66. In sanctorum Confessorum.

1. Deus, plasmator cunctorum,
Thronos gubernans polorum,
Arce qui de supernorum
Chaos vides infimorum,

2. Ut dulcores per tuorum
Septiformium donorum
Ad amorem aeternorum
Cor inflammes terrenorum ;

3. Huius boni largitate,

Quae procedit, Deus, a te,
Confessorum roboratae
Mentes sunt et illustratae.

4. Hi castigant nocitura
Et fatigant carnis iura,
Mundi bella calcant dura
Pro salutis spe futura.

5. Hi viriles et quieti,
Prudentes et mansueti,
Sanctitatis norma freti
In adversis gaudent laeti.

6. Mundi luxus inimici
Casti spernunt et pudici,
Ac pro cursu tam felici
Dei facti sunt amici.

7. Horum status tam decoras
Dulci melo sit canorus,
Ipsis bymnum hunc sonoras
Noster laetus psallat chorus.

8. Patri decus increato
Unigenitoque nato,
Ab utroque propagato
Laus sit, pneumati sacrato.