominam poli,
Terrae, maris et omnium,
Se faciens et te coli,
Non simulacra gentium.

1085. Gentium damnant idola
Ea colentem hominem,
Sed salvatur Iesucola
Colens tuam imaginem.

1086. Imaginem puer tuam

Contemplans mirabiliter
Te perfecit sponsam suam
Per annulum fideliter.

1087. Fideliter consueta

Te petentis desponsare
Recepisti mansueta
Annulum digito clare.

1088. Clare videns miraculum
Puer socios vocavit
Astrictumque sic annulum
In imaginem monstravit.

1089. Stravit sese tunc iuvenis
Sub iugo tui amoris,
O Maria, quae subvenis
Caris tuis cunctis horis.

1090. Horis memorans omnibus
Tui carnis sponsam sprevit,
Quo quippe cum virtutibus
Amor Iesu per te crevit.

1091. Crevit et desiderium

Post haec in eo carnale
Tractansque matrimonium
Votum liquit spiritale.

1092. Tale conubium stare,
Maria, non permisisti
Propter votum salutare
Tibi factum, mater Christi.

1093. Isti namque quiescenti
In lectulo cum uxore
Fuit turris tutamenti
Tis imago miro more.

1094. More sponsae prohibuit
Sponsum vota violare,
Dum in medio iacuit
Volens eum conservare.

1095. Servare, Maria, tibi

Nitens, quem sic desponsasti,
Rursus minas ferens sibi
A coniuge revocasti.

1096. Castitate tunc succinctus
Mundum sprevit et vitia
Eremoque Iesu vinctus
Te coluit cum gloria.

1097. Gloria tuo filio,

Veritas et iudicium,

Et tibi laus cum gaudio,

Quae misereris omnium.

CXIV.

1098. Dilexi tuum filium,

Qui per precem, virgo, tuam
Ad tribulatum nimium
Inclinavit aurem suam.

1099. Suam iustus iustitiam
Perfici per te fatetur
Et petentibus veniam
Deus noster miseretur.

HOO. Miseretur memoribus
Tui beneficiorum,
His se tuis dans precibus
In regione vivorum.

1101. Vivorum in mortis umbra
Sedentium sede sedi,
Sed mihi, mater, obumbra,
Quae lux vera debes credi.

CXV.

1102. Credidi te succurrere

Collapso, mater, in imis,
Qui volens alta sapere
Humiliatus sum nimis.

1103. Nimis vero conculcatus
Amare mundum desino
Et tibi sic emendatus
Quid retribuam Domino?

1104. Domino redde, domina,
Me, qui dicor fore suus,
Rumpens culpae ligamina,
Quia ego servus tuus.

1105. Tuus esse desidero
Et de tua familia,
Maria, cui me offero
Sub tuae laudis gloria.

1106. Gloria tuo filio,

Veritas et iudicium,

Et tibi laus cum gaudio,

Quae misereris omnium.

CXVI.

1107. Laudate sanctam Mariam,
Qui diligitis Dominum,
Quae in pacis verae viam
Dirigit pedes hominum.

1108. Hominum reddunt labia
Tibi votum sempiternum,
Quibus misericordia
Per te manet in aeternum.

1109. ln aeternum miseretur,
Maria, mater Domini,
Ut nobis propitietur,
Huic rei confitemini.

CXVII.

1110. Confitemini Domino

Dominae, quoniam bonus,
Bonis laboris termino
Estad dandum regnum pronus.

1111. Pronus ad te, o Maria,
Laudes tuas in spe promo,
Da, non timeam in via,
Quid faciat mihi homo.

1112. Homo iam iniquitatis
Mihi minuit amicos,
Sed praesta quod pressus satis,
Despiciam inimicos.

1113. Inimicos evertere

Velis, mater potentiae,
Aperiens in vespere
Mihi portas iustitiae.

1114. Iustitiae da virtutem,
Maria, cum modestia,
Qua post istam senectutem
Coroner per te gloria.

1115. Gloria tuo filio,

Veritas et iudicium,

Et tibi laus cum gaudio,

Quae misereris omnium.

CXVIII.
Aleph.

1116. Beati immaculati,

Agni matrem, expers sordis,
Confiteantur renati
In directione cordis.

1117. Cordis mei mens laetatur,
Virgo, tuis obsequiis,
Sicut dives delectatur
ln omnibus divitiis.

1118. Vitiis ne nimis graver,

Ad te, mater, adpropinquo,
Ut autem immundus laver,
Da, Maria, fontem, in quo.

Beth.

1119. In quo corrigit impiam
Adulescentior viam?
Per frequentem memoriam
Exquirendo te Mariam.

1120. Mariam, cor meum, quaere
Dantem sacrae potum aquae,
Ut potum carnis severe
Declinemus usquequaque.

1121. Aquae salubris liquorem
Da, Maria, continue
Ac danti tibi honorem
Famam bonam retribue.

Gimel.

1122. Retribue servo tuo

Virtutem inter populos,
Ut figatur Deo suo,
Revela meos oculos.

