MEDIOLANEN. 75

Nec satis : sed antequam ad privationem iudex deveniat, debet trina vice beneficiatum monere. Ita sane S. Rota in Cracovien. Parochialis 22 Iunii 1767 cor. Guerra: « Trina » monitio praecedere debet sententiam privationis sive agatur » de punienda simplici Incontinentia, sive plectenda sit in- » continentia qualificata... semperque urget trinae monitionis » servandae necessitas, etiamsi crimina quae causam desti- » tutionis suppeditant sint abunde comprobata. » Quod etiam S. O. C. et docuit et retinuit pluribus in casibus, ceu vi- dere est in S. Severi 4 Aprilis 1778; in Terracinen. 2 Iu- nii 1860 ac maxime in Parisien. Remotionis a paroecia 27 Augusti 1764. In themate vero trina monitio defuit.

Accedit quod magnificatum plebis odium, cui sententia destitutionis innititur, inter causas canonicas privationis be- neficii non connumeratur ; sed ad id potius grave probatum- que crimen vel insordescentia in 'delictis requiritur, ceu me- minit De Luca De benef, in sum. § 29 n. 222, Rota in decis. 711 n. 6 car. Dunoret aliique passim. Quae tamen crimina contra sacerdotem Longhi non militant.

Imo nec odium tale existit, quale saltem ad removendum parochum prudentia exigere potest. Atque heic patronus plura cumulat in sui clientis defensionem testimonia, inter quae primum locum meretur scripta attestatio parochi Origo, cui concinunt parochus Sesia et plures alii testes fide digni, qui omnes agendi rationem sacerdotis Longhi commendant et laudibus extollunt.

Nec refert quod quamplurimi in contrarium testentur. In primis enim ex his plures ex auditu et fama, non autem ex propria scientia, testimonia tulerunt; unde parvi facienda est eorum auctoritas ad tradita per cap. 47 De test. Insuper nonnullos singulares esse singularitate obstativa orator con- tendit, ut e. g. accidit in accusatione de partialitate et in- iustitia in subsidiorum dispensatione, et dictum unius ener- vari per dictum alterius.

Praeterea alii inverosimilia enarrant, ceu de coadiutore Conti contigisse videtur, quando asseruit parochum Longhi