M E D I O L A N E N . 77

pia opera saepenumero gratis fecisse, aut suis impensis obiisse; imo bonorum parochialium conditionem meliorem sumptu suo reddidisse.

Quod vero colonos non oppresserit patronus colligit, non modo a depositione plurium testium, sed etiam a collectione rationum a tabulario exarata ad colonos beneficii Cambiagi spectantium parocho Longhi administrante.

Quod demum parocho Longhi non sit imputandum, si diebus festis aliquando secunda missa in paroecia defuerit, et si deficienti coadiutori alter suffectus haud fuerit, clare demonstratur ex litteris quibus ille sategit hunc alterumve sacerdotem ad missam celebrandam invitare.

Ex quibus omnibus orator concludit, imputationes suo clienti factas aut falsas esse aut exaggeratas ; simulque con- tendit populi aversionem, dato quod exti teri t , modo cessa- visse, adeo quidem, ut velitum decurio Picciocchi declarare potuerit, quod parochiani sacerdotem Longhi libenter exci- perent.

QUAE CURIAE FAVENT. Ex altera vero parte observatum praeprimis fuit, in nova hac causae propositione sacerdotem Longhi nonnisi pauca quaedam extraiudicialia documenta pro- duxisse in summario, quod ultimum vocat, contenta, et quae ut plurimum sunt praecedentis eius vitae laudativa: et nonnisi unum vel alterum novum documentum (attamen et ipsum ex- traiudiciale) attulisse, ut ab accusationibus et plebis odio se excuset. Quapropter ut a S. C. C. recedendum a decisis et restitutionem in beneficium consequatur insistere merito non potest nisi in documentis prima vice prolatis, nec in alio sperare quam in nova diversaque eorum aestimatione.

Verumtamen praeiudiciali hoc argumento etiam omisso, et in merito re inspecta, prout exigit concessum a S. C. C. repropositionis rescriptum, considerari oportet, existentiam gravissimi odii contra parochum Longhi iuridice certam esse. Quinquaginta enim et amplius testes in iudicio adsti- terunt ex omni personarum coetu selecti, partim ex officio citati, partim ab ipso Longhi propositi. At vero ex his ipsi