1123. Oculos, mater, convertens
Ad meum soliloquium
Et a turba me divertens,
Aufer a me opprobrium.

1124. Opprobrium invidorum

Vitam meam multum laesit
Eo, quod post spem vanorum
Cor meum nimis adhaesit.

Daleth.

1125. Adhaesit anima mea

Tibi, virgo, quae lac fluis,
Ut exerceatur ea
In mirabilibus tuis.

1126. Tuis meritis agere

Gratias promptus per Deum,
Quem merui recipere,
Cum dilatasti cor meum.

1127. Meum cor, Maria, stetit
Procul a tua gratia,
Nunc iuxta te bona metit,
Unde vivat in gloria.

1128. Gloria tuo filio,

Veritas et iudicium,

Et tibi laus cum gaudio,

Quae misereris omnium.

He.

1129. Legem mihi, Iesu, pone.
Ut deponat caro suam
Matris intercessione,
Et scrutabor legem tuam.

1130. Tuam per precem, regina,
Ad paupertatis gloriam
Cor meum semper inclina
Et non in avaritiam.

1131. Avaritiam spernere

Fac me, virgo christifera,
Et semper concupiscere
Aeterna Christi munera.

1132. Munera tua, Maria,
Saepe capiunt egeni,
Surgas ergo, potens, pia,
Cum muneribus et veni.

Vau.

1133. Et venias adorare
Castitate preces eas,
Quibus coepi te laudare
Et levavi manus meas.

1134. Meas vias, fac, ambiat,
Munda mater, munditia,
Et mundatas custodiat
Tua misericordia.

1135. Misericordia tua

Tectum linquit malus tremor,
Maria, quae vota sua
Tibi solventis sis memor.

Iod.

Zain.

1136. Memor fiam summi verbi,
Quod intacta peperisti.
Quo corruerunt superbi,
In quo mihi spem dedisti.

1137. Dedisti gentibus pacem
Litem movente Iudaea,
Dans fidei, virgo, facem
In humilitate mea.

1138. Mea consumpsit merita
Meae mentis elatio,
Sed humilitas placita
Ex tunc mea sit portio.

Heth.

1139. Portio mea, Maria,

Verbum veram dans requiem,
Ob quod tuam prece pia
Deprecatus sum faciem.

1140. Faciem terrae pessima
Operuit fera guerra,
Nunc per te pace maxima
Pleni sunt caeli et terra.

1141. Terra gaudet fidelium
Per tuam fecunditatem,
Vitale fert remedium
Et virtutum bonitatem.

Teth.

1142. Bonitatem et gloriam
Condunt boni sinu suo
Per te, virgo, quae gratiam,
Fecisti cum servo tuo.

1143. Tuo meum auxilio
Cor desideria sua
Figat in Dei filio
Et in bonitate tua.

1144. Tua, Maria, gratia
Efficiar ipse sanus,
Quia sanantur omnia,
Quaeque tangit tua manus.

1145. Manus tuae largitatem
Pauperibus dives flue,
Quia in omnem aetatem
Miserationes tuae.

1146. Tuae misericordiae

Des optimum, virgo, datum,
Quo Iesu fiat hodie
Cor meum immaculatum.

1147. Immaculatum faciens
Me semper ab invidia,
Maria, satis largiens,
Unde sumatur gloria.

1148. Gloria tuo filio,

Veritas et iudicium,

Et tibi laus cam gaudio,

Quae misereris omnium.

Caph.

1149. Defecit omnis amicus

Mihi facto mundo gravis,
Sed respirem, qui mendicus
In verbum tuum speravi.

1150. Speravi te spiraculum
Mittere mihi, regina,
Facto, cum amo saeculum,
Sicut uter in pruina.

1151. Pruina ergo carnalis

Non premat sensum internum,

Nec dilectio moralis,

Sed amor stans in aeternum.

Lamed.

1152. In aeternum mater Dei

Manens, fac me gratum sibi,
Quoniam, quae parent ei,
Omnia serviunt tibi.

1153. Tibi servientis vita

Participet dextrae bonis
In ira per te munita
Omnis consummationis.

1154. Consummationis meae
Die cogitans amodo,
Consulere vitae reae
Sciam, Maria, quomodo.

Mem.

1155. Quomodo dilexi parum
Te, Maria, cum filio,
Inde reddens cor amarum
Mea est meditatio.

1156. Meditatio, quam de te
Habeo Iesu laudibus,
Reddit verba Christi laete
Dulcia meis faucibus.

1157. Cibus est delectabilis

Laus tua fovens interna,

Potus desiderabilis

Vita, virtus, lux, lucerna.

Nun.

1158. Lucerna meis pedibus
Sit Iesus natus pro reis
Tuis, Maria, precibus
Et lumen semitis meis,

1159. Meis, prob dolor, semitis
Et laqueos et timores,
Ut ponerer in abditis,
Posuerunt peccatores.

1160. Ores instanter, Maria,
Ut me servet et amicos
Iesus Cbristus in hac via,
Ne ruamus per iniquos.

Samech.

