Congregatio de Causis Sanctorum 207

eorum proximorum visitationem inivit; praeceptio insuper institutionum

scholasticarum orationi, sacrae doctrinae et parvis operibus domesticis con-

ficiendis conserebatur.

Cumulantibus petitionibus, Serva Dei munus sibi ipsi sumendum esse

novi Instituti ineundi animo intellexit. Indeque in vigilia Nativitatis Domini

anni 1775, socias quasdam in domo sua Corcagiensi congregavit, quae sibi

Sororum Institutionis Christianae a Sacratissimo Corde Iesu imposuerunt

nomen, dein in Congregationem Sororum a Praesentatione Beatae Mariae

Virginis semel mutatum: Honoria nomen sumpsit Sororis Mariae a Sancto

Ioanne a Deo et anno 1777 vota religiosa perpetua professa est. Consecutis

annis, Beatum Edmundum Rice ipsum oppetiit, qui eidem scholae Vater-

fordii aperiendae subvenit.

Temporum enixo fidei intuitu Mater Honoria conspicere valuit signa,

quae profundis societatis mutationibus eo tempore summopere laborabantur,

et institutionis defectum uti tantorum scelerum causam intelligere. Cum

huius incepti profectus sibi conscia esset, opus suum in Institutum religio-

sum quoddam omnibus iam notum cernuit adgregare, quapropter Sorores

Ursulinas Galliae Lutetiae Parisiorum primo ac dein Deppae appellavit.

Aerumnae tamen haud defuerunt, quae benignum autem eius obsequium

Dei voluntatis nullomodo infecerunt. Eximio enim fidei et orationis spiritu

firmaque in suipsius opere iuges inter frustrationes renovando perseverantia

ac mira inter difficultates spe omnia impedimenta et adversitates sublimi

humilitati, divinae voluntati omnino fidenter tradita, valuit superare, multi-

plicata in Beatissimam Virginem Mariam pietate atque omnibus oboedientia,

constantia et summa animi mansuetudine toleratis.

Ambages licet inter etiam et discordias, numquam tamen a fidelitate

erga Ecclesiam recessit, tempestates immo adversae secundum eidem fue-

runt tempus ad substantiam rerum perquirendam, orationem scilicet et

pietatem eucharisticam intimamque Dei communionem et exercitium vir-

tutum, praesertim sollicitudinis caritatis illius educationi accommodatae,

quae omnia indoles eius pura, expolita et moderata necnon firma et aequa

spiritualitas informabantur.

Septem transactis annis a professione religiosa, Mater Honoria die 26

mensis Aprilis anno 1784 Corcagiae in Domino quievit.

Hanc ob sanctitatis famam, Causa Beatificationis et Canonizationis apud

Curiam Episcopalem Corcagiensem et Rossensem inita est per celebratio-