12. De s. Maria Magdalena.

1.

l. Ave, pia Magdalena,
Spes salutis, vitae vena,

Orta stirpe regia,
Lumen orbis ordinaris,
Dono Dei illustraris

Mali linquens devia.

2. Ave, domum es ingressa,
Vota cordis mox confessa

Iesu iuncta pedibus,
Ipsos pie nam unxisti
Crine tuo et tersisti

Osculando fletibus.

3. Ave, quam fons bonitatis
Sic format vas puritatis

Sui roris gratia,
Te salvatam confirmavit,
Fidem tuam remuneravit

Pacis donans insignia.

4. Ave, nimis felix nata,
Contritio tua grata

Divinae clementiae,
Tu sigillum pietatis,
Speculum humilitatis,

Norma paenitentiae.

5. Ave, conversis lucerna,
Tibi fulsit lux superna

Tribuens incendia;
Spes reorum es, Maria,
Cor contritum affer, pia,

Da maestis solacia.

6. Ave, Iesu praedicanti,
Regna caeli nuntianti

Adhaesisti iugiter,
Eius matri sociata,
Cuius vitam imitata

Coluisti suaviter.

7. Ave, Iesum fatigatum
Et labore anxiatum

Recipis hospitio,
Ipsum benigne tractasti,
Mentis pausam praeparasti

Summi patris filio.

8. Ave, ad pedes sedendo,
Verba Dei audiendo

Epularis intime,
De otio accusata,
Per magistrum defensata
Gloriaris optime.

9. Ave, partis tunc secura,
Qua fruitur in futura

Vita summi spiritus,
In praesenti miseria
Tanta abundas gratia
Concessa divinitus.

10. Ave, discipulis Christi
Quae coniungi meruisti

Talis consors meriti,
Tibi oculi fuerunt,
Qui in carne conspexerunt

Salvatorem saeculi.

11. Ave, unum elegisti,

Huic vacans praetendisti
Contemptum caducibus,
Corda nostra inflammare
Et in bono confortare
Tuis dona precibus.

12. Ave, fratre dum turbaris,
A dilecto visitaris

Amoris ex munere,
Ad pedes mox procidebas,
Hic movetur, quando fiebas

Lazari pro funere.

13. Ave, lacrimas fundebat,
Qui te multum diligebat,

Turbatur in spiritu,
Fratrem tumulo vocavit
Et palam laetificavit

Gratiae intuitu.

14. Ave, tempore palmarum
Exsul venit rex turbarum

Ad tuum hospitium,
Refugium tuae spei
Loquendo de regno Dei

Tibi dat solacium.

15. Ave, cenam praeparasti,

In amore tunc flagrasti,

Martha servit dulcius,

Unguentum pie fudisti

Super capnt Iesu Christi

Honorando largius.

21. Ave, quae tunc aculeo
Cruciabaris intimo

Dilecti gravamine,
Flere tibi prohibuit,
Qui te nunquam deseruit

Paterno salvamine.

22. Ave, cruci astitisti,
Crucifixum aspexisti

Patiens mentaliter,
Sauciaris clamoribus,
Cruentaris vulneribus

Confessa totaliter.

II.

16. Ave, opus hoc laudavit
Narrandumque praedicavit

In tui memoriam,
Facta tua summe grata,
Nobis miseris placata,

Fer carnis victoriam.

17. Ave, Christum captivatum,
Nocte durius ligatum

Audisti crudeliter,
Ipso probra patienti
Dolore cordis ingenti

Turbaris fideliter.

18. Ave, mane praesentatum
Pilato et iudicatum

Ad clamorem populi
Dolebas male tractari,
Ad columnam flagellari,

Tui flebant oculi,

19. Ave, spinis coronatum,
Vultum sputis maculatum

Et plenum livoribus
Tu planxisti mente pia,
Ora Christi, o Maria,

Salvari vulneribus.

20. Ave, crucem baiulanti
Postcedis fide constanti

Ad locum Calvariae,
Sequeris nimium tristata
Cum Virgine desolata

Particeps iniuriae.

III.

23. Ave, mori cupiebas,

Matrem tristem cum videbas

Crucifigi gladio,
Transfixam nimis amare
Te vis totam conformare

Virgini cum filio.

24. Ave, mater gloriosa,
Morte Christi pretiosa

Probaris certissime,
Crucifixi amatores
Fac nos esse et cultores

Mortis sacratissimae.

25. Ave, Iesum deponenti
Ioseph et sepelienti

Aderas maestissima,
Ad monumentum sedebas,
Consilia non timebas
Impiorum pessima.

26. Ave, dilectum quaesisti,
Quem ungere voluisti

Caritatis studio,
Angeli apparuerunt,
Eum vivere dixerunt,

Langues desiderio.

