83. In purificatione BMV.
Ad processionem.

1. Lactetur omne sacculum
Tentatis reditum,

Diei penset pretium,
Retractet mysterium.

Templo Deus pro homine
Praesentatur hodie.

2. Magnus ante luciferum
Et mundi principium,

Fit parvus, fit infantulus,
Verus non phantasticus

Ex casta Dei virgine
Factus est mirifice.

3. Dives rex sine tempore
Fit pauper in tempore,

Coeli sedens palatio
Nascitur in stabulo,

Virgo mater et bajula
Nulla ibi altera.

4. Nutritur, qui vivificat,
Crescit, qui magnificat,

Datis obedit legibus
Subditus parentibus,

Deus creator omnium
Jussa complet hominum.

5. Mira haec dispen[sa]tio,
Mira haec dignatio,

Non lucens sed lucibilis
Deus invisibilis

Videtur in praesepio,
Virginis in gremio.

6. Legem servat purissimus,
Ne oblatret impius,
Sicut in lege scribitur,
Infans circumciditur,
Servantur dies provide
Et complentur hodie.

7. Maria, sancta femina,
Virgo Integerrima,

Nullis tacta excessibus
Nihil debet legibus,

Jussa servat legalia
Pro peccatis habita.

8. In templo mater puerum
Laeta ducit plurimum,

Praesentat Deo filium
Ipsum Deum Inclytum,

Columbas atque turtures
Offert Deo supplices.

9. In columba dilectio
Mutua perpetuo,

In turture est castitas
Geminaque sanctitas,

Haec quia virgo meiuit,
Haec offerre debuit.

10. Hunc Simeon ut aspicit
Justus, ulnis accipit,

Dimitte, dicit, Domine.
Me In pace hodie,

Viderunt oculi mei
Salutare Domini.

11. Paratum omni populo

Longinquo et proximo,
Omnium lumen gentium
Gratia et praemium,
Lumen et plebis gloria
Israel non modica.

12. Omnes gentes accedite,
Cernite et credite,

Lumen Inaccessibile,
Lumen Invisibile

Apparet et Illuminat
Et In templo rutilat.

13. Videte omnes populi,

Omnes Christum Domini,
Deum, lumen de lumine

Accurrentes sumite,
Accedite, precamini

Et Illuminamini.
14. Ferte lumen In cordibus

Hoc diebus omnibus,
Luceat corpus actibus,

Ferte lumen manibus,
Candelas manus teneant,

Ut obscura pereant.
15. Hoc lumen cor Illuminet

Et hoc corpus rutilet,
Ut mente atque corpore

Clarefacti optime
Laudetis deum plenius

Vestris In operibus
16. Hoc lumen est altissimus,

Summi patris filius,
Puer Iste tenerrimus

Deus est Interminus,
Dierum antiquissimus

Primus et novissimus.

17. Hoc lumine castissima

Genitrix dignissima
Hoc lumen ventre pertulit,

Hoc Intacta peperit,
Istud ad templum detulit,

Simeon hoc extulit.
18. Quibus te, virgo, laudibus

Efferam In talibus,
Mens nescit, sermo deficit,

Stupor sensum eximit,
Filium habens, Domina,

Non per viri opera.
19. Moti sunt dialectici,

Victi sunt haeretici,
Concubuit sic peperit,

Syllogismus periit,
Mundana sapientia,

Victi sunt a femina.
20. Sion adorna thalamum

Et Intende canticum,
Surge, appare fulgide,

Christum regem suscipe,
Quem virgo mater genuit,

Virgo mater peperit.