10. Corona beatae Mariae V.

Introductio.

1. Pia mater, tecum flere
Mortem Iesu vellem vere,
Sis mihi praesidio.

2. Ne me spernas peccatorem,
Flere namque ad honorem
Tui nati venio.

3. Ploret ignis, fleat terra,
Plangat aether, aqua mera
Grandi cum absinthio.

4. Caelum omne lamentetur
Morte Iesu, nulla detur
Fletui remissio.

5, Ploret omnis res creata
Gum Maria morti data
Iesu culpae nescio.

I.

1. Plange, mater, parvum Iesum
Propter Adae patris esum
Torquet circumcisio.

2. Plange, senex sicut dixit,
Amor tuum cor transfixit
Cum doloris gladio.

3. Plange, Memphim tu fugisti
Cum Iesu, quem peperisti
Sacro diversorio.

4. Plange, Iesum amisisti,
Quem tres dies requisisti
Doloris incendio.

5. Plange, Iesus quarantenam
Fecit magnam hahens poenam
Rigido ieiunio.

6. Plange, Iesus sedit lassus
Supra fontem sitim passus:
Potum, dixit, cupio.

7. Plange, scribae volunt dire
Ab in praeceps Iesum ire
Montis supercilio.

8. Plange, mater, dulcem natam
Ita scribis misso captum
Militum collegio.

9. Plange, scribae Iesum tentant,
An vindictam iuste petant
Moechae de flagitio.

10. Plange, falso scribae quaerunt,
Si Augusto rite ferunt
Censum pro homagio.

11. Pia mater, fac fundatos
Nos in fide et ornatos
Spei dextrochirio.

II.

1. Plange, mater, tuum natum,
Sui servi nam vexatum
Dicunt a daemonio.

2. Plange, verba pharisaei
Iesum notant, ut post ei
Detrahant innoxio.

3. Plange, volunt nam Iudaei
Lapidare natum Dei
In gazophylacio.

4. Plange, Iesus flet amare
Fratrem Marthae trahens clare
Mortis a dominio.

5. Plange, Iesus Ephrem tendens
Ibi suos docet cedens
Iudaeorum odio.

6. Plange, scribae, pharisaei
Mori firmant natum Dei
Caiphae concilio.

7. Plange, mater, tuum natum
Iudas tradit comparatum
Deno ter denario.

8. Plange, videns urbem plangit
Iesus, velox cuius angit
Cor sua destructio.

9. Plange, Iesus comeatum
A te petit, quem prostratum
Tuo stringis brachio.

10. Plange, Iesum manducantem,
Sacram cenam celebrantem
Grandi cum mysterio.

11. Pia mater, te amemus
Onus fratrisque portemus
Nullo cum litigio.

III.

1. Plange, Iesus se prostravit

Et sic pedes suis lavit

Et extersit linteo.

2. Plange, Iesus, postquam sedit,
Se in cibum nobis dedit
Ultimo convivio.

3. Plange, mater, Iudas vadit

Et Iudaeis Iesum tradit

Fraudulento basio.

4. Plange Iesum, post cenatum
Suos caros tunc adfatum
Dulci cum eloquio.

5. Plange Iesu duram sortem,
Tristis usque est ad mortem
Zelo nostri nimio.

6. Plange, mater, tuus natus
Suos caros osculatus
Se dat mortis praelio.

7. Plange, Iesus ter oravit,
Cuius vultum deturpavit
Sanguis leti taedio.

8. Plange, Iesus genitori
Se pro nobis offert mori
Velle viridario.

9. Plange, Iesus: nos eamus,
Eia, dixit, occurramus
Iudae desiderio.

10. Plange, Iesus humi stratur,
A Iudaeisque ligatur
Criminum solutio.

11. Pia mater, gloriari
Nos in cruce et laetari
Fac tui suffragio.

IV.

1. Plange, fugam petunt metu

Cari Iesu, quem in coetu

Derelinquunt impio.

