1. Rosarium de Passione Domini.

I.

1. Ave, Iesu, fili Dei,
Ave, salus meae spei,

Cordis mei gaudium,
Dulcis fructus ligni crucis,
Quo fruuntur verae lucis

Cives ad solacium.

2. Ave, rex, qui postulasti
Pro me, quando triumphasti

In crucis certamine,
In timore da servire,
Disciplinam fac subire

Emptam tuo sanguine.

3. Ave Iesu, qui dormisti,
Soporatus surrexisti,

Vita, resurrectio,
Die resurrectionis
Maculas confusionis

Tua tergat passio.

4. Ave, pax, in qua quiescam,
In qua nullum pertimescam,

Cordis mei nidulos;
Dulcis Iesu, tuis donis
Flores tuae passionis

Fiant mihi lectulus.

5. Ave, rex, cui astabo,
Cui rationem dabo

De talento credito,
Non est aurum, non argentum
Mibi, crucis me talentum

Absolvat a debito.

6. Ave, summa medicina,
Praestantissima resina

Tui sacri sanguinis
Mihi donet sanitatem
Et consumat qualitatem,

Quantitatem criminis.

7. Ave, iudex iudicate,
Quando gentis reprobatae

Subisti iudicium,
Hic nos seca, hic nos ure,
Ne nos ultionis durae

Sentiamus gladium.

8. Ave, caelum rubicundum,
Passione replens mundum

Eore tuae gratiae,
Vulnerum me stillae ducant
In hoc mari et perducant

Ad portum laetitiae.

9. Ave, qui in schola mundi
Studuisti, ut confundi

Possit hostis, capitur
Hamo cracis, sermo mortis
Profertur, succumbit fortis,

Sic ars arte fallitur.

10. Ave, Iesu, templum Dei,
Templum sanctum, in quo rei

Consequuntur veniam,
Dextrum latus ministravit
Aquam, quae peccatum lavit,
Contulit munditiam.

II.

11. Ave, meus salutaris
Custos et dux singularis

Stans in crucis specula,
Me conserva, me custodi,
Hostium nam mille modi

Admittuntur iacula.

12. Ave, cuius est consputa,
Suo flore destituta

Speciosa facies,
Haec a me non avertatur,
Sed a me intueatur

Centies et milies.

13. Ave, rex, qui libertatem
Donas, qui captivitatem

A nobis avertere
Captus, vinctus studuisti,
Tibi laus, qui voluisti

Nos captivos solvere.

14. Ave, cuius est adpensum
Corpus cruci, clavis tensum

Regis tabernaculum,
In quo miles protegatur
Et ei subveniatur
Ad omne periculum.

15. Ave, semper providendum,
Sponsae manibus ferendum

Redemptoris speculum,
Per te macula tergatur,
Formae decor augeatur,
Purga mentis oculum.

16. Ave, Iesu, qui proiectus
Extra portam es erectus

In crucis patibulo,
Qui misertus es latronis,
Tuae miserationis

Nos astringe vinculo.

17. Ave, virginis Mariae
Fili care, cuius viae

Paupertas, humilitas;
His virtutibus armemur,
Christi flosculis ornemur

Per te, sancta trinitas.

18. Ave, sponse speciose,
Thalamum qui gloriosae

Consecrasti virginis,
Nos dignare consecrare,
Templa mentis adornare

Rosa tui sanguinis.

19. Ave, holocaustum pingue,
Tuo adipe exstingue

Ignes et incendia
Vitiorum et inferni,
Nobis resera superni

Templi sanctuaria.

20. Ave, qui es exaltatus
Et a patre coronatus

Pretioso lapide,
Ut nos tibi corregnemus,
Da tuae communicemus

Passioni floridae.

IH.

21. Ave, Iesu, dulcis frater,
Qui nos lactas velut mater

Vulnerum uberibus,
Roseum lac protulisti,
Quando sanguinem fudisti
De manibus et pedibus.

22. Ave, spinea corona,

Benedicta sit persona,

Cuius caput regium

Tu cinxisti, me coronet

Ipse, per te mihi donet

Vitam et imperium.

23. Ave, pastor, qui me ducis
Et in mensa mihi crucis

Dulcis es refectio,
Exi contra tribulantes,
Foris, intus impugnantes,

Mea consolatio.

24.

24. Ave, fortis proeliator
Et salutis imperator

Crucis gestans gladium,
Nobis aeternales portae
Ut pandantur, fer in morte

Miseris auxilium.

25. Ave, Iesu, qui delicta
Per confessionem dicta

Passionis pallio
Tegis, ne irrideantur
Aut ab hoste confundantur
In tuo iudicio.

26. Ave, aureum altare,
Da te nobis honorare

Donis spiritalibus,
Munus laudis offeramus,
Tuis mille imprimamus

Oscula vulneribus.

