88. In Assumptione BMV.
In 1. Vesperis.

1. Gaude, fidelis concio,
Cujus spes est In domino,
Plaude mater In filio
Regnanti sine termino.

2. Ipsa, quae Christum genuit,
Mortem devicit hodie
Et In carne refloruit
Templum solis justitiae.

3. Ancilla quondam humilis
Nunc sublimis In gloria,
Cui nulla fuit similis
Nec par erit alia.

4, Somno pacis dormierat
Sacro eruta corpore,
In spe caro quieverat
Cum virginali decore.

5. Sponsus dilectam excitat,
Suam unicornis virginem,
Christus carnem suscitat,
In qua se fecit hominem.

6. Ave virgo, maris stella,
Verbi Dei sacrarium,
Salve summi regis cella,
Majestatis solium.

7. Agnosce, qui te diligunt,
Ut, quod credunt, hoc sentiant,
Qui te patronam eligunt,
Spei fructum Inveniant.

8. Gloria tibi, Domine,
Qui natus es de virgine,
Quam suscitat In gloria
Trinitatis potentia.

S9. In Assumptione BMV.

Ad Laudes.

1. Salve sancta virgo, sancta parens,
Virgo virginum, exemplo carens,
Cujus sole mundus nitet clarens,
Cujus rore revirescit arens.

2. Mundi gaudium tua viscera
Ad terras inclinarunt supera,
Ut reis de convalle misera
Fieret regressus ad aethera.

3. Et tandem venit vitae terminus,
Quem et Ipse subiit Dominus,
Mora brevi facta divinitus
Ad carnem tuus redit spiritus.

i. Caro carni omni nobilior,
Cujus partus coelis excelsior,
Morte facta prius humilior,
Resurgit se Ipsa sublimior.