2. Plange Iesum reis datum,
Anna coram dire tractum
Sine patrocinio.

3. Plange, mater, maxillatam
Coram Anna dire datam
Iesu, puro lilio.

4. Plange, Iesum pharisaei
Dire trahunt ac Iudaei
Caiphae tam noxio.

5. Plange, clamant mortis reum
Tuum natum, verum Deum,
Caiphae triclinio.

6. Plange, Iesum palmis caedunt,
Tuitum spuunt, vilem reddunt
Multo vituperio.

7. Plange, Iesu barbam vellunt"

Collo laedunt ae impellunt

Cum maligno studio.

8. Plange, velant Iesu vultum:
Prophetiza, clamant multum,
Quis te laesit serio?

9. Plange, rei per capillos
Iesum trahunt et sic illos
Vellunt cum opprobrio.

10. Plange, Petrus denegavit
Nosse Iesum et firmavit
Istud ter periurio.

11. Pia mater, Iesum ora,
Nobis detur mortis hora
Summi patris visio.

V.

1. Plange Iesum tam amare
Ad Pilatum properare
Caiphae palatio.

2. Plange, Iesus criminatur

Et a scribis incusatur

Vario mendacio.

3. Plange, mater, tuum natum
Ad Herodem demandatum
A Pilato Pontio.

4. Plange stultum reputatum

Ab Herode tuum natum

Stantem in silentio.

5. Plange Iesum patientem,
Ad Pilatum revertentem
Albo tectum pallio.

6. Plange, Iesus moriatur
Pro latrone, conclamatur
Principum imperio.

7. Plange Iesum adligatum
Ad columnam, flagellatum
Praesidis praetorio.

8. Plange, Iesus coronatur

Spinis, veste purpuratur

Grandi cum ludibrio.

9. Plange, sanguis tui nati
Fluit quaque flagellati
In praetoris atrio.

10. Plange, Iesus speciosus
Nunc est factus ut leprosus
Et plebis abiectio.

11. Pia mater, ut serpentes
Simus semper nos prudentes
Zelo Dei praevio.

VI.

1. Plange, Iesu in derisum
Genu flectunt, cuius visum
Spuunt vilipendit).

2. Plange, caput Iesu laedit
Sic arundo, quod procedit
Sanguinis effusio.

3. Plange, Iesum trahit chamo
Foras praeses, ''Ecce homo
''Dicens diro labio.

4. Plange Iesum extra tractum,
Crucifige condemnatum
Voce magna tertio,

5, Plange, quia tuus natus
Morti datur, nt Pilatus
Protulit in solio.

6. Plange, dorso crucem regit
Et ad mortem Iesus pergit
In monte Calvario.

7. Plange, Iesus vetat flere
Suam mortem, sed maerere
Malo iubet proprio.

8. Plange, paene defecisti,
Ferre crucem cum vidisti
Iesum vultu anxio.

9. Plange, mater, crux paratur,
In qua Iesu tribuatur
Mors, nostra redemptio.

10. Plange, clavi sunt parati,

Quihus corpus tui nati

Laedet crucifixio.

11. Pia mater, temperati
In secundis, non elati
Simus hoc exsilio.

VII.

1. Plange, Iesus Nazarenus
Iudaeorum rex, sic plenus
Praeses scripsit vitio.

2. Plange, Iesus bis nudatur
Et sic plebi demonstratur
Satanae confusio.

3. Plange, clavis perforantur
Manus Iesu, cui dantur
Verbera cum iurgio.

4. Plange, pedes Iesu pungunt
Clavo duro, quos coniungunt
Crucis aedificio.

5. Plange, mater, elevatum
Cruce natum, deturpatam
Sanguinis profluvio.

6. Plange, Iesus: parce, dixit,

Pater, omni, qui me fixit

Crucis in supplicio.

7. Plange, mater, crux et terra
Iesu madent in revera
Sanguinis defluvio.

8. Plange, Iesu dantes mortem
Super vestem mittunt sortem
Milites cum gaudio.

9. Plange, Iesus blasphematur

Et a cunctis subsannatur

Crucis in subsellio.

