57. In Assumptione Beatae M. V.

Ad Processionem.

R. Salve, festa dies, toto venerabilis aevo,

Qua petis aethereum, virgo Maria, thronum.

1. Iam sine fine manes cum nato glorificata,
Corpore cum vero mater ades puero.

2. Sponsa creatoris, caelorum mater et orbis,
Nostris . . . . victus opemque ferens.

3. Tu superum turmis hodie stipata levaris

Et super angelicos scandis, amoena, choros.

4. Te, pia, rex regum, virgo, benedixit in aevum,
Te facit a dextris, virgo, sedere suis.

5. Kespleudet, rutilo micat ex auro tua vestis,
Pluribus in festis tantus es in populo.

6. O fons hortorum, redolens veluti rosa, , ,
. . . ............chorum.

7. Mater, amica Dei, lux splendens progeniei,
Tu nos, fons olei, fac super astra vehi.

8. Vox tua dulcisona, caput ornat mira corona,
Nobis patrona sis pia, virgo bona.

9. Nam . . , de te scribitur in capite libri,
Te speculum vitae digne laudant populi.

10. Tu caelos hodie penetrasti, primula veris;
Es quia fons veris, arce poenas miseris.

11. O lux solaris, o semper laus popularis,
Virgo salutaris, nos fove, stella maris.

12. Nunc proli iuncta sponsoque tuo sociata,

Stella primas cuncta perpete pace data.

13. Sancta Dei genetrix, imperatrix, spes miserorum,
Morte recorderis, virgo, tui memorum.

14. Quo tecum digni captent tua gaudia regni

Pro famulis proprium posce, Maria, Deum.