43. In Conversione s. Pauli.

In 1. Vesperis.

Ad Magnificat.
A. O gloriosum lumen

omnium ecclesiarium,
O vere apostolicum

sidus altissimum,
Sancte Paule,
Qui aeterni solis
Splendorem tenebris

Gentium infodisti,
Qui in terra positus

Caelorum secreta petisti,
Et, quae non licent homini

Loqui, praevidisti,
Illuc supplices tuos
Post huius carnis terminum

Perducere dignare,

Quos fecisti veritatis
Lumen agnoscere.

Ad Matutinum.

Invitatorium.

Surgite, cantemus

et corde pio vigilemus,
Cum Paulo magno

iungi mereamur ut agno.

In 1. Nocturno.
Antiphonae.

1. Cum esset Paulus parvulus,
Cogitabat ut parvulus,
Peregit puerilia,
Non opera virilia.

2. Dum lapidatur Stephanus,
Saulus adulescentulus
Custodit vestes testium
Martyrem lapidantium.

3. Protomartyr Stephanus
Orat, et eius precibus
Iesus Christus stravit Saulum
Et erexit sanctum Paulum.

Responsoria.

1. Paulus nobilis genere
Civis fuit Ierosolymitanus,
Nimis potens
et sublimis urbanus.

V. ''Dilexit malitiam super benig-
nitatem et iniquitatem magis
quam loqui aequitatem.''

2. Saulus adhuc spirans minarum
Propter caedem christicolarum
A summis petit epistolas
In Damascum ad synagogas ;

V. ''Sedet in insidiis cum divi-
tibus, ut interficiat innocentem.''

3. Cum accepisset potestatem
Et satellitum facultatem,
Quasi leo rugiens,
Capere fideles cupiens
V. ''Iniquitatem meditatus est in
cubili suo; astitit omni viae
non bonae.''

In 2. Nocturno.

Antiphonae.

1. Cum appropinquaret Damasco,
Venit de caelo lux subito
Saulus in magna saevitia
Prostratus est virtute caelica.

2. Comitatus stans tristis nimium
Audit dicentem Dominum:
Saule, Saule,

quid me persequeris?
Durum est tibi

recalcitrare stimulis.

3. Assistentes

vocem audientes,
Sed penitus

neminem videntes
Timore concussi

circumstabant,
Quid facturi essent,

ignorabant.

Responsoria.

1. Respondit Saulus trepide:
Quis es tu, Domine?
Ego sum Iesu,

quem tu persequeris.
O Domine,

dic mihi, quid praecipis?

V. ''Desine ab ira et derelinque
furorem, noli aeumulari, ne
maligneris.''

2. Surge, ait ad illum Dominus,
Visita Damascum citius,
Domum Iudae ingredere
Ibi scies, quid teoporteat facere;

V. ''Declina a malo et fac bonum,
inquire pacem et persequere
eam.''

3. Viatores Saulum acceperunt
Et in domum

Iudae perduxerunt,
Apertis oculis nihil vidit
Et non manducavit neque bibit ;

V. ''Cibavit eum Dominus manna
vitae, qui de petra melle mul-
tos satiavit.''

In 3. Nocturno.
Antiphonae.

1. Ad Ananiam ait Dominus:
Surge et vade quantocius,
In vico recto Saulum quaere,
Ecce, enim orat vere.

2. Timens visitare saevissimum
Ananias ait ad Dominum:
Vir iste quaerit tuos capere
Et in Ierusalem perducere.

3. Hic habet potestatem

alligandi
Et credentes male tractandi,
Ut lupus rapax

quaerit dispergere
Gregem dominicum et occidere.

Responsoria.
1. Vade, ait Dominos,
Et noli tardare amplius,
Quia vas est mihi electionis,
Qui fuit filius perditionis;
Praedicabit nomen
meum Emanuel
Gentibus et regibus
et filiis Israel ;
V. ''Annuntiabit nomen Domini in
Sion et laudem eius in Ieru-
salem.
''2. Ananias dum intravit,
Saulum fratrem appellavit,
Dicens: Iesus

Christus, qui te stravit
Via hac, mihi mandavit,
Ut imponam tibi manus,
Ut per eum fias sanus.
V. ''Accipe benedictionema Domino
et misericordiam a Deo salu-
tari tuo.
''3. Dum imponit illi manus,
Surgit Paulus et fit sanus,
Mox sancti spiritus gratia
Replevit eum, et postea
A propheta baptizatur
Et per cibum confortatur.
V. ''Memoriam fecit mirabilium
suorum misericors et misera-
tor Dominus, escam dedit ti-
mentibus se.''

In Laudibus.
Antiphonae.
1. Post conversionem

in Damasco habitabat
Cum discipulis

et confidenter praedicabat
Christum, natum, incarnatum
Ex Maria virgine,

Crucifixum et damnatum

Pro suorum crimine.
2. Hanc doctrinam audientes
Stupefacti et dicentes:
Nonne vir iste

illum impugnabat,
Qui nomen Christi invocabat ?
3. Saulus nimis convalescebat
Et Iudaeos confundebat,
Cum Graecis et

gentibus disputabat,
Fideles et

credentes confortabat.

4. Synagoga quaerebat capere
Vas electum et interficere,
Sed submissus

per murum a fratribus
Venit Hierosolymam

quantocius.
5. Barnabas discipulus omnibus
Narravit, quod

egisset Dominus ;
Hi iam non timentes crediderunt
Et benigne eum susceperunt.

Ad Benedictus.

A. O oriens ex alto,

nos illumina
Et sedentes in umbra

mortis visita
Et pedes nostros

de valle miseriae
Ad verum montem

cum pace dirige,
Per sancti Pauli

apostoli merita
Da nobis, Iesu Christe,

summa gaudia.

In 2. Vesperis.

Ad Magnificat.

A. In Paulo prophetia est impleta,
Qua praedixit

patriarcha et propheta:
Beniamin erit lupus rapax
Et in praeda nimis capax,

Mane comedet prohibita
Et sero dividet spolia

In sancta ecclesia
Per sacra officia.