54. De Immaculata conceptione BMV.
In 1. Vesperis.

1. Gaude, mater salvatoris,
Magni vellus Gedeonis,
Rubus, Igne, qui non uris,
Veri templum Salomonis.

2. Sponsa Dei, stella maris,
Porta coeli tu vocaris,
Mundi salus, saevientis
Caput caedens Holofernis.

3. Mare sicco calle transis
Currus mergens Pharaonis
Inque Sion dominaris
Pulsis Inde Jebusaeis.

4. Assueri regis sceptrum
Caput tangens VIrgo tuum
Mori fecit laqueatam
Aman, sanctis Inimicum.

5. Babylonis rex In praedam
Non abduxit te captivam,
Philistaei nec Goliae
Es transfixa pugione.

6. Sicut suum sol nitorem
Nunquam perdit nec decorem,
Primi patris nec tu labem
Nullam sentis nec foetorem.

7. Tu sol occasum nesciens
Et lumen semper rutilans,
Tu sidus lucem pariens,
Delicti nubes profugans.

8. Nullus In te confidentes
Unquam vidit Infelices,
Vere tibi nam devotus
Est necesse, sit beatus.

9. Ad te ergo nos clamantes
In hac valle lacrimantes
Ad nuptias aeternales
Fac venire triumphantes.