58. De sancta Regenflede.

In 1. Vesperis.

Antiphonae.

1. Gratuletur ecclesia,
Dum Regenfledis inclita
Post fiuxae vitae tristia
Sandit ad caeli gaudia.

2. Nobili stirpe genita,
Sed virtutibus praedita,
Mundi contempsit gloriam
Adepta Christi gratiam.

3. Igne flagrabat fidei,
Amore succensa Dei
Signis effulsit variis
Et in miris prodigiis.

4. Haec casta Christi famula
Inventa sine macula
Deum amavit sedula,
Cum quo regnat per saecula.

5. Stola induta gloriae
Scandit Regenfledis hodie
Caelestis regni solium
Intratque sponsi thalamum.

Ad Magnificat.

A. Regenfledis Deo grata,
Ex regali stirpe nata,
Adflictorum advocata
Et adiutrix, sis rogata,
Ut defectus et peccata
Per te nobis sint ablata.

Ad Matutinum.

Invitatorium.

Adoretur virginum rex
In saeculorum saecula,

Virgini qui Regenfledi
Contulit caelestia.

In I. Nocturno.

Antiphonae.

1. Dies iste celebretur,
In qua pie recensetur
Regenfledis sollemnitas,
Ut laudetur trinitas.

2. O quam felix et praeclara,
Nobis grata, Deo cara
Est haec lux diei
In laudem sponsae Dei.

3. Ortu, fide, sanctitate,
Sensu, verbo, dignitate
Virgo clara exstitit,
Hosti semper restitit.

Responsoria.

1. Gratulemur ad festivum,
Iucundemur ad votivum
Regenfledis meritum,

Sic versetur laus in ore,
Ne fraudetur cor sapore,
Quo degustet gaudium;
V. Et tu, virgo, pia, bona,
Exemplar nos et patrona
Commenda per saecula.
2. Ex regali stirpe nata,
Fide Christi desponsata

Ipso regi gloriae,
Tutam viam insectatur,
Inane saeculi propulsatur
A diebus infantiae,
V. Nam ut puer adolevit,
Mox virtutum donis crevit,
Caelos amans ima sprevit.
3. Quamvis tecta carnis velo,
Mens intenta tamen caelo,
Ardens toto Dei zelo
Instat precibus, ieiuniis
Elemosynis, vigiliis ;
V. Haec talentum sibi datum
Deo reddit duplicatum,
Ab aeterno praeparatum
Sibi scandit solium.

In 2. Nocturno.
Antiphonae.

1. De supernis illustrata,
Verbo vitae satiata,
Crucis Christi tulit grata
Libens testimonia.

2. In labore multiplici
Sponsi Christi Domini
Vitam sequens humiliter
Carnem adfligens iugiter.

3. Per diem multis vicibus
Elexis orabat genibus
Nec minus noctis tempore
Toto prostrata corpore.

Responsoria.
1. Haec ad instar Salomonis
Struit templum, ditat donis,
Ornat gemmis et coronis
Cruces et altaria
Plaudente tota patria.

V. Per hanc religio exaltatur,
Fides Christi dilatatur,
Meus fidelium consolatur.

2. Curam gerens sui gregis
Praesul bona, auctrix legis,
Prudenter aedificavit,
Domum Dei ampliavit
Verbo, vita, moribus;

V. Non est domus ruitura
Hac subnixa praelatura,
Gloriemur in hac domo,
Qua beate vivit homo.

3. Vasis oleum includens
Virgo sapiens et prudens
Sponso pergit obviam,
Ut adventus eius hora
Praeparata sine mora
Intret ad convivia ;
V. Vas electum, vas virtutum
Reputavit sicut lutum
Bona transitoria.

In 3. Nocturno.
Antiphonae.

1. Instante vitae termino
Petit regna caelestia
Et revelante Domino
Novit parata praemia.

2. Regenfledis caelo redditur,
Sanctarum coetui iungitur
Et virginum consortio
Adhaeret summo gaudio.

3. Funeris manet integritas,
Odoris viget suavitas,
In signis et prodigiis
Virtus monstratur virginis.

Responsoria.

1. Flore vernans virginali
Tua prece speciali
Nos indignos generali
Commenda Christo iudici,

V. Regenfledis gloriosa,
Casta, mitis et formosa,
Cuius mors est pretiosa
In conspectu Domini.

2. Te rogamus voto pari,
Laude digna singulari,
Ut errantes in hoc mari
Portu donet salutari
Tua, qua polles, gratia,
V. Ut possimus servi tui
Tecum sancta luce frui
In caelesti patria.

In Laudibus.

Antiphonae.

1. Regenfledis sollemnia
Assunt nunc celebria,
Quae magna cum laetitia
Recolit ecclesia.

2. Laeti corde et animo
Iubilemus altissimo,
Qui te, virgo, miraculis
Glorificat in populis.

3. En, signa et prodigia
Monstrantur in confinia,
Sunt aegris multiplicia
Membra sanctae remedia.

4. O mira Christi gratia,
Per quam virgo eximia
Fit aegrorum medica,
Miserorum amica.

5. Adplaudamus in organis,
In cymbalis et tympanis
Pro sponsae suae victoria
Sit laus Deo per omnia.

Ad Benedictus.

A. Omni laude virgo digna,
Prece Christo nos consigna,
Ne nos draco Stygis laedat,
Sed pro nobis intercedat
Tua parta gloria,
Ut vivamus in patria.

In 2. Vesperis.
Ad Magnificat.

A. Haec est dies praeoptata,
Dies felix, dies grata,

Qua Regenfledis caelum scandit
Atque nobis viam pandit;
Nos hanc diem veneremur,
Triumphantem admiremur
Christum in hac virgine,
Quae fortis in certamine.