1161. Iniquos actus odio
Habui nimium sero,
Sed, virgo, coram filio
Adiuva me, salvus ero.

1162. Ero adhuc vir inclitus,
Si mibi vis opem ferre,
Mater, cui dant reditus
Omnes peccatores terrae.

1163. Terrenis nimis adhaesi,
Ideo parum profeci,
Verbo, velle multos laesi,
In horis quoque defeci.

Ain.

1164. Feci malum iudicium,
De personis Actionum
Sed conieci eloquium,
Fac servum tuum in bonum.

1165. Bonum, precor, imitari

Fatum fac me, fons gratiae,
Malum ia bonum scrutari,
Eloquium iustitiae.

1166. Iustitiae, veritatis

Lingua subtrahit merita,
Sed os taciturnitatis
Da, Maria, cum gloria,

1167. Gloria tuo filio,

Veritas et iudicium,

Et tibi laus cum gaudio,

Quae misereris omnium.

Phe.

1168. Mirabilia exsistunt

De te dicta in populis,
Per te, qua cuncta subsistunt,
Intellectum da parvulis.

1169. Parvulis factis devote

Offerens, virgo, Dominum,
Redime me obsecro te
A calumniis hominum.

1170. Hominum linguis igneis
Scis, Maria, sum exustus,
Cum regulis idoneis
Vacarem licet iniustus.

Sade.

1171. Iustus manens in aeternum
Da per matris suffragium,
Ut non det me tortoribus
Rectum tuum iudicium.

1172. Iudicium, mater Dei,
Iustitia in aeternum
Convertas sic, ne nos rei
Deducamur in infernum.

1173. In infernum dantur reges,
Quorum acta sunt profana,
En, pereunt sanctae leges,
Sed ad Iesum inde clama.

Coph.

1174. Clamavi corde et ore
Ad te, virgo, diluculo,
Ut gaudio et maerore
Praesto meo sis corculo.

1175. Corculo turbato meo
Faciem tuam requiram,
Ut tollas, mater, ab eo
Indignationis iram.

1176. Iram malam et odium

Ferunt sub pacis chlamyde
Proditores simplicium,
Sed tales a me divide.

Resch.

1177. Tide nunc humilitatem
Me prementis angustiae,
Dispergens suavitatem
Multae misericordiae.

1178. Misericordiae multae
Multi memores fuerunt,
Qua rursus ad vitae suae
Lumen adpropinquaverunt.

1179. Caverunt sibi a malis,
Qui fuerunt participes
Gratiae tuae vitalis
Per hanc vincentes principes.

Sin.

1180. Principes me persecuti

Sunt, cum sequi vellem Deum,
Armis mundi suut induti,
Et formidavit cor meum.

1181. Cor meum autem firmius
Stet tuo patrocinio,
Semper habens peramplius
Iniquitatem odio.

1182. Odio carnem babeat

Mens mea et te non linquat,
Tecum, Maria, maneat,
Ut Iesus hinc adpropinquat.

Tau.

1183. Adpropinquat ergo laeso
Tua, virgo, respectio,
Quod ad Iesum mea, quaeso,
Intret nunc postulatio.

1184. Postulatioque tua

Dirigat, qui te quaesiit,
Errantem in fuga sua
Sicut ovis, quae periit.

1185. Periit iam gens peccatrix
Mutata tua gratia,
Per te, Maria, sectatrix
Iesu facta cum gloria.

1186. Gloria tuo filio,

Veritas et iudicium,

Et tibi laus cum gaudio,

Quae misereris omnium.

CXIX.

1187. Ad Dominum salvatorem
Tu convertens plebem ream,
Per precis tuae valorem
Libera animam meam.

1188. Meam vitam tribulatam
Vallans, valens, virtuosa,
Ne gratiam mihi datam
Distrahat lingua dolosa.

1189. Dolosa conventicula

Vitem et irae fornacem
Florens quiete sedula
Cum his, qui oderunt pacem.

1190. Pacem habens pacem ponis,
Virgo vere pacifica,
Pacis et salvationis
Renatorum spes unica.

1191. Unica pacis tutela,

Qua feritur fera saeva,
Maria, manum releva
Et ab ira laesum leva.

CXX.

1192. Levavi oculos meos

Ad tuam respectionem,
Quatenus vanitas eos
Non det in commotionem.

1193. Commotionemque mentis
Et Satanae preme guerram,
Mater illius potentis,
Qui fecit caelum et terram.

1194. Terram levans, ornans caelum,
Hominum delens facinus,
Ob humanum fecit zelum
Animam tuam Dominus.

1195. Dominus, inquam, gratiae
Te praefecit matrem suam,
Ut humanae miseriae
Det manum dexteram tuam.

1196. Tuam, Maria, gratiam
Percipiam carne spreta,
Ut in Iesu dem gloriam
Tibi semper mente laeta.

CXXI.

