39. In Festo Patronorum Hildesheimensium.

In 1. Vesperis.
Antiphonae.

1. Electorum memoriam
Patronorum agamus,
Felices ut ad gloriam
Illorum transeamus.
2. Principalis ecclesiae

Nostrae virgo patrona,
Maria, mater gratiae,
Caritatis corona.

3. Patroni, Petrus claviger,
Princeps apostolorum,
Paulus, doctrinae signifer,
Magister populorum ;

4. Cosmas atque Damianus,
Valerianus et Tiburtius,
Cantius et Cantiauus,

Sancti Iustus et Arthemius;
5. Almi praesules Godehardus,
Epiphanius et Bernwardus,
Speciosa cum Caecilia
Virgines nobis dent auxilia.
R. Gaude, virgo,

Christi matronatu,
Tuo gratulamur patronatu,
Iuncta compatronorum caterva
Gregem istum, Maria, conserva.
V. Salva, rege Christo famulantes,
Hac in domo Dei ministrantes.

Ad Magnificat.

A. Virgo, mater regis angelorum,
Principalis gemma patronorum
Huius domus Dei veneraris,
Habere tecum non dedignaris
Ministros plures electos Dei;
Adiuva nos, mater sanctae spei,
Iunge nos sanctorum requiei.

Ad Matutinum.
Invitatorium.

Laude patronorum

huius domus gratulemur,

Ut nos in caelorum
eis regno collaetemur.

In 1. Nocturno.
Antiphonae.
1. Maria, plena gratia,

Huius templi patrona,
Nos Christi vultu satia,
Impetra caeli bona.

2. Petrus cum Paulo veniam
Deposcant delictorum
Hic nobis, ibi gloriam
In coetu beatorum.
3. Martyres Christi celebres,
Virgines, confessores,
Vobis psallentes alacres
Vos sentiant rectores.

Responsoria.

1. Virgo, Christi mater illibata,
Patrona generis nostri grata,
Pia laudibus nostris intende,
Salva nos, iustifica, defende,

V. Placa nobis

Christum, tuum natum,
Nostrum ut indulgeat reatum.

2. Petre, crucifixus triumphasti,
Paule, cursum

ense consummasti,
Una dies ambos coronavit,
Vos Christus in gloria locavit;

V. Sancti Petre, Paule, subvenite
In agone nobis huius vitae.

3. Martyres Domini pretiosi.
Cosma, Damiane gloriosi,
Proprio sanguine purpurati
Caelos conscendistis laureati;

V. Coronam decoris suscepistis
De manu Dei, quam meruistis.

In 2. Nocturno.
Antiphonae.

1. Reliquiae sub gremio
Isto quorum foventur,

Ut beatorum praemio

Iungamur, deprecentur.
2. Sancti, quorum suffragia

In loco clarent isto,
Nostra solvant contagia

Et nos conforment Christo.
3. Patronorum victoria,

Qua cuncta devicerunt,
Nos collocet in gloria,

Quam digne meruerunt.

Responsoria.

1. Caecilia cum Valeriano,

Sponso suo,

fratre cum germano

In angustiis nos recognoscant,

Vitam nobis

aeternam deposcant,
V. Quorum patronatu gratulamur,

Precibus illorum fulciamur.
2. Requiescunt corpora duorum

Hic Arthemii

et Iusti sanctorum,

Qui faciant nos precibus beatis

Suae coheredes claritatis,
V. Ut illorum gloria conspecta

Via caelos adeamus recta.

3. Felices athletae triumphales,
Beati Cantius, Cantianus

et Cantionilla,
Passionum vos sodales
Christus fecit et aequales
Vita beatorum in tranquilla;

V. Patronis gaudemus et his trinis,
Caeli qui nos iungant officinis.

In 3. Nocturno.
Antiphonae.

1. Honor, magnificentia
Christi decet electos,
Cuius beneficentia
Beavit corde rectos.

2. Coruscabant miraculis
Nostri mundo patroni,
Caelorum habitaculis
Heredes summi boni.

3. Christi pares coniudices,
Testes virgines almae,
Facite nos, pontifices,
Vestrae consortes palmae.

Responsoria.

1. Pontifices sanctos veneremur,
Quorum patronatu confovemur,
Omni laude

dignos, Godehardum,
Epiphanium

atque Benmardum,
V. Pares regni tui quos fecisti,
Christe, duc nos,
ubi gaudent isti.

2. Speciosa Petronilla

Gum Honesta, decus virginale,
Suae vobis caritatis
Dedit Christus

signum triumphale,
Nam devictis

hoste, carne, mundo
Vos praemio beavit abundo.
V. Virgines eximiae,

Nos vestrorum
Consortes efficite

Gaudiorum.

3. Laetemur de gloria sanctorum,
Huius aulae patronorum,
Qui votis nostris faveant,

intendant
Et nobis adiutorium
impendant,
V.1 Pacem vivis, gloriam defunctis
Obtineant precibus coniunctis.

In Laudibus.
Antiphonae.

1. Gloriosum praedicamus
Te Deum mirabilem,
In sanctis annuntiamus
Tuis te laudabilem.

2. Caelestis aula iubilat

De tam sanctis patronis,
Quorum vita nunc rutilat
In terris et in thronis.

3. Praeclara testimonia

Nostros decent patronos,
Vera quorum praeconia
Actus testantur bonos.

4. Sanctorum sapientiam
Patronorum narremus,
Horum magnificentiam
In mundo collaudemus.

5. Exsultant in cubilibus

Nunc patroni sanctorum
Nostri cum caeli milibus
Conformes praemiorum.

Ad Benedictus.

A. Deus, universa qui creavit,
Venerandam nobis adunavit
Hanc patronorum celebritatem ;
Christe, nobis illorum largire
Precibus feliciter transire
Ad beatorum societatem.

In 2. Vesperis.

Super Psalmos.

A. Digna laude festa

per haec hodierna
Huius sacrae domus

omnium patronorum
Ad gaudia transferamur

sempiterna,
Nobis suffragantibus

meritis illorum.

Ad Magnificat.

A. Matris almae

Christi, beatorum
Petri Pauli coapostolorum,
Martyrum,

virginum, confessorum,
Patronatum simul veneramur,
Christe, nobis

dona, te precamur,
Ut illorum gloriae iungamur.