8. Sertum beatae Mariae V.

I.

1. Ave, mitis

oliva gratiae,

Lenis mater

misericordiae,

Tu fomentum,

tu sains populi,

Tu lucerna

totius saeculi,

Virgo serena.

2. Ave, parens

unius filii,

Quem non macu-

lavit faex vitii,

Omnis vivens

peccato paruit,

Solus iste

reatu caruit,

mater amoena.

3. Ave, sacri

verbi puerpera,

Nos in eius

virtute libera,

Deum placa

sacro precamine,

Ut nos salvet

in suo nomine,

Virgo sacrata.

4. Ave, virgo,

quae degens caelitus

Elongasti

mundanos strepitus,

Dum tu sanctum

agebas otium,

Tunc supremum

audisti nuntium,

Sponsa beata.

5. Ave, virgo,

per cuius meritum

Dirae mortis

est ius abolitum,

Ut attingam

lumen viventium.

Pedis mei

rege vestigium,

Iustitiae dux.

6. Ave, virgo,

Christo nos praepara,

Qui factus est

in ligno cithara,

Qui tormentis

astrictus siluit,

Donec surgens,

quis esset, claruit,

Laetitiae lux.

7. Ave, cuius

carnis substantia

Tulit illum,

qui cuncta vitia

Diluit et

promisit gaudia

Sequentibus

ipsum recta via,

Blanda precanti.

8. Ave, per quam

suscepi Dominum,

Qui naturam

suscepit hominum,

Cuius lenis

misericordia

Me suscepit

concessa venia,

Dulcis amanti.

9. Aye, per quam

fit Deo subdita

Gens aeterno

tormento dedita,

Per te gentes

salvavit perditas

Calceata

carne divinitas,

Vas deitatis.

10. Ave, cordis

medela saucii,

Precem audi

clamoris anxii,

Nos in petra

Christo corrobora,

Ne peccando

pereant corpora,

Fons pietatis.

II.

11. Ave, per quam

invenit pretium,

Qui redemit

peccata gentium,

Cum Iudaeus

id a se reppulit,

Se redemptor

ad gentes transtulit,

Dura malignis.

12. Ave, Christi

quae sinu recubas,

Quae precando

pro nobis excubas,

Deum cuius

sitivit anima,

Caro tulit

amara plurima,

Blanda benignis.

13. Ave, sacro

dicata flamini,

Quae coniungis

cor altum homini,

Absque matre

de patre proditus

Sine patre

fit de te genitus,

Sancta propago.

14. Ave, mater,

quae plena gaudio

In caelesti

coruscas atrio,

Ante mundum

cuius electio,

Super omnes

cuius assumptio,

Lucis origo.

15. Ave, parens,

per cuius viscera

Mira fecit

creator opera,

Huius mundi

siccavit pelagus,

Ut transiret

peccator naufragus,

Virgo decoris.

16. Ave, terra

dulcis et fertilis,

De qua fructus

prodiit nobilis,

De se terram

et caelos reficit,

Omnes pascit

nec solus deficit,

Fructus honoris.

17. Ave, sponsa,

cuius in thalamum

Distillavit

caeleste balsamum,

Cum ros sanctus

perfudit uterum,

Concepisti

per aurem puerum,

Cellula mellis.

18. Ave, cuius

Christos in gremio

Se velavit

carnis cilicio,

Cui acetum

gustandum miscuit

Iudaeus, qui

semper fel sapuit,

Nescia fellis.

19. Ave, virgo,

roga pro paupere

Christum, qui nos

venit redimere,

Pro me placa

datorem munerum,

Ut dignetur

beare miserum,

Virgo benigna.

20. Ave, per quam

extendit brachium

Pater, ad nos

cum misit tilium,

Illud hostem

contrivit fortiter

Et nos sibi

constrinxit leniter,

Femina digna.

III.

21. Ave, cuius

in vellus floridum

Ros descendit

nec fecit madidum,

Vellus ovis

non laesit tonsio,

Carnem tuam

nulla corruptio,

Virgo pudica.

22. Ave, cuius

tenendo dexteram

Rex levavit

in sedem superam,

Te deduxit

in pompa gaudii,

Te suscepit

in parte solii,

Regis amica.

23. Ave, solis

aurora nuntia,

Veri stella

fulgoris praevia,

Exclusisti

noctem nequitiae,

Produxisti

solem iustitiae,

Ianua solis.

24. Ave, per quam

Christus nos adprobat,

Cum Iudaeos

repellens reprobat,

Nostrum nobis

emolli iudicem,

Ne furoris

effundat calicem,

Filia prolis.

25. Ave, nostrae

tutela patriae

Locus pacis,

palma victoriae,

Per te Deus

cunctis est agnitus,

Solis notus

Iudaeis primitus,

Lucida stella.