1197. Laetatus sum, o Maria,
Quotiens te laudo satis,
Nam tunc custodia pia
Exstas meae castitatis.

1198. Castitatis inimici,

Laedentes in iudicio,
Hos, qui tui sunt amici,
Non torquebunt incendio.

1199. Incendio pretioso

Amoris fac me cremari,
Ut in reguo glorioso
Merear tecum laetari.

1200. Laetari iam omne facis

Cor te quaerens, te sapiens,
In turribus multae pacis
Firmiter hoc stabiliens.

1201. Stabiliens stabilita

Praesta mihi constantiam,
Maria, pacis perita,
Procurans pacis gloriam.

1202. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXXII.

1203. Ad te levavi oculos
Rogitans virgo, Maria,
Ut quid obliger populos
Dirigas in Iesu via.

1204. Via mala hac aperte

Te cor meum veneratur,
Donec sui, mater, per te
Dominus misereatur.

1205. Misereatur etiam

Meorum benefactorum
Ob tui reverentiam,
Ut salvatrix sis eorum.

1206. Eorum, qui te adorant,
Ad Iesum corda dispone,
Ne pulsi, qui te honorant,
Sint semper desperatione.

1207. Honesti redduntur Christo
In te, Maria, confisi,
In orbe nos ob hoc isto
Te laudare sumas nisi.

CXXIII.

1208. Nisi quia fores mecum,
Quae virtutibus emines,
Me cepisset Satan secum,
Dum resurgerent homines.

1209. Homines et daemonia

Iam me vivum deglutissent,
Nisi tua potentia
Repressi vim amisissent.

1210. Amisissent vim virium

Plures mecum facti fumus,
Sed dedisti subsidium,
Et nos liberati sumus.

1211. Sumus, Maria, erepti

Per manum tuam agilem,
Cum transiremus decepti
Aquam intolerabilem.

1212. Habilem ad peccamina
Sensum devoti concidunt
Per te, Maria domina,
Fortes, in te qui confidant.

CXXIV.

1213. Qui confidunt in te, mater,
Teguntur pacis habitu
Horumque stat tamquam pater
Dominus in circuitu.

1214. Circuitu cordis mei

Sta, protectrix pusillorum,
Nusquam super servum Dei
Linquens virgam peccatorum.

1215. Peccatorum graviorum

Saepe cinctus multa sorde,
Fac, sim spretor iam malorum
Cum bonis et rectis corde.

1216. Corde non sunt cogitatus
Iusti ad iniquitatem,
Ego autem inclinatus
Frequenter ad voluptatem.

1217. Voluptatem carnis saevae
Per te, Maria, fugiam,
Quae per ingluviem Evae
Amissam reddit gloriam.

1218. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXXV.

1219. In convertendo captivos
Nos ad te, spes captivati,
Vincentes motus passivos
Facti sumus consolati.

1220. Consolati mei sensus
Sunt in tuo servitio,
Tunc spiritus est suspensus
Et repletum os gaudio.

1221. Gaudio tecum gaudere
Fac me meis novissimis,
Virgo, per quam cessant flere,
Qui seminant in lacrimis.

1222. Lacrimis irriger bonis
Peccator in laude tua,
Mater, quae in messe ponis
Mittentes semina sua.

1223. Suavis, sume semina

Laudum, quae tibi praemisi,
Et tribulos extermina,
Quae ferre sunt hostes nisi.

CXXVI.

1224. Nisi, virgo, respicias

In eos, qui peccaverunt,
Agentes paenitentias
In vanum laboraverunt.

1225. Laboraverunt in vanum

Lingua, manus multis horis,
Quia cor non erat sanum
Edentis panem doloris.

1226. Doloris abundantiam,

Quae inhaeret meae menti,
Convertas in laetitiam
In manu tua potenti.

1227. Potenti, mater, columna
Fulcitur, quem benedicis,
Non confundetur aerumna,
Cum loquetur inimicis.

1228. Micis illapsis de mensa
Catelli sunt impinguati,
Et gratiae tis in mensa
Miseri fiunt beati.

CXXVII.

1229. Beati sunt, qui veniunt
Ad te, fecunda fecundans,
His etenim, cum sitiunt,
Sicuti vitis abundans.

1230. Abundans bonis omnibus
Da munera gratiarum,
Quibus vigeam fructibus
Ut novellae olivarum.

1231. Olivarum das liquorem

His, in quorum manes domo,
Hunc gratiae sumens rorem,
Sic benedicetur homo.

1232. Homo pauper te petere
Debet, oliva virginum,
Quia refoves prospere
Omnes, qui timent Dominum.

1233. Dominum per te formidam,
Qui odit iniustitiam,
Maria, per cuius fidem
Reddidit Deus gloriam.

1234. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXXVIII.

1235. Saepe offenderunt Deum
Iuventutis meae mores,
Ob quod supra dorsum meum
Fabricarunt peccatores.

1236. Peccatores hos per vires
Tuas vince, vis passorum,
Ut aemulorum cervices
Fiant ut foenum tectorum.

1237, Tectorum per stillantia
Evitem per precem tuam,
De quorum irae pluvia
Os implevit manum suam.

