85. In Resurrectione Domini.

Ad Vesperas.

1. Vita sanctorum, Deus, angelorum,
Vita cunctorum pariter piorum,
Christe, qui mortis moriens ministrum
Exsuperasti,

2. Tu tuo laetos famulos tropaeo
Nunc in his serva placidus diebus,
In quibus sanctum celebratur omnem
Pascha per orbem,

8. Pascha, quo victor rediens ab imo
Atque cum multis aliis resurgens
Ipse susceptam super alta carnem
Astra levasti.

4. Nunc in excelsis Dominus refulgens
Et supra caelos Deus elevatus,
Inde venturus homo iudicatus
Denuo iudex,

5. Corda tu sursum modo nostra tolle,
Quo patri dexter residens in alto,
Ne resurgentes facias in ima
Praecipitari.

6. Hoc pater tecum, hoc idem sacratus
Praestet amborum, pie Christe, flatus,
Cum quibus regnas Deus unus omni
Iugiter aevo.

S6. In Resurrectione Domini.

1. Sol, luna, caelum, sidera,
Mons, vallis, alta, concava,
Fons, stagna, flumen, aequora,
Quicquid volat, repit, natat,

2. Qua voce quisque praevalet,
In laude Christi plaudite ;
Redemptor orbis hac die
Ab inferis victor redit.

3. Cui latro mox ut credidit,
Sedem beatam percipit ;
Cunctis sacram spem contulit,
Dum latro poenas effugit.

4. Vita ante per lignum periit,
Nunc vita per lignum viget ;
Hoc per crucem Deus refert,
Per pomum Adam quod per-
didit.

b. Decepta mors est optime,
Ars arte victa corruit,
Quae, si solebat tollere,
A se ligata reddidit;

6. Gavisa Christum accipit,
Deum vorando se necat,
Quaerendo praedam praeda fit,
Glutivit ipsum, quo perit ;

7. Escam putavit, mors fuit,
Dum plus cupit, se perdidit;
Vult unde praedam sumere,
Clauso necatur gutture.

8. Captiva plorant tartara,
Erepta gaudent milia.
Qui nostra solvis vincula,
Dextra, quaesumus, libera.