MEDIOLANEN. 67

Cambiago, procedere Curia posset ad eius paroeciae provi- sionem.

At Longhi, statim ac rescivit quae gerebantur, scripsit, patronum suum apud Romanam Curiam male interpretatum fuisse suam voluntatem, se autem in appellatione ab universa sententia persistere, et restitutionem in paroeciam flagitare.

Omnibus itaque perpensis, quae a Longhi patrono allata fuerunt, et examini subditis litteris quae in sui iustifica- tionem ipse protulit, die 4 Maii 1888 S. C. C. rescribere censuit. « Cum ex deductis non satis constet de voluntate » parochi coarctandi actum appellationis, et implicite acquie- > scendi sententiae in ea parte quae respicit privationem » beneficii, non esse locum petitae pro visioni (paroeciae), » idque notificetur Archiepiscopo. » Et insuper decretum latum fuit ut causa poneretur in folio.

Disceptatio Synoptica

Q U A E C U R I A E A R C H I E P I S C O P A L I F A V E R E V I D E N T U R . Quin- quaginta testes excussi sunt, quorum duodecim in Mediola- nensi curia, reliqui in ipsa paroecia Cambiagi coram iudice subdelegato, vicario foraneo Gorgonzolae Pietro Biraghi. Inter testes numerantur sacerdotes coadiutores in cura pa- storali paroeciae Cambiagi, plures parochi limitrophi, syn- dicus, aliique plures censu aut officio illustres loci cives, pluresque demum agricolae rudesque viri.

Parochus Varieschi e Trezzano, parochus Girotti a G a g - giano, Monti e Ronche-tto, Prada e Fagnano, ac parochus Reina e Baggio, qui primi, maio mense anni 1884, in Me- diolanensi curia auditi sunt, omnes contra reum loquuti sunt.

Sacerdos Conti coadiutor paroeciae Cambiagi, farmaco- pola Gigada, Carera, Cazzaniga, Passoni, Torricelli, L o n a u , Calcinati, operarii aut possidentes, qui in ipso pago excussi sunt mense Augusto anni 1884, de gravi aversione populi, de periculo reversionis parochi Longhi, de eius avaritia aliis- que, amussim prout in Archiepiscopi litteris sermo est, contra reum uno ore deposuerunt.