27. Ave, ardens in amore
Praestolaris cum fervore

Dilecti praesentia,
Quem dum vides vivum stantem,
Te Mariam nominantem,

Percepisti gratiam.

28. Ave, primo digna frui
Visu redemptoris tui

Surgentis in gloria,
Testis verax resurgentis,
Caelum terramque regentis

Sollenni victoria.

29. Ave, vitae praedicatrix,
Sis pro nobis exoratrix

Nobilis apostola,
Laus et decus mulierum,
Te ditavit numen verum

Nos in fide robora.

30. Ave, praesens adfuisti,
Magno gaudio vidisti

Adesse regem gloriae,
Cum dignis tunc benedicta,
A Deo nunquam derelicta

In valle miseriae.

IV.

31. Ave, pie conversata,
Apostolis aggregata

Manens in cenaculo,
Sine taedio orabas
Et donum Dei affectabas

Mundo receptaculo.

32. Ave, plene perlustrata,
Igne sancto consummata

Deitatis numine,
Almum pneuma visitavit,
Sic te sponsus honoravit
Gratiarum lumine.

33. Ave, tota flamigera

Exstes, morum fructifera

Magnis cum virtutibus,
Transitoria sprevisti,
Nam pauperibus dedisti

Praedia cum opibus.

34. Ave, matrona nobilis,
Ad te clamat grex fragilis,

Audi nos, propitia,
Ut a culpa emundemur,
Ne post mortem perturbemur

Arverni tristitia.

35. Ave, probra pertulisti,

Dum proclamas fidem Christi

Eiecta molestiis,
Tuo sacro collegio
A maris naufragio

Demersa miseriis.

36. Ave, caelitus protecta
Marsiliam es eiecta

In salutem gentium,
Verba vitae praedicando,
Mentes vanas illustrando

Idola colentium.

37. Ave, natum impetrasti,
Quem et terrae consignasti

Matri dans obsequia,
Hanc a morte suscitando,
Pignus datum educando
Facis mirabilia.

38. Ave, dulcis o Maria,
Da levamen hac in via

Complens desideria,
Protege te diligentes,
Consolare nos gementes

In praesenti miseria.

39. Ave, nimium succensa
Dona praeoptas immensa

Degustare suaviter,
Ex hoc eremum petisti,
Turbas hominum sprevisti

Contemplando iugiter.

40. Ave, quae septenis horis
Es ab antro ducta foris
Angelorum obsequio,
Concentus audis caelicos,
Vultus cernis angelicos,
Pasceris solacio.

V.

41. Ave, triceno tempore
Manes sic in nemore

Ignota hominibus,
Sacerdoti apparuit,
Qualis sit, innotuit

Secretis caelestibus.

42. Ave, mire es transvecta
Cbristi corpore refecta
Sanguinisque poculo,
Fundis lacrimas fervoris
Ignita dono amoris,
Recensura saeculo.

43. Ave, dulciter prostrata,
Vita prae vi consummata

Spiritus egreditur,
Caeli scandens vestigia
Vocaris ad convivia,

Nova lux suboritur.

44. Ave, mater pietatis,
In abyssum claritatis

Absorpta feliciter,
Ubi digne gloriaris,
Deum trinum contemplaris

Secura perenniter.

45. Ave, sponso praesentata,
Eius matri copulata

Amoris amplexibus,
Collega apostolorum,
Chorum possides victorum

Praelucens virginibus.

46. Ave, meritis ditata,
Parte optima beata

In caeli palatio,
Tot ferens privilegia
Tantae legis insignia

Frueris cum gaudio.

47. Ave, potens advenisti,
Marthae lumen protulisti,

Hostis fugans tenebras,
Novum sidus obcaecatis,
Monstra viam desperatis

Mentis purga latebras.

48. Ave, mitis Magdalena,
Gratia caelesti plena,

Signis fulges sedulis,
Per te capti liberati,
Mortui sunt suscitati,

Caeci vident oculis.

49. Ave, praebens auxilia
Te petenti, naufragia

Nec patitur aequoris,
Sub altare ponit scripta
Reus gemens ob delicta,

Gaudet liber sceleris.

50. Ave, clemens peccatori
Stephano, festi cultori,
Impetrasti gratiam,
Ipsum pie convertisti,
Hora mortis astitisti
Sursum tollens animam.

Conclusio.

51. Ergo, dulcis Magdalena,
Confer pacem, cor serena

Tuorum fidelium,
Auge veram caritatem,
Propter tuam pietatem

Pelle omne noxium.

52. In extremis nos defende.
Quod sis clemens, tunc ostende,

Fac cibari ferculo
Panis vivi, ne tegamur
Morte saeva, sed fruamur

Tecum dulci poculo.

53. Hanc coronam meritorum

Referenti delictorum

Posce pie veniam,

Cum de mundo sit exire,

Da, ut possit invenire

Paradisi gloriam.