208 Acta Apostolicae Sedis - Commentarium Officiale

nem Inquisitionis dioecesanae a die 5 mensis Martii ad diem 22 mensis

Octobris anno 1986, cuius auctoritas et vis iuridica a Congregatione de

Causis Sanctorum die 26 mensis Iunii anno 1987 probatae sunt. Positione

confecta, die 7 mensis Martii anno 1995, positivo cum exitu, habita est Ses-

sio Consultorum Historicorum. Postea disceptatum est an Serva Dei more

heroum virtutes christianas exercuisset. Die 19 mensis Octobris anno 2012

Congressus Peculiaris Consultorum Theologorum faustam declaravit senten-

tiam. Patres Cardinales et Episcopi in Sessione Ordinaria diei 15 mensis

Octobris anno 2013, cui egomet ipse Angelus Cardinalis Amato praefui,

professi sunt Servam Dei virtutes theologales, cardinales iisque adnexas in

modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine iisque adnexis in gradu heroico Servae Dei Honoriae

« Nano » Nagle, Fundatricis Congregationis Sororum a Praesentatione Beatae

Mariae Virginis, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 31 mensis Octobris a.D. 2013.

angeluS card. amato, S.D.B. Praefectus

L. G S.

G marCelluS BartoluCCi

Archiep. tit. Mevaniensis, a Secretis