Congregatio de Causis Sanctorum 205

emisit. Cuius corpus, in Italiam translatum, nunc in Basilica Mediolanensi

Sancto Augustino dicata, quam valde dilexerat, quiescit.

Cum fama sanctitatis propagata esset, a die 21 mensis Novembris anno

1994 usque ad diem 19 mensis Ianuarii anno 1996 apud Curiam Archiepisco-

palem Mediolanensem dioecesana Inquisitio celebrata est, cuius auctoritas et

vis probata ab hac Congregatione de Causis Sanctorum Decreto die 21 mensis

Martii anno 1997. Perfecta Positione, inquisitum est, ad normas processus,

an Servus Dei virtutes exercuisset heroum more. Die 5 mensis Februarii

anno 2013 factus est felici cum eventu Congressus Peculiaris Consultorum

Theologorum. Die 24 mensis Septembris anno 2013, cum Sessio Ordinaria

haberetur, cui egometipse, Cardinalis Angelus Amato, praefui, Cardinales et

Episcopi professi sunt Servum Dei heroum in modum virtutes observasse.

Facta demum de hisce omnibus rebus Summo Pontifice Francisco accu-

rata relatione per subscriptum Cardinalem Praefectum, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, eisque adnexis, in gradu heroico, Servi Dei Atilii

Giordani, Christifidelis laici et Patris familias, Salesiani Cooperatoris, in

casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 9 mensis Octobris a.D. 2013.

angeluS card. amato, S.D.B. Praefectus

L. G S.

G marCelluS BartoluCCi

Archiep. tit. Mevaniensis, a Secretis