80. De Visitatione BMV.
Ad Nocturnum.

1. Sacris solemniis dat virgo gaudia
Novis eloquiis reserans labia,
Deum magnificat humilis et pia,
Quam gratia vivificat.
2. Festi recolitur dies laetissima,
Qua rite panditur salus uberrima,
Dudum veteribus per signa plurima
Sanctis ostensa patribus.
3. Post verbum coelicum salubris foederis
Per os angelicum missum a superis,
Visitat proximam virgo prae ceteris
Se exhibens humillimam.
4. Rem admirabilem jam Intellexerat,
Feminam sterilem, quae consenuerat,
Filium gerere, cui dignum duxerat
Laetam salutem promere.

5. Praecelsae dominae dum vox Insonuit,
Interno lumine Johannes claruit,
Exsultat gaudio, sanctus qui meruit
Christum lavare fluvio.

6. Te trinum dominum unumque colimus,
Reginae virginum meritis petimus:
Post vitae terminum duc nos, quo tendimus,
Ad te datorem luminum.