88 MOLINEN.

pariter est nil monstruosum in Angela reperiri, quae insu- per iurat se nullum consummationi apposuisse obstaculum, nec contradicitur nisi a Carolo. Quis igitur credet ipsum non potuisse matrimonium consummare, nisi vellet ex in- dustria abstinere et illicitis tantum frui ut uxori commisit? Et hic animadvertendum quod Carolus constanter recusavit coram iudice ecclesiastico comparere licet bonus et pius iu- xta D. Pannetier; inutiles sunt citationes, iuridice factae, inutiles suasiones amicorum. Quare? Passive se habere vult, ait ipse - Sed futilis et insulsa responsio, quum de re sua et honore maxime agatur-Melius dicendum, virum vitio in- naturali deditum Iudicis interrogationes vereri et periculum aut periurii aut famae amittendae evitare voluisse. - Et hoc confirmatur amplius ex incoherentia assertorum eius circa totum hoc non-consummationis negotium. Id accidisse culpa Angelae, ait; sed primo de hac culpa prorsus tacuit, scili- cet in libello iudici civili oblato mense aprilis 1883 - in quo conquestus est, uxorem deseruisse domicilium, et sic officio coniugali defuisse. - Postea arguit voluntatem contrariam Angelae, et pro argumento attulit « impositionem fomen- torum » quod argumentum diluitur plane testimonio Catha- rinae Druelle, ex quo apparet fomenta haec imposita fuisse; 1. super stomachum tantum - 2. sex vel septem vicibus - 3. Contra voluntatem Angelae taedio ab iis affectae - Nu- perrime demum fabulatus est, se abstinendo, obtempérasse vo- luntati patris uxoris, qui eum monuerat ut filiam parceret. Pater iam a quinque annis mortuus, res explorare nequit: eo tamen vivo nihil tale ausus fuerat proferre. Collatis igi- tur his tergiversationibus Caroli cum simplici testimonio Angelae, iam a primordiis matrimonii dicentis virum noluis- se debito modo agere, difficile non est discernere pro qua parte stet veritas. Quinimmo attentis, quae nota sunt circa ingenium plusquam mediocre Caroli, qui ex parentibus in 2.do consauguinitatis coniunctis genitus, imbecillitate illa laborare videtur, quae non raro in tali prole perspicitur, non impro- babile videtur primam fuisse veram Caroli responsionem: ce-