M E D I O L A N E N . 69

ipsi communicatae fuerant : populum ab ecclesia frequentanda abstinuisse adiecit nonnullorum scelestium audacia, qui quidem plurium criminum accusati in carceribus deinde iustas sua- rum nequitiarum poenas luerunt: colonis locationis pretium iuste crevisse, sequens exemplum aliorum loci civium, et cum beneplacito Ordinarii sui , qui tantummodo moderatio- nem et prudentiam commendavit ; idque fecisse, ut arctam beneficii conditionem restitueret.

Tandem die 5 Ianuarii 1886 citatus fuit ad testes in sui de- fensionem proponendos. Parensque praecepto sub finem eiusdem mensis plures testes cum interrogationibus eisdem faciendis indicavit ; 57 documentorum et epistolarum volumen allegavit, quo asserta prius in libellis evinceret ; et iteravit exceptiones nedum contra testes sed et contra locum in quo examina per- ficiebantur, quia ibi tuta non erat veritatis dicendae libertas.

Sed iudex non modo reiecit exceptiones de testibus et de loco, sed parochum ipsum invitavit ut sisteret coram singulis testibus in oppido Cambiago. Siquidem parochus Longhi prae- cedentibus litteris retulerat se paucos ante dies, 11 Decem- bris 1885, Cambiagum perrexisse, amicum suum Casanova adiisse, et a populo, qui eum transeuntem viderat, bene exceptum fuisse. Aliunde si in pagum Cambiago advenire, ibique pacifice aliquot dies commorari consensisset, copia ei fuisset odium plebis ipso facto excludendi.

At sacerdos Longhi in editis exceptionibus nedum per- stitit, sed et novam proposuit contra vicarium foraneum Gorgonzolae, quippe qui iudicem delegatum Cambiagi, testem vicissim egerat Mediolani.

Nihilominus iudex procedendum censuit ; ideoque per de- legatum audiri iussit secunda vice iudiciales testes Cigada, Rolfini, parochum Moioli, parochum Comezzoli, et coadiu- torem Conti, qui omnes praecedenter dicta vel firmarunt vel exasperaverunt. Hoc contigit mense Martio 1886.

Et subinde testes a Longhi in sui defensionem propositos rogari delegatus decrevit. Sed Corazza, Aloysius Cereda, et quatuor coloni domini Casanova, nempe Colombo, Villa,