80 MEDIOLANEN.

excessus et ausus conduxerit, nihilominus implicite evincitur parochum usque ab initio graves multiplicesque causas ad tantam aversionem dedisse. Non enim supponi potest quod paroecia ac plebs quae nedum ab Archiepiscopo sed ab ipso parocho Origo sacerdotis Longhi fautore, bona renunciatio, nihilominus sine ulla causa ac tam graviter suo parocho succensuerit, et repente pessima evaserit.

Profecto haec innocente parocho evenisse credi facile non potest. Et pariter causam tot malorum cuidam minusculae factioni tribuere, ut nonnulli conantur, devium esset ac falsum ; nam reapse non unus vel alter, sed ipsa universa plebs coniurata in parochum comperitur. Nec ad parochi culpam purgandam appellare iuvat, sicut quidam eius fau- tores contendunt, ad praecedentis eius vitae specimina : quo- niam non raro accidit, ut qui in minoribus officiis bene se gessit, in maioribus sordescat: et de cetero iuxta Ordina- rium, ratio agendi sacerdotis Longhi etiam in aliis anterio- ribus locis ac muneribus haud immunis a censura fuit. Qua- propter vera tantae aversionis causa uni sacerdoti Longhi tribuenda videtur : et odium, de cuius existentia, extensione et gravitate dubitari iuridice nequit, non ex plebis malitia, sed potius ex ipsius parochi culpa, avaritia, arrogantia aliis- que defectibus repetendum fore.

Age vero: si in iis adiunctis, si post longum diuturnum- que processum et tam plenam certamque factorum demonstra- tionem, Archiepiscopus non valuisset talem culpabilem sacer- dotem paroecia exuere, dicendum videretur, Ordinariis media deesse, -quibus urgentibus suae Dioecesis difficultatibus pro- videant ; et inamovibilitatem parochorum, quae ideo est constituta non ut sacerdotes seipsos pascant, sed utique ut sine anxietatibus quietoque animo gregis curae toto corde se dedant, quae uno verbo in bonum animarum introducta est, in perniciem et in ruinam potius subsistere, quod non potest admitti, nec unquam canonica iurisprudentia sanxit.

Hisce omnibus pro utraque parte relatis, dirimendum propositum fuit sequens