75. De sancto Theodolo.

In 1. Vesperis.

Antiphonae.

1. Illustris civitas

Subiacet Alpibus,
Cuius amoenitas
Accolis omnibus
Grata videtur.
2. Hanc Sedunum ore pari
Iudicavit appellari
Patrum definitio.
3. Postquam occubuit
Praesul, quem habuit,
Dono caelestis gratiae
Sedunensis ecclesiae
Curam sumpsit Theodolus.

4. Iure Christi

praefertur ovibus
Gubernator,

qui dum virtutibus
Coruscat et miraculis,
Suis vilescit oculis.

5. Curam gerens ovium
Lumen subtus modium,
Quod flagrabat in pectore,
Non occultas, Theodole.

R. Qui tibi, Theodole,

celebri famulantur honore,
Qui tibi multimodas

impendunt carminis odas,
Secretum cordis

mundes a pulvere sordis,

V. Ut eorum tibi gratus
Habeatur famulatus,
Congeriem immanium
Procul repellas sordium.

Ad Magnificat.

A. Magnificum antistitem,
Cui gladium ancipitem
Propter incursus hostium
Commisit rector omnium,
Magnificemus.

Ad Matutinum.
Invitatorum.

Adoremus Christum regem,

Quo donante suum gregem

Sanctus rexit Theodolus.

In 1. Nocturno.
Antiphonae.

1. Fructuosae arbori
Felicis Theodoli
Sermo vivus et utilis
Fertur esse consimilis.

2. Huius mundi blandimenta
Per ipsius documenta
Tamquam veneni poculum
Liquet sprevisse saeculum.

3. Pastor non mercenarius
Irrigabat propensius
Sermonum eloquio
Corda pio studio.

Responsoria.

1. Universae

fines Burgundiae,
Deo laudes

solvatis hodie,
Per quem regnat

in caeli solio
Praesul noster,
felix Burgundio,
Theodolus.

V. Plantatus est

in domo Domini,
Sociatus

sanctorum agmini,
Patri, nato
sanctoque flamini
Semper praesens.

2. Fama velox

ocius alite,
Cursum agens

directo tramite,
Seriatam

vitam Theodoli
In conspectu

denudat Karoli,
V. Ut honoris ad apicem
Suum Deus pontificem
Promoveret per indicem

Effectum.

3. Imperator

illustris Karolus,
Quem rex orci

nequam et subdolus
Turpi vinctum

tenebat crimine,
Liberatur

sancti iuvamine

Theodoli,

V. Dum in quodam concilio

Dolore tactus nimio

Precum sibi suffragio

Subveniri postulat.

In 2. Nocturno.

Antiphonae.

1. Pro quantitate criminis,
Quod erat expers nominis,
Visum aeterni luminis
Amiserat.

2. Pudebat eum promere,
Quo laesus esset vulnere,
Nulli volens detegere
Culpam.

3. Authenticis praesulibus
Profitetur gemitibus,
Suspiriis et fletibus
Sui dolorem animi.

Responsoria.

1. Sancti patres

affectu patrio
Adhibentes

medelam saucio
Blande fovent

piis sermonibus
Pro commissis

tristem excessibus;
V . Demum quidam antistites
Ad loquendum praecipites
Videri volunt divites

Consolando.
2. Decem missas

quidam aut amplius,
Vel viginti

loquentes ditius,
Seu triginta

promittunt propere
Pro sanando

letali vulnere ;

V. Praesul noster inclitus,

Humilis et tacitus,

Nihil est pollicitus

Sed alii.
3. Non latebit civitas
Supra montem posita
Neque iusti sanctitas
Hactenus abscondita;
Rex inquirit Karolus,
Quot missas Theodolus

Celebrare debeat.
V. Crimen inanis gloriae
Devitans et iactantiae
Nutu caelestis gratiae:

Solam, inquit, cantabo.

In 3. Nocturno.
Antiphonae.

1. Hoc audito circumstantes,
De se magna suspicantes,

Habent quasi despectui
Doni virum exigui.

2. Arrogantes et elati
Coram rege congregati
Propter munus exiguum
Parvipendunt innocuum.

3. Reputatur idiota,

Cuius Deo mens devota,
Quod obtinere nititur,
In delate consequitur,

Responsoria.

1. Prosperante

Dei clementia
Sunt reversi

patres ad propria
Missarum que

constiicti debito
Iubent solvi,

quod debent, subdito,
V. Si quis forte sacerdotum,
Quod non erat cuiquam notum,
Regem ferret ad devotum

Revelante Domino.

2. Unus Deus

et simplex unitas,
Quod per partes

nequit pluralitas
Obtinere,

de lapsu Karoli
Manifestat

voto Theodoli;
V. Fusa prece pro peccato
Praeter usum perpetrato
Regi valde conturbato

Condonatur.

3. Per virtutem

superni numinis
Modum plene

cognoscens criminis
Regi refert

ipsius ordinem,
Seriatim

narrans originem ;

V. Inde quaedam exenia,
Consulatum, regalia,
Praefecturam et alia
Suscepit.

In Laudibus.
Antiphonae.

1. Thebaeorum legio
Detruncata gladio
Cum Christo regnat in caelis.

2. Ossa cuius Deo grata
Iacuerunt inhumata
Diu nudo sub aere.

3. Hinc in caelesti curia
Fit grandis querimonia
Sub altare Dei.

4. Propter causam huius rei
Revelatur servo Dei
Caeleste consilium.

5. Felix praesul divinitus
Evidenter admonitus
Tobiam imitatur.

Ad Benedictus.

A. Die praesul hodierna

Nexu liber saeculi,
Arce sedeas in superna,

Dele culpam populi,
Ut nos solvat a peccatis

Fracta mole criminum,
More tuae pietatis

Deprecare Dominum.

Ad Magnificat.

A. Ossa legens beatorum
Legionis Thebaeorum
Agauno clauso rupibus
Sacris locasti manibus,
Summe praesul Theodole.

Alia Antiphona.

A. O gloriose pontifex,
Tuis devotus opifex,
Conserva nos a grandine,
A gelu et a fulgure,
Ut ubertate fructuum
Lauderis in perpetuum.