212 Acta Apostolicae Sedis - Commentarium Officiale

PARMENSIS

Beatificationis et Canonizationis Servae Dei Caelestinae Bottego Fundatricis Ins- tituti Sororum Missionariarum a Maria seu Xaverianarum (1895-1980)

DECRETUM SUPER VIRTUTIBUS

« Nihil amori Christi praeponere » (S. Benedictus de Nursia, Regula, 4).

Hanc Serva Dei Caelestina Bottego iuventutis tempore sancti Benedicti

comperit et inquisivit spiritualitatem, quae revera forma fuit et ratio iam

inde a pueritia sive animi eius cursus sive vitae moderans praelationes.

Serva Dei die 20 mensis Decembris anno 1895 Glendolii intra fines Ohii

regionis in Civitatibus Foederatis Americae Septentrionalis e migrantibus

parentibus orta est. Serenitatem familiae iam autem anno 1897 nuntium

caedis patrui, celeberrimi scilicet illius exploratoris Victorii Bottego, per-

turbavi qui in insidiis belli in Aethiopia periit. Pater ergo Ioannes Baptista,

de senibus parentibus suis admodum veritus, cum filis Maria et Victorio in

Italiam protinus redire censuit, quos uxor eius ac Caelestina quamprimum

dein persequerent. Quae dolenda omnibus divulsio plurimos ob obices et

impedimenta in decem usque fere annos misere dilata est, quam ob rem

Caelestina, quae sola cum matre remorata est, laetam beatamque ad aliarum

puellarum morem haud degit infantiam. Mater ei fuit propinquissima et

filiolam musicae versuumque amore imbuit cogitationibusque spiritualibus

suggestis cumulavit. Caelestina, quae tacitae et consideratae indolis erat,

anno 1906 Primam Communionem recepit et, insequenti anno, sacramentum

Confirmationis.

Anno 1910, cum matre in Italiam redire et in unum demum cum reliqua

familia convenire valuit. Serva Dei, autem, tum iam quindecim annos nata,

priusquam profecta est confessario concredidit vitae Domino consecran-

dae semper eam agitavisse propositum. Exinde, in Italia adventa vulgaris

sermonis studio vacavit, necnon cursui studiorum ad magistrae titulum et

facultatem anglicae linguae docendae adipiscendam, quam discipulis in mul-

tos annos apud scholas publicas Parmenses tradidit.

Illis annis, Emmanuelem Caronti, abbatem ex Ordine Sancti Benedicti,

qui insignis sacrae Liturgiae erat peritus et iuvenum instituor probatus,

oppetiit. Eo moderante, maior Caelestinae soror Maria vocationem suam