206 Acta Apostolicae Sedis - Commentarium Officiale

CORCAGIENSIS et ROSSENSIS

Beatificationis et Canonizationis Servae Dei Honoriae « Nano » Nagle Fundatricis Congregationis Sororum a Praesentatione Beatae Mariae Virginis (1718-1784)

DECRETUM SUPER VIRTUTIBUS

« Quae stulta sunt mundi, elegit Deus, ut confundat sapientes, et infirma

mundi elegit Deus, ut confundat fortia » ( 1 Cor 1, 27).

Divinae Providentiae oeconomia, quam Apostoli verba mire exprimunt,

in historiam mundi per humilitatis ac servitii perseverat irrependo semitas,

quas Serva Dei Honoria Nagle, « Nano » vulgo nuncupata, pulsavit.

Honoria anno 1718 in vico vulgo Ballygriffin intra fines Comitatus Cor-

cagiensis ad insulam Hiberniam ex satis locupleti familia, prima septem

filiorum, nata est. Cursum studiorum Iprae in Belgio apud Sorores Sancti

Benedicti Hibernienses confecit ac deinde Lutetiae Parisiorum degit prius

quam Dublinum anno 1746 mortuo patre rediret. Matre etiam vertente

biennio exspirata, Honoriae visum est se ad fratrem in vico vulgo Bally-

griffin concedere.

Reditus in patriam necnon ad larem infantiae omnia consecuta potissime

collustravit consilia. Serva enim Dei diversorum populi Hiberniensis ordinum

miseria et ignorantia, quas inspexit, percussa est, quapropter pauperibus

adiuvandis et iuvenibus derelictis instituendis se omnino decrevit vacare.

Admodum iuvenis adhuc, cor suum vero Honoria divinae pandit gratiae,

quae eam adhortabatur, quo maiore pro bono iuvenum generationum, quas

inscitia praesertim ac paupertas maxime iactabant et proinde in omnimodam

corporis conscientiaeque aleam committebant, uteretur sollicitudine. Vero

ergo maternitatis spiritu puellarum puerorumque copiam circa se colligere

cepit, quos omnes humanissime praecuravit, eorundem sese efficiens hu-

milem et sollicitam spiritualis culturalisque institutionis opificem, eo modo

ut eos in Deum verteret.

Modesta porro in loco Cove Lane conduxit domum, ubi scholam rese-

ravit pro puellis educandis, quarum autem numerus in primordiis exiguus

paulatim adeo auxit, ut praeceptorum communitati in pergulas iamiam esset

ampliores demigrandum. Novis indesinenter petitionibus admissis, Serva

Dei scholam quoque pro pueris parvarum classium primariae elementari

institutioni provehendae coniungens disciplinam alumnorum egenorumque