1238. Suam iram is reprimit,
Qui vacat tuo nomini,
Ab adversis hunc redimit
Benedictio Domini.

1239. Minime perit anima,

Cui gratiam tuam fundis,
Maria, manu maxima
Trahens lapsos de profundis.

CXXIX.

1240. De profundis clamaverunt
Ad te, mater, pereuntes,
Et eis semper fuerunt
Aures tuae intendentes.

1241. Intendentesque velocem

Dant succursum plebi reae,
Exaudiat ergo vocem
Deprecationis meae,

1242. Meae menti multotiens
Adpropinquavit ruina,
Cui fias, virgo sapiens,
Custodia matutina.

1243. Matutina lux Maria,

Quae fudisti lucem Deum
Esto mihi lux et via
Copiosa apud eum.

1244. Eum fide nunc videnti
Da Iesum caeli lumine,
Et Mariae servienti
Da te, Iesu, mi Domine.

CXXX.

1245. Domine, non est similis
Matri tuae in moribus
Nec virtute tam nobilis
Neque in mirabilibus.

1246. Mirabilibus sunt tuis

Conversae gentes ad Deum,
In te, quae gratiam pluis,
Exaltatum est cor meum.

1247. Meum cor cum te cogitat,
Laetum babet spiraculum,
Virgo, postquam plebs cursitat
Nunc et usque in saeculum.

1248. Saeculum me absorbuit
Angustiarum in stagnis,
Vita cuius te caruit,
Cum ambulavi in magnis.

1249. Magnis vero periculis
Percepi tuam gratiam,
Maria, tuis servulis
Servans insignem gloriam.

1250. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXXXI.

1251. Memento, Iesu Domine,
Tuae mansuetudinis
Et orante te virgine
Dimitte noxam criminis.

1252. Criminis expers Maria,

Fac, quod saepe te rogavi,
Uti reddam vota tria,
Sicut Domino iuravi.

1265. Sursum preces ad te latas
Offer ante Iesu thronum,
Laudes tibi ergo gratas
Offerre, ecce, quam bonum.

1253. Iuravi et non tenui,
Sed oblitus factus Dei
Cito carnem non respui
Intrans lectum strati mei.

1254. Mei oderunt oculi

Corporis surrectionem,
Sed lux eis cubiculi
Aufert dormitationem.

1255. Dormitationem mentis
Vi fugans orationis,
Arca foederis potentis,
Arca benedictionis.

1256. Benedictionis dator
Te iubilo iam erexit,
Verus matris honorator
Carnem suam caelo texit.

1257. Texit sanctum corpus tuum
Stola immortalitatis,
Unde corpus sumpsit suum
Ipse Deus veritatis.

1258. Veritatis praedicator,

Augustinus, lux doctorum,

Huius fidei probator

Per sermonem est decorum.

1259. Chorum credens angelorum
Te, Maria, transcendere
Et iuxta sanctum sanctorum
Corpus tuum existere.

1260. Hereditas haec est tua,
Ut regina sis caelorum,
Cui omnia dedit sua
Iesus, rex regum cunctorum.

1261. Horum memorem perfice
Per Augustini merita,
Qui te, Maria, publice
Laude praedicant inclita.

1262. Itaque iam fide pia
Testantur viri probati
Assumptionem, Maria,
Corporis tui sacrati.

1263. Sacrati tui corporis
Factam resurrectionem
Credimus sani pectoris
Tui per devotionem.

1264. Devotionem hanc sectans
Elisabeth rapta rursum,
Corpus tuum Vidit spectans
Glorificatum iam sursum.

CXXXII.

1266. Ecce, quam bonum, iucundum
Te laudare sollicite,
Cuius munus est fecundum
Ut unguentum in capite.

1267. Capite, mea intima,
Mariae collationem,
Per quam Deus ad infima
Mandat benedictionem.

1268. Benedictionem multam

Virgo ferens ad populum,
Benedic meam adultam
Vitam usque in saeculum.

1269. Saeculum amens arescit,
Cordis, carnis plenum poenae,
Sed amans te requiescit
Et crescit, ecce, nunc bene.

CXXXIII.

1270. Ecce, nunc benedicite
Sanctae Mariae virgini,
Grates dignas rependite
Huic, omnes servi Domini.

1271. Domini et servi mundi,
Magni, parvi, iusti, rei
Per te, virgo, stant iucundi
In atriis domus Dei,

1272. Dei veri venerantes

Per te sanctam ecclesiam,
Sibi atque tibi dantes
Et honorem et gloriam.

1273. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXXXIV.

