58. De conceptione BMV.

1. O parens virgo pariens parentem,
Splendor aestivus sine carnis aestu,
Dumus Incensus, sine rore virga
Florida, salve.
2. Germinat radix, humus Irrigatur,
Plauta pubescit, rosa purpurato,
Hortus alludit, violae resultant,
Incola plaude.

3. Lucis es latrix, medicina morbi,
Sordium lotrix, lavacrum reorum,
Gratiae mater, genitura pacis,
Surgit oliva.

4. Virgo lactatrix, genitrix pudica,

Laeta spes, vernans via, sol obumbrans,
Umbra perlucens, Inarata tellus
Perdita reddit.

5. Erigas lapsos, tenebras serena,
Planta deserta fragilesque firma,
Pauperes dita, moderare motum,
Pectora munda,

6. Vasculum fusum Joachim decoram,
Nectar Includens, satiem verorum
Manna de coelo, medicum reorum,
Cuncta regentem.

7. Summe rex clemens, tribuas colenti
Festa conceptae genitricis almae,
Posco, coelestem patriam videre
Te duce Christe.