27. Ave, Iesu, castrum forte,
Cuius non clauduntur portae,

Portae dico vulnerum.
Isti castro et his portis
Et nunc et in hora mortis
Me commendo miseram.

28.

28. Ave, flos, per quem florebo,
Dum in fine apparebo

Resurgens cum mortuis,
Erunt paradisi rosae,
Quos nunc rore pretiosae

Passionis compluis.

29. Ave, a quo exierunt

Sanguis, aqua, qui fecerunt

In mundo diluvium,
In hoc culpa demergatur,
Arca mentis erigatur

Ad caeli fastigium.

30. Ave, Iesu, custos bone,
Tui sacci scissione

Confertur utilitas,
Sanguis fusus nos emundat,
Pus expurgat, cor fecundat,

Tollitur infirmitas.

IV.

31. Ave, Deus veritatis,
Passione cruentatus

Tuis sanctis manibus,
Me commendo exspirantem,
Suscipe me trepidantem
Pro meis excessibus.

32. Ave, dulcedo sanctorum,
Qui, ut nos a peccatorum

Flagellis absolveres,
Es nudatus ad flagella,
Sanguinis fudisti mella,
Ut amara tolleres.

33. Ave, qui abyssos ponis
In thesauros passionis,

Hoc est in vulneribus,
In his fossis absconduntur
Peccatores, abluuntur
In his quinque fontibus.

34. Ave, Iesu mea vita,
Cordis mei margarita,

Tua dulcis passio
Det videre dies bonos,
Angelorum dulces tonos
Audire cum gaudio.

35. Ave, Iesu, via lucens,
Paradisum introducens

Et ad regna caelica,
Gemma crucis luminosa,
Da cavere tenebrosa,

Da cavere lubrica.

36. Ave, per quem declinatur
A malo, exercitatur

Mens in bono opere,
Ista sanguis operatur
Roseus, qui propinatur

Tuo sancto latere.

37. Ave, Iesu, qui gestabas
Onus crucis, dum parabas

Onus mundi tollere,
Onus tolle, quo gravamur,
Ne caput impediamur
Ad crucem erigere.

38. Ave, dulcis peregrine,
In hoc mundo vivens sine

Rebus, sine proprio,
Qui ad te peregrinantur,
Nudi nudum te sequantur,

Crux sit eis lectio.

39. Ave, mea cantilena,

Carnem ducens ad serena

Paradisi cantica,
Ibi celebrando festa,
Ibi tuae crucis gesta

Erunt mea musica.

40. Ave, qui decubuisti
Lecto crucis, qui fuisti

Totus in doloribus,
Opem fer in lecto mortis
Mihi sis adiutor fortis,

Defensor ab hostibus.

V.

41. Ave, Iesu, fons abundans,
Lacte, melle mons redundans,

Nectare et balsamo,
His deliciis frueris
Sponsa, quae efficieris

Digna regis thalamo.

42. Ave, mea fortitudo,

Qui in cruce hostes nudo

Debellasti corpore,
Sanguis tuus det virtutem,
Crux sustentet, ut non nutem

In hoc belli tempore.

43. Ave, Iesu nomen, ave,
Nomen super mel suave,

Plenum aromatibus,
Per te hostes debellabo
Insurgentes, te laudabo

Cum supernis civibus.

44. Ave, plenus unctione,
Plenus miseratione
Et misericordia,
Tua murra perungamur,
Ut tui constituamur
Consortes in patria.

45. Ave, Iesu, paradisus

Rubens rosis, nostri visus

Dulcis recreatio,
A te flumen derivetur,
Tibi quo sanctificetur

Nostri cordis mansio.

46. Ave, rex, qui ascendisti
Caelos et obtinuisti

Regnum crucis proelio,
Da, ut tui recordemur,
Accendamur, inflammemur

Tuo desiderio.

47. Ave, qui redemptionis
Armis me ab aquilonis

Separasti latere,
Contra aquilonis flatus
Tuum mihi pande latus,

Ibi da quiescere.

48. Ave, qui placationem
Tui per oblationem

Pro me patri exhibes,
Cruce, clavis et cruore,
Spinis, lancea, livore

Patris iram cohibes.

49. Ave, qui terram vocasti
Et terrenos visitasti

Dando eis gratiam,
Da per crucem nos salvari,
Dum continget congregari

Electos ad gloriam.

50. Iesu, mei miserere,
Iesu, mei curam gere,

Sanguis culpas abluat,
Me dealbet super nivem,
Tuae civitatis civem

Me sanguis constituat.

51. Iesu, mei miserere,
Da in paradiso vere

Amplecti te dulciter,
Iungi choris angelorum,
Iungi civibus sanctorum

Te laudando iugiter.