1274. Laudate nomen virginis,
Labia mea protinus,
Per quam animam hominis
Elegit sibi Dominus.

1275. Dominus, qui reges regit,
Dat, Maria, reos tibi
Et per te multos elegit
In possessionem sibi.

1276. Sibi quoque fac me gratum,
Maria, spes propitia,
Quae per ipsum facis natum
Signa atque prodigia.

1277. Prodigia semper pandit
Is Deus in servis tuis,
Qui per orbem hunc expandit
Ventos de thesauris suis.

1278. Suis ventis in me laesum
Mortis perflare consortes,
Quos confregisti per Iesum,
Qui occidit reges fortes.

1279. Fortes fiunt in vim hostis
Psallentes tuo nomini;
Qui virtutem eius nostis,
Mariae confitemini.

CXXXV.

1280. Confitemini Domino

Et dominae cum effectu,
Qui lustrant sine termino
Omnes caelos intellectu.

1281. Intellectu miro clarens
Lux super luminaria,
Mira facis, sancta parens,
Et magna mirabilia.

1282. Mirabilia ostendis,
In potestatem diei
Et clarae lucis intendis
In obscuritatem rei.

1283. Rei, qui tuo nomini
Astant per devotionem
Solvantur manu Domini,
Qui excussit Pharaonem.

1284. Pharaonem et Aegyptum
Israel tradens amicis
Per tenos, ut scimus scriptum,
Redimit ab inimicis.

1285. Inimicis circumdatis

Subveni, magna domina,
Miserere perismatis,
Proiecti super flumina.

CXXXVI.

1286. Super flumina sedentis
Ploratus et angustiae
Memento, te requirentis,
Maria, fons laetitiae.

1287. Laetitiae spiritalis

Auctrix, cautrix, pacis vena.
Tege semper tuis alis
Nos in terra aliena.

1288. Aliena fit mens Christo
Et expers gaudii sui,
Hanc in mundo perdam isto,
Si non meminero tui.

1289. Tui ergo memoriam

Mens habeat semper mea,
Et tu, Maria, gratiam
Fac fundamentum in ea.

1290. In ea, quaeso, caterva

Non maneam, sed fugiam,
Quae non reliquit proterva
Ob Iesu Christi gloriam.

1291. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXXXVII.

1292. Confitebor tibi, Deus,
Et Mariae, matri Dei,
Per quam tutor factus meus
Audis verba oris mei.

1293. Mei oris laus unica,

Laus caelorum, laus iustorum,
Laudes meas magnifica
In conspectu angelorum.

1294. Angelorum es domina,

Cui dat Deus verbum suum,
Sanctorum laudant agmina
Semper nomen sanctum tuum.

1295. Sanctum tuum eloquium
Non cessant ora proferre,
Tuumque patrocinium
Petunt omnes reges terrae.

1296. Terrae cunctae fidelium
Signantur tuo nomine
Pro culpis sacrificium
Terentes, caeli Domine.

CXXXVIII.

1297. Domine, probans depressam
Creaturam tibi, ream,
Prece matris fac professam
Resurrectionem meam.

1298. Meam cogitationem

Multam et cordis intima
Ponas in salvationem,
Quae cognoscis novissima.

1299. Novissima et antiqua

Gens emendat vitam suam
Per te, quae non ad iniqua
Petivisti manum tuam.

1300. Tuam obdormitionem

Iudaei quondam scientes
Oculorum visionem
Amiserunt irruentes.

1301. Irruentes quoque manus
Principis mox aruerant,
Sed te credens vidit sanus,
Quae super se claruerunt.

1302. Claruerunt excaecati

Tibi dantes fidem suam,
Cum manus primi sanati
His deferret palmam tuam.

1303. Tuam misericordiam

Tam perfido dans populo
Ad Christi para gloriam
Pennas meas diluculo.

1304. Diluculo ac seruio

Velis opem mihi ferre,
Ne tradar mortis pabulo
Inferioribus terrae.

1305. Terrae rectrix, spes gentium,
Nauta maris, lux, lucerna,
Me post praesens naufragium
Deduc in via aeterna.

1306. Aeterna regnans requie
Cum Iesu, pacis principe,
Ab omni mala specie,
Maria, me nunc eripe.

CXXXIX.

1307. Eripe me, dominatrix,
Ab olente carnis sorde
Ferentium sis sublatrix
Iniquitates in corde.

1308. Corde mali sunt locuti
Linguas suas acuentes
Et me plagarunt imbuti
Veneno sicut serpentes.

1309. Serpentes invisibiles
In me suscitarunt eos,
Ut quosque queant humiles
Supplantare gressus meos.

1310. Meos eapropter pedes

Iam dirige, dux Iudaeae,
Et dissipes horum sedes,
O virtus salutis meae.

1311. Meae mentis mansionem
Sternant sicut maceriam,
Nisi des defensionem,
Maria, quae das gloriam.

1312. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXL.

1313. Domine, clamavi multum
Ad te matris obsequio,
Qua mis ante tuum vultum
Dirigatur oratio.

1314. Oratio, quam facio
Ad te et tuum filium,
Et manuum levatio
Sit gratum sacrificium.

1315. Sacrificiumque laudis
Immolem tibi et Deo,
Et da te, ne sit os fraudis,
Custodiam ori meo.

1316. Meo semper negotio

Astans, mater salvatoris,
Ne linguae tingat vitio
Me oleum peccatoris.

