61. De sanctis Reliquiis.

In 1. Vesperis.
Antiphonae.
1. Laudate Deum, pueri,
In hoc festo tam celebri
Quo coluntur innumerae
Aarhusiensis ecclesiae
Gloriosae reliquiae.

2. Laudent Deum omnes gentes
Sanctos eius reverentes,
Qui mundi pompam spreverunt
Et pro nihilo duxerunt.
3. Laudes, quamdiu fuero,
Dicam sanctorum numero,
Qui efflantes spiritus

Caelo reddiderunt
Et nobis humanitus

Ossa reliquerunt.
4. Deo sit iubilatio
Decoraque laudatio,
Qui dispersos congregavit
Sanctos et hic collocavit.
5. Lauda totis nisibus,

Lauda, Sion, Deum,
Nos quoque pro viribus

Collaudcmus eum,
Quibus specialiter

Sunt dati tot patroni,
Nec est actum taliter

Omni nationi.

Ad Magnificat.
A. Magnificemus Dominum,
Creatorem omnium,
Ob sanctorum patrocinium
Hic requiescentium,
Sperantes per merita
Ipsorum ad gaudia
Pertingere pollicita
Abrahao et semini
Eius in saecula.

Ad Matutinum.
Invitatorium.
V enite, adoremus
regem saeculorum,

Ob eam, quam habemus,
praesentiam sanctorum.

In 1. Nocturno.
Antiphonae.

1. Gloria tibi, trinitas,
Et indivisa unitas,
Cuius admirabile
Nomen et laudabile.

2. In sole suum posuit
Christus tabernaculum,
Sacrum flamen adfuit
Umbrans habitaculum.

3. Throni, dominationes,
Virtutes angelicae,
Deo ministrantes,
Deum benedicite.

Responsoria.

1. Gratias tibi, Deus, gratias
Tibi, vera una trinitas,
Una et summa deitas,
Sancta et una unitas,

V. ''Spes nostra, salts nostra,
honor noster, o beata trinitas.''

2. O regina mundi
Scala caeli,
Ianua paradisi,
Placet tua praesentia
Nobis iudicem,
Quae singulari puerperio
Genuisti salvatorem,

V. Venerandum tuum verum et

'' unicum filium.
''3. Deus omnipotens
Nobis perpetuum
Suae miserationis
Praestet subsidium,
Quibus donet angelica
Nunquam deesse suffragia.

V. ''O quantus honor, quod ad
nos singulos sicvt ad amicos
angelos suos ministros desti-
navit Deus.''

In 2. Nocturno.

Antiphonae.

1. Magna est eius gloria
In Christo salutari,
Cuius idem opera
Tulit baptizari.

2. Dedisti hereditatem

Nomen tuum timentibus
Et tuam veritatem
Mundo praedicantibus.

3. Haec est generatio

Quaerentium te, Domine,
Qui consumpti martyrio
Sunt pro tuo nomine.

Responsoria.

1. Hic est praeco salvatoris
Et praecursor redemptoris,
Quo natus ex femina

Maior non surrexit,
Viam paenitentiae
Praedicans detexit.
V. F''uit homo missus a Deo, cui
nomen erat Iohannes.''

2. Rege, rex caelorum,
Populum praesentem
Et apostolorum

Alis innitentem,
Sua Iesu bone
Serva defensione.
V. ''Adiuvent nos apostolorum
merita, quorum hic sacra
gaudemus habere patrociia.''

3. Martyrum constantia
Invincibilis,

O caritas inaestimabilis,
Per quam caelo sublimantur
Et cum Christo coronantur;
V. ''Da notis, Domine, ut quorum
hic corporapio amore complec-
timur, eorum precibus apud
tuam clementiam adiuvemur.''

In 3. Nocturno.

Antiphonae.

1. Ecce, oculi Domini
Super se timentes
Et eiusdem nomini
Laudes concinentes,
2. Adducentur agmina
Regi candidata
Virginum praefulgida
In veste deaurata.
3. Custodit ossa Dominus
Sanctorum, quos tuetur,
Quorum unum penitus
Non comminuetur.

Re sponsoria.

1. Sancti confessores

Et electi Dei,
Quorum vita, mores

Placuerunt ei,
Mundum illustrantes

Verbo et exemplo,
Servos se laudantes

Servent in hoc templo;
V. Carnem domabant,
Virtutibus coruscabant,
Praesentia contemnebant,
Aeternam vitam voce
Et moribus praedicabant.
2. Fulget haec ecclesia

Sanctarum virginum praesentia
Quae Christo sponso tota

mente adhaeserunt
Et omnia mundana
Delectamenta

pro eius nomine spreverunt.

V. Regnum mundi et omnem

ornatum sacculi contempserunt

propter amorem Domini sui, Iesu Christi.

3. O vere beatissima
Aarhusiensis ecclesia,
Quam honor sanctae
Trinitatis illustrat,

Gloriosae virginis Mariae
Interventus illuminat,
Caelestium virtutum
Custodia roborat,
Prophetarum
Numerus ampliat,
Victoriosorum
Apostolorum et martyrum
Sanguis exornat,
Quam et inviolatae
Confessionis vita,
Pura et candida
Induit virginitas.
V. Floribus sanctae
Matris ecclesiae
Nec rosae desunt nec lilia.

In Laudibus.
Antiplionae.

1. Domum Dei merito
Decet sanctitudo,
Cuius cubat gremio
Sanctorum multitudo.

2. Christo laudes atria
Sua confitentur,
Sanctorum ubi corpora
Digne continentur.
3. Adhaeserunt Domino
Saeculo contempto,
Qui quiescunt sedulo
Sub hoc velamento.

4. Sancti quidem spiritus
Et animae sanctorum
Benedicunt iugiter
Regem saeculorum.

5. Exultabunt sancti
In suis cubilibus,
Iuges laudes Dei

Quorum sunt in faucibus.

Ad Benedictus.

A. In sanctitate Domino

Deo servientes
Et horum suffragiis

Sanctorum innitentes,
Exoremus iugiter
Eos et humiliter,
Ut a terrenis erigant
Affectibus et dirigant

Nos in viam pacis.

In 2. Vesperis.

Ad Magnificat.

A. Omnes exsultemus

In Deo salutari,
Qui tot hic habemus

Sanctos in altari,
Sperantes tueri

Per horum suffragia,
Quorum hic haberi

Constat patrocinia.