63. De sancta Scholastica

In 1. Vesperis.

R. O doctrix et didascala
Sectandae virtutis,
Quam digne Scholastica
Diceris, schola salutis,
V. Tu vita, tu morte
nos edoces,
Ut ad caeli bona
nos evoces.

Ad Magnificat.

A. O flos candens, lilium

Fragrans in convallibus,
Fervens flos Scholastica,
Sponsum Dei filium
Caeli pascis floribus,
Virtute mirifica;
Fac candore castitatis
Nos florere caelitus
Et ardore caritatis
Fervere medullitus.

Ad Matutinum.

Invitatorium.

Cuncta canant Domino,
qui sanctis aethera pandit,

Ore columlino

quo visa Scholastica scandit.

In 1. Nocturno.
Antiphonae.

1. Stella surgit matutina
Claro fulgens lumine,
Dum haec virgo columbina
Volat ad te, Domine.

2. Dulcis sonat harmonia
Dei narrans gloriam,
Quam puella prudens, pia
Depromit per gratiam.

3. Tuo, Iesu, nomini
Fidem conservabat
Et ut terra Domini
Plena germinabat.

Responsoria.
1. Virgo Deo placita,

Formula claustrorum,
Tu carnis lege domita

Regulam dans moram,
Modulatrix inclita,

Nostrum rege chorum;
V. Memor esto filiorum,

Soror, mater, amita,
Duc nos ad statum perfectorum

Via vitae reddita.
2. O oliva pietatis,
Fundens zelo caritatis

Oleum laetitiae,
Caeco lumen, fer divinam
Morbo cordis medicinam

Condimentum veniae;

V. Sicut fumi virgula

Fragrans aromatibus
Sic, quibus parces sedula,
Tu redoles precibus.
3. Regis in cellario
Sponsae desiderio
Propinatur veritas,
Ordinatur caritas,
Ibi dulce poculum,
Sponsi sumit osculum
V. Mentis parans vasculum,
In qua passi colligit
Crucifixi titulum.

In 2. Nocturno.
Antiphonae.

1. Rex electae virginis
Concupivit speciem,
Quam vocat ad faciem
Suae pulchritudinis.
2. Sponsae tabernaculum
Sunt dilecti vulnera,
Quo murrae fasciculum
Locat inter ubera.
3. Virgo sine macula
Veniens a Libano
Sub amoris clibano
Fervescet in saecula.

Responsoria.

1. Soror fratrem visitavit
Extra cellae moenia,
Et uterque distillavit
Verba lucis dulcia;
Frater quaerit reditum

Vespera praesente,
Haec rogat per spiritum
Lacrima fluente ;
V. Fletu vocat pluviam
Aethere clarente,
Germani praesentiam
Optans pia mente.
2. Virgo fletu caritatis
Pedes lavat Domini,

Dreves, Historias rhythmicae. VII.

Potum praebet voluptatis

Angelorum agmini,
Et effectum bonitatis

Preces confert homini ;
V. Haec est aqua calida

In deserto saeculi,
Qua mens lux ut nitida

Fit in modum speculi.
3. Sponsa quaerit hinnulum,
Datum nobis parvulum,

Florem inter lilia,
Quaerit in meridie
Solem hunc iustitiae,

Splendidum in gloria ;
V. Sicut cervus sitiens

Cursitat ad flumen,
Sic amor impatiens

Ad divinum numen.

In 3. Nocturno.
Antiphonae.

1. Terra modo sterilis

Dat virtutum germina,
Lacte, melle fertilis
Caeli cibat agmina.

2. Agni tympanistria

Hoste merso iubilat,
Precibus invigilat,
Poli quaerit atria.

3. Virginis flagrantia

Mundus reformatur,
Caeli vernat curia,
Deus honoratur.

Responsoria.

1. Salomonis ferculum

Multi fortes ambiunt,
Dum sponsae cubiculum

Angeli communiunt,
Qui sponsae coniubilant

Sponso audienti,
Ei pacem sibilant

Pie quiescenti.
V. Iesu cubans pectore
Dormit in sacrario,

Cui dulci studio
Angeli sub tempore.
2. Principis haec filia

Gressibus decoris
Trabitur fragrantia

Nazareni floris,
Tota pulcbra rutilat

Liliis vallata
Et in psalmis iubilat

Spiritu levata;
V. Iesse florem lucidum

Diligit prae omnibus,
Rubicundum, candidum

Colligens ex milibus.
3. Haec parente nobilis,
Spiritu fuit humilis,

Sic digna praeconio

Ex doni fastigio,
Meruit hic gratiam
Et in caelis gloriam;
V. Brevi hic apicula

Congerens dulcorem,
Ad laborem sedula

Dulcem per amorem.

In Laudibus.

Antiphonae.
1. Manna virgo colligit

Mariae quaerens aream,
Dulcem botrum eligit
Veniens ad vineam.
2. Flos in vere canduit,
Floruit ad gratiam,
Fructu multo claruit
Adimplens iustitiam.

3. Sponsum virgo sequitur
Ferens secum oleum,
Ad chorum virgineum
Sponsi manu ducitur.
4. O quam dulcis visio,

Qua sol verus cernitur,
Virginali gaudio

Quem virgo complectitur.

5. Haec hosti terribilis
Ut castrorum acies,
Sanctis est spectabilis
Ut astrorum facies.

Ad Benedictus.
A. Benedictus rex gloriae,
Qui de lacu miseriae
Exsulem ad patriam
Virginem ad regiam

Dulciter vocavit,
Haec nos suis precibus,
Meritis, virtutibus
Perducit ad veniam,
Gratiam et gloriam.

In 2. Vesperis.
Ad Magnificat.

A. Aulam intrat sponsa Dei
Anno vero iubilaei,

Sabbatizat suaviter,
Regem cernit in decore,
Cui laudes cum dulcore

Resonat hilariter,
Eius prece, Iesu bone,
Terge sordes, nos coronae

Iungas aeternaliter.