1317. Peccatoris in statera

Quondam ponens manum tuam,
Sic ab infernali fera
Salvasti animam suam.

1318. Suam vitam regulare

Nescientem, quaeso, doce
Decenterque collaudare
Te, Maria, corde, voce.

CXLI.

1319. Voce mea ad Dominum
Iacto deprecationem,
Ad te, regina virginum,
Effundens orationem.

1320. Orationem, Maria,

Redde gratam hanc filio,
Quam tribulatis in via
Ante ipsum pronuntio.

1321. Pronuntio tibi, mater,

Pressuras pridem sublimis,
Quis ad ima ductus frater
Humiliatus sum nimis.

1322. Nimis enim ante Deum
Erat mea vita rea,
Sed tu mihi places eum,
Cui dixi: tu es spes mea.

1323. Mea spes, dignans suere
Sancti Thomae cilicium
Ruptam, velis reficere
Stolam mearum virium.

1324. Virium per te vigorem

Sumpsit Thomas gravamine,
Per cuius precis valorem
Placeam meae dominae.

CXLII.

1325. Domine, exaudi meam
Dignanter orationem,
Praecipiens propter eam
Matris obsecrationem.

1326. Obsecrationem piam
Effundas ante filium,
Ut cum laudante Mariam
Non intret in iudicium.

1327. Iudicium sic cogitem
Dei per te vitae curis,
Quatenus me praecipitem
Non collocet in obscuris.

1328. Obscuris, Maria, malis

Clausi meum cor amarum,
Sed salver, spes immortalis,
Factis manuum tuarum.

1329. Tuarum memor virtutum
Ante te prosternor pronus,
Ut vitale mihi scutum
Sit spiritus tuus bonus.

1330. Bonus fiam, bonum secter,
Tenens tui memoriam,
Uti, Maria, delecter
Tecum tandem per gloriam.

1331. Gloriam tibi, Maria,
Debeo semper offerre,
Mea ductrix, mea via,
Cuius laus in fines terrae.

CXLIII.

1332. Benedictus omnipotens,

Qui nos docet ad proelium,
Per te, Maria, praepotens
Turbae pavent gentilium.

1333. Gentilium dant populi
Se cultui dominico,
Per te magistram saeculi
Ex more docti mystico.

1334. Mystico medicamento
Curans carnis contagia,
Mentis, Maria, memento,
Quae sorde exstat saucia.

1335. Sauciata sunt labia
Loquentia mendacium,
Sed his, virgo propitia,
Exstingue flammas litium.

1336. Litium strinxit aspero

Me vinclo mundi vanitas,
In quo per te de cetero
Flammescat igne caritas.

1337. Caritas autem divina,
Dans tibi Dei filium,
Per te nobis, o regina,
Vitale tollat praemium.

1338. Praemium non perdam vitae,
Non sapiam ex nunc alta,
Sed humilitatem rite,
Maria, meam exalta.

CXLIV.

1339. Exaltabo te laudibus

Effugans hostem horridum,
Maria, quae virtutibus
Salvasti mundum languidum.

1340. Languidum prorsus famulum,
Gaudentem tibi psallere,
Salva, ne per piaculum
Vitae sit exsul munere.

1-341. Munere a Deo tuo,

Diva, dites nnnc hominem,
Quod hunc dotat regno suo
Mundi parans originem.

1342. Originem sanctitatis
Et pacis abundantiam
Sume, virgo, tui gratis
Mundi per abstinentiam.

1343. Abstinentiam igitur
Da mihi tuo numine,
Nam, Maria, quod perditur,
Tu reddis almo germine.

1344. Germine tuo germinat
Iam rerum universitas,
Te trinitas illuminat
Et principalis unitas.

1345. Unitas manus divinae
Tibi tradidit omnia
Maria, cui sine fine
Sit sempiterna gloria.

1346. Gloria tibi, Maria,

Decus, salus, laudatio,
Hymnus, psalmus et laus pia,
Honor et benedictio.

CXLV.

1347. Lauda, (VJ anima mea,
Dignissimam mulierum,
Quia multum valet ea
Ad firmandum cor sincerum.

1348. Sincerum ut sit, Maria,
Ad te meum eloquium,
Labia decenter pia,
Aufer calorem noxium.

1349. Noxium corpus animae
Per offensam est variam,
Sed da cor, quod legitime
Carnis terat superbiam.

1350. Superbiam mens sobria
Tollat a carnis sensibus,
Tui tacta memoria
Verbis, cibis et potibus.

1351. Potibusque lacrimarum

Mergens meum cor, domina,
Per gratiae potum clarum
Dimitte nunc peccamina.

1352. Peccamina mortalia
In me noli relinquere,
Maria, stella praevia,
Vergente mundi vespere.

1353. Pereunt, mater, animae
Tui nusquam recordatae,
Cuius gratiae maximae
Ab angelis sunt laudatae.

CXLVI.