10. Plange, Iesu crucem stringens
Eiulasti, vultum tingens
Sacro stillicidio.

11. Pia mater, fortes stemus
In adversis et levemus
Cor a mundi somnio.

VIII.

1. Plange, Iesus: paradiso
Mecum eris, dixit viso
Crucifixo socio.

2. Plange, mater, cruce dira
Torquet Iesum valde mira
Cordis tui pressio.

3. Plange, Iesus multum plorat,
Nam ingratos reos norat
Crucis beneficio.

4. Plange, Iesum ob honorem,
Quo peccator genitorem
Privat, torquet passio.

5. Plange, deflet tuus natus
Dandos reis cruciatus
Daemonis hospitio.

6. Plange, Iesus contristatur
Cernens, reus quod privatur
Caeli domicilio.

7. Plange, Iesus luget visa
A se membra tot praecisa
Culpae sacrilegio.

8. Plange poenas graves nati,

Quibus sponte cupit pati

Adae pro naufragio.

9. Plange, Iesus cruce dura
Sentit poenas, quas passura
Est iustorum unio.

10. Plange, Iesus morte dolet,
Quae in omnes tantum pollet
Adae maleficio.

11. Pia mater, iusti rei
Nos fiamus et in Dei
Humiles servitio.

IX.

1. Plange Iesum nostra flentem
Caecitate, patientem
Cruciatu vario.

2. Plange, mentem Iesu mordet
Quae imago Dei sordet.
Criminum commercio.

3. Plange, natum Zebedaei
Recepisti loco Dei
Pro tui solacio.

4. Plange, plange, pia mater,

Morte Iesu solem pater

Privat lucis radio.

5. Plange Iesum cruce stantem,
In dolore sic clamantem
Voce pia: Sitio.

6. Plange Iesum lacrimantem,

Cum aceto fel potantem

Mortis in confinio.

7. Plange natum querulantem,
Heli cruce geminantem
Vitae pro subsidio.

8. Plange, mater, Iesum flentem,
Consummatum est dicentem
Crucis in martyrio.

9. Plange, stans in cruce caesus
Se pro nobis offert Iesus
Patri sacrificio.

10. Plange, Iesus cum portavit
Culpam nostram commendavit
Spiritum principio.

11. Pia mater, agnoscamus
Nosmet ipsos et canamus
Iesu cum psalterio.

X.

1. Plange, mater, plange natum
Dura cruce consummatum
Mortis exterminio.

2. Plange, morte Iesu visum
Fuit velum templi scissum,
Ut vidit centurio.

3. Plange, terra tremit dolens,
Quando Iesus spirat volens
Crucis in suspendio.

4. Plange, tui morte nati
Petrae scissae sunt, quem pati
Luget caeli contio.

5 Plange, mater, dulcem natum,
A Longino lanceatum
Cordis sui medio.

6. Plange manus, pedes, latus,
Cunctos nati cruciatus,
Quem tenes in gremio.

7. Plange, quia sepelisti
Dulcem natum, quem lavisti
Lacrimarum fluvio.

8. Plange, facis tu lamentum
Iesu linquens monumentum
Debili vestigio.

9. Plange, domum tu revertens,
Saepe tumbae vultum vertens
Genuflectis filio.

10. Plange, cernens revertentes
Morte Iesu missos flentes
Et suo diffugio.

11. Pia mater, peccatorum
Contra Deum commissorum
Purget nos contritio.

Conclusio.

1. Pia mater, nunc oblato 3. Sponte dico, quod erravi

A me gaude corde lato Et in Iesum, heu, peccavi

Vili hoc exennio. Ausu temerario.

2. Cupit meum cor amare 4. Quia tamen tibi Iesus

Et te semper collaudare Me commisit cruce laesus

Spiritus tripudio. Sine refrigerio,

5. Semper curam gere mei,
Peccatoris atque rei,
Empti magno pretio.