27. In festo Paschatis.
Infra Nocturnum.

1. Resurrexit leo fortis,
Qui vastavit tartara,
Resurrexit agnus mitis

morte caesus barbara,
Gaudet coelum, gaudet terra
jubilantquc maria.

2. Lumen redit ex abjsso,
lampada de teDebris,

Granum mortuum frumenti
Surgit culmen celeris,

Gaudet coelum, terra, pontus
Fructus culmo foederis.

3. Hic est aries Abrahae,
cui vepres haeserant,

Hic est optimus sacerdos,
Quem non culpae laeserant,

Hic est serpens exaltatus,
Qui serpentes fecerat.

4. Ave nunc, perenne decus,
tali graves pondere
Qui per te salutem nostram

dispensavit condere,
Atque crimen omnis mundi
potuit absolvere.

5. Ave dies benedicta,

Quam creavit Dominus,
Quam nos Ipsam laetabundo

pectore recolimus,
Quam per annum semel omnes
super dies ponimus.

6. Cetus vomuit Ionam
redivivum saeculo,
Per quem Ninive salvata

claro fulget saeculo,
Decantantes in excelsis
corde laudes strenuo.

7. Qui pro filio recepto
vitulus interiit,
Qui pro culpis solis nostris

sicut vermis periit
Et illustris ab inferno
cum triumpho rediit.

8. Nunc aperta via vitae
Cunctis patet gentibus,

Nunc et lacrimae terguntur
Oculis fluentibus,

Nunc lux alma reparatur
tenebrosis mentibus.

9. O Maria, virgo vera,

qualem partum feceras,

Tu ad mortem vulneratum
epithyma dederas,

Tu in reparatione

fracto mundo veneras.

10. Gaude, mater, resurrexit
tuae carnis filius,
Resurrexit de sepulchro

patefactis viribus,
Non est hac nativitate
quidquam mirabilius.
11. Ecce vacuum sepulchrum,
patet sanctuarium,
Ecce linteum ligatum
simul et sudarium,
Ecce saxum revolutum
monstrat omne gaudium.

12. Hinc et inde servant locum
Duo cives superi,
Resurrexit, ajunt, Jesus,

funus factus funeri,
Qui confregit portas mortis
in virtute humeri.

13. Tu, Maria, tuum primum,
tu nunc cerne dominum,
Quem mortaliter offendit

prima mater omnium,
Qui destruxit infernorum

modo triste solium.
14. Vos, discipuli, siccate

lacrymantes oculos,
Victonicii cantate

laetabundos modulos,
Resurrexit ecce Christus,

dicite per populos.
15. Et nos, fratres, decantemus:

Resurrexit Dominus,
Ut in fine resurgentes

vultum ejus cominus
Mereamur contemplari

cum electis omnibus.

16. Gloria sit tibi, Christe,
qui captasti tartara,

Tuos omnes abstraxisti
ad superna gaudia,

Junge nos simul cum illis
in aeterna saecula.