1354. Laudate virginem puram,
Medullae mei spiritus,
Quam dixerunt parituram
Lex et prophetae primitus.

1355. Primitus a lege Christi
Erant gentes alienae,
Quas, Maria, iam sanxisti
Observata lege plene.

1356. Plene legi Iesus stravit
Sui moras incolatus,
Qui per te nos reparavit,
Nobis datus, nobis natus.

1357. Natus ergo de virgine
Pro nobis peccatoribus
Tuo semper precamine
Nos servet a nocentibus.

1358. Nocentibus enim iris
Vita nostra fit dedita,
Sed gratia, qua potiris,
Mentes tuorum visita.

1359. Visitata quidem a te

Mens, Maria, non moritur,
Sancta cuius dignitate
Sursum agnus immittitur.

1360. Mittitur et manus pia
Salvatoris in cor rei
Volenteque te, Maria,
Templum repente fit Dei.

1361. Dei matri, cor, commenda
Tuam laudem, ne sit clauda,
Vitam meam et emenda
Et Mariam semper lauda.

CXLVII.

1362. Lauda, mens, totis viribus
Mariae laudis augmentum,
Ut eius tuis sensibus
Praestet fides supplementum.

1363. Supplementum da gratiae,
Auge bonum, quod poscimus,
Maria, mare veniae,
Laxa malum, quod fecimus.

1364. Fecimus multa peccata

Nec bibimus hunc calicem,
Sed per te, mater amata,
Flectamus iram vindicem.

1365. Vindicem quippe tremendum
Tua lactarunt ubera,
Parens, cuius ad parcendum
Nudata pendent viscera.

1366. Viscera pia pluribus
Dans, Maria, continuo
Parce nobis precantibus,
Vultu precamur cernuo.

1367. Cernua cervice, mater,
Tibi supplex do gloriam,
Ut det mihi per te pater
Remissor indulgentiam.

1368. Indulgentiam nimirum
Dare potes per filium,
Intacta nesciens virum,
Veramque pacem cordium.

1369. Cordium refrigerium,
Vita, virtus, victoria,
Maria, vis vincentium,
Aeterna Christi gloria.

1370. Gloria tibi, Maria,
Decus, salus, laudatio,
Hymnus, psalmus et laus pia,
Honor et benedictio.

CXLVIII.

1371. Laudate, sancti, de caelis
Castae parentis viscera,
Quae Christum virgo fidelis
Enixa est puerpera.

1372. Puerpera, a filio

Postula nobis gratiam,
In tuo puerperio
Ipsi canamus gloriam.

1373. Gloriam tibi canentes
Sint stolis albis candidi,
Sint, Maria, patientes
Et caritate fervidi.

1374. Fervidi quidem amoris
Fons vivus, ignis, caritas,
In te, mater, sunt splendoris
Et lux beata trinitas.

1375. Trinitas creans omnia
Per te nobis irae plagas
Tollat et desideria,
Quae subruunt mentes vagas.

1376. Vagas delectationes

Tollens a nobis insuper,
Virgo, consolationes
Effunde nobis desuper.

1377. Desuper dare solita
Seni manum et iuveni,
Maria, parens inclita,
Redemptis ope subveni.

1378. Veni, Mariam laudare

Cor, quod capis bona tanta,
Huic cantum singulare,
Os, distinte semper canta.

CXLIX.

1379. Cantate summae virgini
Laudes, filii hominum,
Cuius psallit et nomini
Choras sacratus virginum.

1380. Virginum virginitatem
Vincis, virginum gloria,
Cui propter fecunditatem
Genua curvant omnia.

1381. Omnia bona possidens,
Maria, dives divitum,
Velis, in throno residens,
Laxare gratis debitum.

1382. Debitum sacrificium
Tibi, Maria, solvimus,
Ut alleves fastidium,
Horis quietis psallimus.

1383. Psallimus tuo nomini,
Cuius immensa dignitas,
Ut nos ducas, laus Domini,
Ad lucem, quam inhabitas.

1384. Inhabitas et emines

Caelis meritis providis,
Per quam palmis iam homines
Ditantur bene fulgidis.

1385. Fulgidis angelis Dei
Maria, committar a te,
Super quo vos, sensus mei,
Hanc rogate et laudate.

CL.

1386. Laudate matrem Domini,
Ora, corda fidelium,
Quam pie dedit homini
Salus ante principium.

1387. Principium, o Maria,
Aeterni facta foederis,
Semper, ne cadant in via,
Salutem posce miseris.

1388. Miseris, Maria, daris,
Plena misericordia,
Eis ergo singularis
Sis praesul et custodia.

1389. Custodia clausi tua
Optime sibi provident,
Tenentes te mente sua
Vitam beatam possident.

1390. Possident dona beata

Mortis sacrae compendio,
Quo patri fis copulata
Eiusque soli filio.

1391. Filio, Maria, tuo
Nos cito reconcilia,
Ut nobis in regno suo
Perennis instet gloria.

1392. Gloria, iubilatio,

Honor, decus, imperium
Tibi, mater, cum filio,
Sors et corona, praemium.