47. De B. V. Maria.

1. Summi regis mater virgo,
virgo gemma virtutum,

Virgo sancta, virgo prudens,
filia Jerusalem,

Stella maris, porta coeli,
mitis sponsa Domini.

2. Tu decora plus quam luna,

tota ut sol rutilans,
Speciosa ut columba,

Evam lapsam reparans,
Sicut rosa inter spinas,

sic tu inter filias.
3. Omnes chori angelorum

laudes tibi concinunt,
Deum super se cernentes

factum ex te hominem,
Unde proni te salutant

secus thronum gloriae.
4. Nullis ergo sicut tuis

Christus favet precibus,
Nam matrem habet honori

faciens, quod monuit,
Hinc coelorum es regina

Et terrarum domina.

5. Surge teque pone murum

pro peccatis populi,
Ordo, gradus, aetas, sexus

viam vitae deserunt,
Virtus vera procul abest,

sanguis tangit sanguinem.
6. En scelestis fervet Ira,

ultor saevit gladius,
Mundus Iste sceleratus

crebris labat Ictibus,
Tene, tene, mater pia,

ferientis dexteram.
7. Tolle malum, auge bonum,

esto salus omnibus,
Ecclesiam Inter fluctus

totis rege manibus,
Ut mansurae pacis portum

salvis Intret mercibus.
8. Ubi tecum miro modo

omnes sancti jubilant,
Adorantes trinitatem,

unum deum pariter,
Qui trinus et unus exstat

per aeterna saecula.