26. Ave, mater,

quae paris filium,

Nec apparet

partus vestigium,

Nulla via

patet in aequore,

Nulla tuo

labes in corpore,

Pura puella.

27. Ave, per quam

patris clementia

Misit mundo

caeli cibaria,

Per te pluit

panem angelicum,

Lenem gustu,

fructu mirificum,

Sacra sacrarum.

28. Ave, cuius

pro partu regio

Sunt fideles

dati martyrio,

Templum Dei

pro Dei nomine

Purpuratum

sanctorum sanguine,

Spes animarum.

29. Ave, per quam

summa dilectio

Nos respexit

de caeli solio,

Per te suam

plantavit vineam,

Quae dedisti

nobis aetheream,

Fructificans mons.

30. Ave, petra

mirae dulcedinis.

Mel producens,

pascens cor hominis,

Mel tam dulce

tuus est filius,

Qui tam dulce,

quod nihil dulcius,

Mellificans fons.

IV.

31. Ave, quondam

pauper et humilis,

Cunctis per hoc

exemplum utilis,

Hinc paupertas

et hinc humilitas

Duas monstrant

ad caelum semitas,

Praevia iuris.

32. Ave, per quara

pro certo novimus,

Quod sit homo

Deus altissimus,

Quod ei sit

par nullus Dominus,

Quem locorum

non claudit terminus,

Virgula turis.

33. Ave, grata

latori gratiae,

Bona bonis

addens cotidie,

Quae in Sion

vidisti terrea,

Nunc in Sion

vides aetherea,

Lux tenebrarum.

34. Ave, terra

carens agricola,

De qua prodit

caelestis incola,

De te surgit

exorta veritas,

Exit fructus,

datur benignitas,

Pulchra rosarum.

35. Ave, regis

ancilla libera.

Servitutis

nos iugo libera,

Per te nostrae

parcat miseriae,

Qui se texit

saeculi specie,

Flos sine spina.

36. Ave, de qua

per ora populi

Gloriosi

solvuntur tituli,

De qua natus

est orbis conditor,

Sol de stella,

de nata genitor,

Stella marina.

37. Ave, virgo,

quam servo virgini

Commendavit

dulcedo Domini,

Cum ad crucem

suam accederes,

Natos eius

dispergi cerneres,

Pax odiorum.

38. Ave, virgo

de David germine,

Germen habens,

sed sine semine,

Paris illum,

cui patris unctio

Regnum dedit

cum sacerdotio,

Meta laborum.

39. Ave, per quam

super nos claruit

Ille splendor,

quem pater genuit,

Roga Christum,

ut eius dextera

Plebis tuae

regantur opera,

Consilii ros.

40. Ave, pudor,

quem dena milies

Angelorum

vallavit acies,

Qui timores

nocturnos pellerent,

Hostes tui

a dextris caderent,

Munditiae flos.

V.

41. Ave, palma,

signum victoriae,

Quae vicisti

signa malitiae,

Silvae lignum

cedris excelsior,

Caeli sanctis

tu sola sanctior,

Cedrus odora.

42. Ave, de qua

decorem induit

Rex decorus,

quem nil dedecuit,

Qui te fecit

ex dono gratiae

Speciosam

de sua specie,

Gemma decora.

43. Ave, felix

Dei domestica,

Christi verba

conferens mystica,

Quam de novae

legis mysterio

Erudivit

caelestis unctio,

Regula morum.

44. Ave, cuius

sermo mellifluus

In psallendo

fuit assiduus,

Deum laudans,

non oris sibilo,

Sed affectu

et cordis iubilo,

Forma bonorum.

45. Ave, quae nunc

in laude iubilas,

Coram Deo

prae cunctis rutilas,

Pulchra carne,

sed magis spiritu,

In caelesti

vernas exercitu,

Vera lucerna.

46. Ave, per quam

se mundo reserat

Lux aeterna,

quae lucem fecerat,

Orta iusto

lux noctis nescia

Recto corde

refudit gandia,

Porta superna.

47. Ave, novi

cantatrix cantici,

Canens ortum

caelestis medici,

Lingua Deum

foris magnificat,

Cum se Deus

in te mirificat,

Pacis alumna.

48. Ave, Christi

scabellum nobile.

Manu Dei

factum mirabile,

In qua pedem

maiestas posuit,

Cum se membris

humanis induit,

Summa columna.

49. Ave, portus

per cuius aditum

Portae caeli

patent post obitum,

Confitentes

excusa servulos,

Qui nunc tuos

frequentant titulos,

Caelica clavis.

50. Ave, virgo

carens illecebris,

Dei semper

servata palpebris,

Nunc regina

cum rege resides,

Dona tuis

ministris provides,

Tota suavis.